#دموع_الحب
#الجزء الرابع عشر
بقلمي همسات الليل(ام آيه)
سيف:اخذت فرح وامري لله لان حرام هم يتيمه مكافي معيشها بضيم ..
لجين :رحت كالعاده على ابو عمار عنده جلسه وشفت سيف ومرته وراسا تخيلت من باسني وهو يوميه يبوسها وشلون وياها..
فرح: شلونج عيني لجين شخبارج، وبيني وبينها سالتها اريد دكتوره نسائيه يمكن عندي حمل ،حجيت متقصده حتى اشعل غيرتها وابينلها انتي حاطه عينج على الرجال الغلط..
لجين:سؤالها جان مثل الخنجر بكلبي وبنفس الوقت
جواب لمروان بالقبول..
دليتها وطلعت ويا سيف راحوا واحنه كملنا الجلسه ورحت للغرفه يم البنات..
بقه ساعه وينتهي دوامي واني ماعندي شي اترخصت وطلعت لان حاسه جبل على صدري وقهره جبيره بكلبي،،يومي كله جان الحزن بعيوني وكضيته بواجي
من داومت الصبح اجه مروان وانطيته الجواب بالموافقه كلت خل اخلص واضوكه النار البكلبي..
سيف:ثاني اليوم الصبح بطريقنا للمستشفى خابر مروان على ابو عمار وكله لجين وافقت وباركله واني حسيت عيوني ظلمه وسودت الدنيا ولو مو عيب جان بجيت..وصلنا وبوجهي كبل عليها ،،وحدها جانت ماكو ممرضات
شوفي لجين انتي متعرفيني زين ومتعرفين خبالاتي والله وروح امي المااحلف بيها جذب اذا صار مروان من نصيبج الا افضحج واكول اني نايم وياج،خبل اني وانتي بقت يمج
لجين:صدك متستحي يعني شنو انت حجاره عثره بطريقي مراح تخليني ازوج..انت مومتزوج بعد شعليك بيه..
سيف :والله ماحبها وانجبرت ازوجها
لجين:ضحكت بااستهزاء ليش انت بنيه وجبروك،بابا عذرك ميمشي عليه تره لجين الغبيه ماتت..وهالكلام ميعبر عليه..انت اختاريت طريقك ، عوفني اختار طريقي ...
سيف: امي كبل لتموت امنتني ازوج فرح لان يتيمه ومكدرت اكسر بخاطرها وثاني يوم عرسي توفت..
لجين:مسكين بجيتني ،اني مو قشمر وتضحك عليه
والمجبور ميعاشر مرته وتصير حامل منه..
سيف:والله متقربتلها شهور بس بيوم رجعت شارب وتخيلتها انتي وصار الي صار وصارت حامل وراها مات الطفل..
لجين:سبحان الله ،تريدني اصدك هالكلام..
أنت تقرأ
دموع الحب
Romanceقصه حب تتحدث عن استاذ عشق طالبته بجنون واتفقا على الزواج لكن جرت الرياح بما لاتشتهي السفن
