دموع الحب

3

#دموع_الحب
#الجزء3
بقلمي ام آيه

سيف:كلش ضجت من تكبرها ونويتلها نيه ،كملت الشرح وكتلهم طلعوا اوراق واقلام وامتحنتهم
لجين:طبعا ادري حطني براسه لان طول الدرس احس عينه عليه بس بعدني ضايجه منه ،بس بنفس الوكت انشديت اله لان كلش جدي ويه البنات، بس اكابر
طلب من عدنا امتحان وامتحنا وجاوبت ورحت وديت الورقه ومن انطيتهيا سمعته كلي الا اندمج.
لجين:بداخلي شراح يخلصني بعد.. اوي شيريد يسويلي قابل اني زينه بدرسه وميكدر يرسبني.
سيف:ظليت افكر بيها من رجعت للبيت ابد متروح من بالي مع العلم جان شكلها حلو ومرتبه بس اكو بنات احلى منها بهوايه بس ماعرف قوه شخصيتها هي الي شدتني..صار عندي فضول اتعرف على عالمها واراقبها..
لجين:ثاني يوم داومنا ومجان استاذ سيف عنده درس يمنا ومشفته غير مره وحده لمن دزتني المدرسه اروح اجيب اقلام للسبوره من غرفه الكاتبه،دخلت لقاطع الاداره وصار بوجهي ابتسملي واني غلست ومشيت وفتت اخذت القلم ورجعت للصف
سيف:عجبني اشوفها لان ماعندي درس يمهم اليوم بس كلت مااروحلها خل اثكل شويه،
بالصدفه اني بقاطع الاداره وشفتها راسا كلبي رف وابتسمتلها بس هيه مجانت منتبهه لو غلست عليه يمكن ،بسيطه
لجين:كمل الدوام واني بعدني تعبانه من الفلاونزا ودايخه بطلعتي من المدرسه ردت اخرب وارتجيت على سياره راكنه يم المدرسه
سيف:ممكن شويه اريد سيارتي بلازحمه
لجين:شلون حظ عليه عفت الاماكن كلها واستندت على سياره هذا الغثيث..حجه ويايا ومجاوبته ولااتعذرت عفته ومشيت..
سيف:بداخلي والله الا اكسر خشمج،مشت بدون محجت كلمه،صار عندي فضول امشي وراها واندل بيتهم..هي تمشي واني طبكت سيارتي ومشيت وراها من بعيد الى ان وصلت بيتهم ودخلت جان مبين بيتهم بسيط..
سيف:كعدت الصبح ورحت طبكت على مكان قريب على بيتهم وره شويه طلعت ،تمشي واني وراها بالسياره وطول الطريق مرفعت عينها ولا التفتت،كلش عجبتني بس بعدني شاكك بتاخيرها قبل كم يوم ورفضها ترجع لبيتهم..
عادي بده الودام واني جان عندي الدرس الثاني يمهم وفتت لشعبتهم وكالعاده مردت السلام جانت مدنكه واني غلست لان تعودت ولا وحده تلفت انتباهي رغم جمال البنات واناقتهم بس ام خشم اليابس تشدني..
شرحت الدرس وكملنا وانطيتهم اوراق الامتحان وطلعت وبالباب كتلهم ماريد اعتراض من احد ...
لجين: طب استاذ سيف للدرس ولاول مره حسيت كلبي متلهف سلم علينا ورديت بس بكلبي ومدنكه..
طول الدرس يشرح واباوع عليه بس بدون مااحسسه،كمل شرح وانطانا الاوراق وطلع
استلمت الورقه انصدمت 39 من 100 اتخبلت لان اجابتي حيل زينه يعني اخذ بالتسعين ،سماهر اقل من اجابتي وماخذه 83  ،حيل ضجت
سماهر:لج اجابتج حيل زينه روحيله
لجين:لا ماروح وانزل نفسي ،ادري بي من البدايه راح يشد ويايه ومن اروحله راح يكبر راسه
سماهر:يولي لمصلحتج غيري اسلوبج تره تندمين
لجين:لا ماندم هو ياخذنه مادتين خل ادخل بكلوريا بيهن والباقي ناجحه ومانزل نفسي اله ابد
سيف:لعبت لعبه بالورقه وردتها تجي وكمل درسين وهيه ماكو وتوقعت مراح تنزل نفسها ابد،
اخذتهم الدرس الرابع وجان مبين عليها معصبه وبس اتأفأف بهمس،هي صايره بركان واني بداخلي اضحك بس بنفس الوقت متعجب على قوة شخصيتها لو غيرها وحده تجيني تبجي وتتوسل وتتحيل،
شرحتلهم الماده وطلعت وصدك ضجت ومن وصلت الاداره دزيت طالبه على لجين..
لجين:فاتت بنيه وره مطلع الغثيث وصاحت بااسمي وكالت رايديج بالاداره،
بصراحه تفاجئت وكمت نزلت ركض ورحت ومن وصلت ممر الاداره سمعت احد يصيحني
سيف:لجين اوكفي

لجين:نعم استاذ تره مستعجله يريدوني بالاداره،احجي بدون ماباوعله
سيف:اني الي دزيت عليج
لجين:تفضل استاذ وياريت تختصر لان راح يبدي الدرس
سيف:بداخلي والله راح تعبني،بعد وكت ،انتي راضيه على درجتج
لجين:اني واثقه بااجابتي،مو مشكلتي المقابل مواثق من التصليح
سيف:انتي شكد قويه وجريئه ، يعني متخافين ارسبج بالمادتين
لجين:لا ماخاف لان واثقه من نفسي واذا تريد ترسبني فعادي ادخل راسبه بمادتين والباقي انجح
سيف:اجابتها زادتني اعجاب بيها اكثر،بس خاف ارسبج بكل المواد
لجين:عاد هاي تبقى انت وظميرك
سيف:شتقصدين،عيني تره عندي ظمير ،انتي ماخذه 93 بس عكستها متعمد حتى اضوجج شويه
لجين:يحجي ويايه ويبتسم واني اغلي بس فرحانه ومبينتله ابد،ترخصت وعفته ومشيت..