و كالعادة بدأت المدارس
ابو زينب : بابا زوزة كومي يلااا ترة راح تتأخرين ع الدوام .
زينب : 😪😪.
ابو زينب : ترة صارت الساعة ب8 و نص بعد متلحكين .
زينب : صدكككك عزززة بعيني .
ابو زينب : هههه اي يلا كوومي .زينب انتبهت ع الساعة ب7 و نص
زينب : بابا ليش تكول الساعة ب8 و هي ب7 و نص .
ابو زينب : ههههه حتى تكعدين ، يلا كومي غسلي و تعال اتريكي 🙄 .
زينب : ههههه اوك باباتي .غسلت زينب و بدلت لبست ملابس المدرسة و دزت مسج لنور صديقتها حتى تجيها و نزلت اتريكت و انتظرت نور و راحت وياهة .
بالطريق :
زينب : لج نورة تدرين عرس منو راح يصير .
نور : منوووو بلة 😐.
زينب : عرس اخو علي .
نور : صدوك عليج الله .
زينب : اي والله .
نور : و انتي راح تروحين .
زينب : اي عزمونة و راح اروح اووف راح اشوف حب حياتي 😍.
نور : اكلج انتي شوكت تنسينة مو كافي .بينما كانت تحجي نور اجتي سيارة سريعة جان ضربت زينب و نور بس نور متأذت زينب الي تأذت و هو طلع من السيارة ولد يجنن صاك فد شي 😍.
صاحب السيارة : اسفة خوية خو ما صار بيج شي .
زينب : لا خوية مصار شي .
صاحب السيارة : اني اسف اعتذر مرة لخ .
زينب و نور : لا عادي ☺.
صاحب السيارة : رايحين للمدرسة اوصلكم بطريقي ؟
نور : اي والله اذ مابيها زحمة عليك .
زينب : لا خوية مدرستنا قريبة . و كرصت نور .
صاحب السيارة : لا خلي اوصلكم ميصير .
زينب : لا خوية احنة نروح ، مع السلامة .بعدها وصلو للمدرسة و دخلو بدت المدرسة و ضيمها و زينب تفكريها كولة جان بعلي 😍 ، بعد ما خلصت المدرسة رجعنا اني و نور هم .
نور : اكلج هذا مو نفسة الي اجة يدعمنا .
زينب : شمدريني اني 😑.
نور : لعد انت شتدرين .
زينب : ادري انت زاحفة 😂😂 .
نور : هه مضحك يلا امشي مو صوجج .رجعت زينب من المدرسة اخذت شاور سريع و حضرت دروسها و اكملت واجبها و راح تغدت مرات ايام ع نفس الروتين الي ان صار عرس اخو علي .
الصبح الساعة 7
ام زينب : لج زوز كووومي ولج دوامج اكعدي .
زينب : 😪😪😪.
ام زينب : تكعدين لو اذب عليج مي 😏.
زينب : كعدت والله كعدت .خابرت على نور حتى تروح وياهة
نور : صباحوو .
زينب: صباحو عسل حبي 😘.
نور _ زينب : بينما يحجون 🙂.
نور : اكولج زوز هذا الدعمنا صارلة اسبوع تقريبا يجي للمدرسة شسويتيلة 😂😆.
زينب : كبر شبيج شمسويتلة اني ، صدوك اليوم نروح للعرس مال اخو علي 🙊.
نور : صدووككك حظرتي ملابسج شراح تلبسين .
زينب : اييي ولج حظرت كلشي بس خايفة .
نور : منين عيني خايفة .
زينب : اخاف اشوف علي و ينغمى علية .
نور : انجبي احسلج 😏.كملت المدرسة و رجعو للبيت زينب حظرت واجباتها و طلعت ملابسها و بدلت و راحت لحفلة العرس .
زينب : ماما شوكت تخلصين ؟
ام زينب : اصبري شبيج مستعجلة .
زينب : غير على الحفلة يا امي يلاا .
ام زينب : اوك خلصت يلا امشي زيد منتظرنا جوة .راحت زينب وي امها و اخوها زيد للحفلة و صديق اخوها وصلهم ، صديق اخوها هو نفسة الي دعمها.
بالسيارة 🤗 :
ام زينب : يلا شوكت تزوج حمودي انتة و زيودي و تفرحنة بيك .
محمد : الله كريم خالة ملحكين 😜.
ام زينب : والله راح تموتونة انتة و زيد 😑.نزلنا من السيارة :
دخلت زينب و جان اكو درج و مصعد حتى تصعد للقاعة و جان شافت بالمصعد علي 🙈.
ام زينب : يمة هلا بعلووش شلونك مح مح ( تبوسة عود 😜) .
علي : هلا بخالاتي الحمدلله و انتي شلونج ، شلونج زووبة 🤗.
زينب : تمام و انت 😍.
علي : يلا تعالو فوك القاعة مال نسوان 😸.
و صعدو فوك و شافت البنات شلابسات و شطالعات و بقت بوحدها معزولة و تباوع ع بنات و ضاجت عبالها مختلطة القاعة و تكدر تشوف علي اجاهة اتصال من نور .
نور : هلوو زوزو هاا بشرري شفتيي .
زينب : ها هلا اي شفتة .
نور : شبيج ضايجة صاير شي علاوي و شفتي .
زينب : لا بس هواي بنات حلوات يجي يباوع علية و يحبني علي .
نور : دتعترفي و فضيها 😏 .
زينب : لا ما اكدر ولج اجة علي حيزفون الولد بعدين اخابرج 🙈.
نور : اوك يلا باي ._ اول بارت انزلة شنو رأيك بالقصة و ترى والله حقيقة هاي القصة 💕😁."
لافيوو سو ماج 😋
أنت تقرأ
حكاية القدر
Romantizmقصة حب عاطفية حقيقية عراقية تدور احداثها عن فتاة احب صديق اخاها و كانت تخجل انت تقول له و هنا تدور الاحداث .