ثمن عمري

4

ثمن عمري
بقلمي ام آيه

سحر:رجعت من يم خواتي وتلكاني الشفيه
رعد:هله خاتون توج شرفتي  متكولين هالحيوان
شياكل وشنو يزقنب
سحر:كلشي عايفتلك بالثلاجه بس حقك مسطور من وره السم الهاري الي تطفحه طول الوكت
سحر:سويت الغده وغديتهم ونيمت البنات ورحت للجامع ويه صلاه العصر كلت بلكت الحك بالشيخ
وصلت وشفت الطفل ابو البسطه وسألته على الشيخ
سحر:ياوليد ياوليد اكلك الشيخ موجود جوه بالجامع
لاخاله الشيخ مريض كلش وهسه ابنه ديأذن بداله
سحر:خرب حظج سحر شلون فكر ،هسه يموت الرجال وبنتي مااعرفلها درب بعد
سحر:بقيت انتظر جوه المطر والدنيا بارده الما فرغ الجامع واخر شي طلع المؤذن
سحر:السلام عليكم اخويه،الحمدلله على سلامه الشيخ،اخويه رايده الشيخ بشغله ظروريه والله العظيم مسأله انسانيه
ابن الشيخ:والله يااختي ابويه تعبان وصار يومين طلع من العنايه المركزه
اكدر اخدمج اني بشي ،اذا محتاجه مساعده اني انطيج من صندوق الزكاه مالت الجامع
سحر:لاوالله رحم الله والديك
اني ممحتاجه فلوس ،شغله ظروريه الله يخليك وديني عليه وانت من تسمعها راح تعذريني
ابن الشبخ:امشي ويايه بيتنه بعد شارعين
سحر:وصلنا بيت الشيخ وفتت عليه جان كلش تعبان وحتى اهله نبهوني اختصر بالكلام بسرعه واطلع لان وضعه حرج
سحر:اجر وعافيه ياشيخنا،قاصدتك بشغله ورايدتها من الله ومنك
اني قبل اسبوع ذبيت بنتي باب الجامع والله بنت حلال بس زوجي مو بعقله وظلمني (وووو )
وهاي كل سالفتي
بس اريد اعرف الناس الي اخذوهم متركوا يمك العنوان،لان الي اعرفه اكثرهم يبقون عنوانهم خاف يطلعون اهلهم
اريد العنوان بس حتى اطمئن على بنتي من بعيد
الشيخ:لو مو حاجيتلي قصتج جان مدليتج
الشيخ:والله يابنتي همه اثنين بنات جانوا
واخذتهم عائلتين عائله ضابط والعائله الثانيه دكتور
سحر:اني بنتي الي جانت لابسه كلاده و وياها ورقه
الشيخ:اي اي، هاي بنتج لعد
سحر:اي والله ياشيخ بنتي
الشيخ:بنيتي عذريني مااذكر ياعائله اخذتها بس عندي العنوانين وانتي عود شوفي بنتج يم منو
الشيخ:وليدي طلع السجل مال الجامع من الكومدي  مكتوب بي العناوين وانطي للمريه
سحر:ممصدكه والله !!!
نزلت بوست ايد الشيخ،معروفك ماانسا طول عمري وبميزان حسناتك وتكوم بالسلامه ان شاءالله
سحر:طلعت فرحانه بعد ما كتبت العناوين،صحيح ماعرف ياهو بنتي بس الحمدلله صار عندي بصيص امل
رجعت للبيت نفسيتي مرتاحه عشيت البنات
مها:ماما حبيبتي اليوم انتي مرتاحه
سحر:الحمدلله ماماتي
ثاني يوم اخذت عنوان الضابط ورحت لان اقرب علينه وكلت اجرب حضي
دكيت الباب وطلعتلي بنيه تطلع 15 سنه مبينه بتهم كتلها صيحلي ام البيت
ام البيت دزت عليه بالمطبخ وفتت
سحر:فتت للمطبخ وعيوني تدور على بنتي وسلمت
السلام عليكم عيني اني محتاجه مساعدتكم
ومرايده فلوس بس اريد تشغلوني يمكم وبالاجر الي يعجبكم الله يخليج
والله عندي بنات 2 وزوجي مريض نفسي وماعدنه معيل بس رب العالمين.
ام البيت:والله ماعرف شنو اكللج بس انتي مبين عليج مرتبه وصغيره مو مال خدامه
سحر:اي والله ياعيني بس الزمن قسى عليه
ام البيت:يصير خير ان شاءالله يجي ابو جوهره واحجي ويا وباجر تعالي الصبح وانطيج خبر لو نشغلج يمنه لو لا
رجعت للبيت وثاني يوم مصدكت شوكت يطلع النهار ورحتلهم اركض ودكيت الباب
سحر:شلونج عيني كولي لاامج اني جيت وهيه تنتظرني
ام جوهره:هلو عيني شلونج ،صدك انتي ام منو حتى اصيحج
سحر:اني ام مها عيوني
ام جوهره :اي ام مها هاهيه موافقين تشتغلين عدنه اليوم نختبرج ومن باجر ننطيج اجور يوميه
سحر:جزاج الله خير والله يكثر من امثالكم
وبميزان حسناتكم
سحر:بديت اليوم اشتغل عدهم وعيوني تراقب بنتي
كعدت ام جوهره بالصاله واني انظف وهيه تراقبني
واني بطبعي نظيفه ومرتبه
نظفتلها الصاله على حسب الاصول وحتى الجام لمعته
ام جوهره:بداخلي اكول والله شغلها مرتب ونظيف ان شاءالله تطلع امينه ومتمد ايدها مثل الي قبلها
سحر:اني اشتغل وهي تسالني واني اجاوبها ومبين ارتاحتلي وعجبها شغلي وكل شويه تروح ربع ساعه للغرفه وترجع
نظفت البيت وكملته كله ورحت على المطبخ بديت اشتغل بي وسألتها
سحر:اتعمدت اصخر البنيه كدام ام جوهره وكتلها
حبابه جوهره جيبيلي مي لان عطشانه
ام جوهره:هاي مو جوهره هاي بنت اخو زوجي جتي تساعدني بالبيت هالايام
سحر:عبالي بنتج الله يحفظها
ام جوهره:اني عندي بس بنيه عمرها اسبوعين تقريبا
سحر:الله يحفظها الكم ان شاءالله،
خطيه يعني انتي بعدج نفسه ياعيني،لعد راح هسه اسويلج شوربه دجاج تفيدج
ام جوهره:هههه لاحبيبتي مااحتاج اني متبنيتها لجوهره ،لان ميصير عندي اطفال
صار 20 سنه مزوجه وماخلف
سحر:الله يحفظها الكم وتتربه بعزكم
ام جوهره :الله يسلمج عيوني،كافي اليوم مقصرتي ،باجر تعالي ساعه 1 الظهر حتى تروحين 6 العصر لان اني اكعد وره 12 الظهر
سحر:ان شاءالله مع السلامه
سحر:صحيح اني مشفت بنتي بس عندي امل جبير نولد بداخلي
رتبت وظعي بالبيت اغديهم واكمللهم واعوفهم يم ابوهم
ومهاوي حريصه على اختها وتفتهم وحتى احسها شايله المسؤوليه والهم ويايه الله لايحرمني منهم ان شاءالله
وابوهم هو والماكو سوه حتى طلعوا تقاعد بوكت اسباب صحيه ومكابلني وكاعد
وتقاعده ميجيب بي بس السم الهاري الي يتبوزعه
سحر:رحت ثاني يوم وفتحت لي الباب ام جوهره لان بنت حماها راجعه لبيتهم ورجلها بالدوام
نظفت البيت وغسلت الهدوم ونظفت المطبخ ومخليت شي مسويته وكلش عجبها شغلي
بس الطبخ هيه تطبخ
وهم راح يخلص النهار واني مشايفه الصغيره
واني دانظف اخر شي بالمطبخ واسمع صوت الصغيره بس تصرخ ولاسكتت بالربع ساعه،
وهيه تبجي واني انمردت مرد على صوت البجي مالها،اخر شي متحملت ورحت دكيت باب الغرفه
سحر:ام جوهره اكدر افوت
ام جوهره:تعالي فوتي ام مها
سحر:اسم الله شبيها الصغيره تبجي
ام جوهره:والله ماعرف شبيها انطيتها حليب وبدلتلها ومتقبل تسكت
سحر:انطينياها ان اشوفها
سحر:كلبي وحيلي يرجف،بسم الله الرحمن الرحيم اخذتها وحظنتها وشميت ريحتها الحلوه
وشفتها ملابسه الكلاده،بس كلت يجوز مضمومه
نومتها على بطنها وبديت افركلها ظهرها وبطنها وسكتت
ام جوهره:شوفي الملعونه شلون سكتت يمج
سحر:هاي عدها العفو غازات ومن تنام على بطنها ترتاح
هسه اروح للصيدليه اجيبلج مي غريب كلش يفيدها ويريحها
ام جوهره:يعني زين هذا
اي كلش يريحه للطفل اني استعمله لبناتي ،الطبيب ينطي منه الهم
ام جوهره:هاج فلوس وروحي جيبيلي ولو اسوي زحمه عليج
سحر:رحمه اخدمكم بعيوني
سحر:مرت الايام واني اشتغل يم ام جوهره وكلش ارتاحتلي وامنت بي واختبرتني كم مره وشافتني امينه
اني يوميه اشوف ملاكي وحتى كمت اني اهتم بيها وبنظافتها واكلها
بس لليوم مدااكدر اسالها لام جوهره على الكلاده
بدت الاوضاع تسوء بالبلد وكالوا راح امريكا تضربنا ب90
وابو جوهره ضابط ومركزه حساس فقرر يدز ام جوهره ويسكنهم  بمصر
سحر:من سمعت الخبر كلبي انقبض ومتت من القهر
وقبل سفرهم جتني الجرئه وحجيت ويه ام جوهره
سحر:ام جوهره ماريد الف وادور عليج طببتيني بيتج وامنتي بي
اني غايتي من اشتغلت يمكم لان(جنت مضيعه ضنايه وسالفتي هي.........)
ام جوهره:اوف والله قهرتيني ياعيني
بس والله  هاي مو بنتج لان انتي تكولين بنتج ملبستها كلاده وهذه ملكينه وياها لا كلاده ولا ورقه
سحر :انقهرت كلش وصارت عندي خيبه امل ،بس الحمد لله على كل حال
الله شاهد حبيتها مثل بناتي واتمنيتها تطلع بنتي وفرحت من شفتها رابيه يمكم وانتوا ماكو بطيبكم
سحر:ودعتهم وبجيت وراحوا بالسلامه