دموع الحب

16

#دموع_الحب
الجزء السادس عشر
بقلمي همسات الليل( ام آيه)

سيف:من يوم الي دزيت فرح على لجين وسمعت كلامها حقدت عليها وكلت هاهيه لازم تطلع من حياتي؛بس بقيت بعيد عن فرح كلت الزمن هو يغير الي بينا..
لجين:بدت شكوكي تزيد فقررت اجيب كامره زغيره بيها رام وتسجل ونصبتها بالصاله بالمزهريه وبيومها طلبت من مروان يجي للبيت وكتله روح قبل لاارجع حتى من ارجع الكاك موجود..
العينتين مصدك ورايح من وقت والجو خالي للخونه وصلت للبيت ومبين عليهم(ترى شغل الحرام دائما مفضوح )،
سلمت وسويت نفسي عادي وياهم كتله مروان رتب وضعك حتى الاسبوع الجاي نعقد،
ماانتظر الما اكمل،حسيت مروان كيف بس سوسن نار وشبت بيها
سوسون:شعدكم مستعجلين انتظري داومي ورتبي امور كليتج وبعدين لاحكه على الزواج..
راح مروان والقذره فاتت تنطمر بالظهريه واني رحت نزلت الرام من الكامره وشفت البلاوي وتاكددت شكوكي ،شفت لعبان نفس وقذاره وعلاقه كامله وبلاخوف وحياء،،
حمدت الله انو عرفت حقيقته للخاين قبل مااتورط بي،وبنفس الوقت انقهرت على مثنى لان ميستاهل خطيه وشلون جان عايش ويه خاينه..
لجين:اخذت قرار جريء بحياتي وطلبت من مروان يجينه ثاني يوم بالليل بوجود مثنى،،
انجمعوا بيومها مروان ومثنى وسوسن واني ،بس مخليت امي وابويه يكعدون ويانه كتلهم نريد نشوف حفله دكتور ويانه باللاب توب وانتو تدوخون..
كاعدين ونسولف وكتلهم راح اجيب اللاب توب نشوف حفله زواج دكتور ودكتوره ويانا مسويها بقاعه والترتيبات عجبتني حتى اسويها بعرسي
جبت اللاب وطبعا كصيت المقطع الاباحي وبقيت بس البوس والحضن لان اخاف على مثنى ليتاذه ويتهور ،بس حفظته بغير فولدر للزمن..
شغلت الفديو والكل ينتظر ويسولفون ويضحكون وطلع المفضوح واتخبل مثنى وبسط مروان وطرده وكله تحلم تصيرلك اختي مره..
ولزم سوسن بالحزام اوف شلون برد كلبي وطلع قهر السنين والضيم الي شوفتني ورمه عليها اليمين ب 3 وهيه تتوسل وتبوس برجله وتكله بقيني خدامه ماكدر بلا جهالي،،
مثنى:تروحين ومتفكرين عندج بنات تنسيهم واذا حاولتي بالمحاكم تره الفديو بايدي وافضحج والحكم يصير لصالحي...
لجين:هدئت العاصفه واني ابجي على مثنى شكله يقهر وامي وابويه حضروا وافتهموا وبدينه نكسر عليه،
بس الله يساعده اني بيني وبين مروان خطوبه بدون اي شي حسيتها صعبه،
شلون هوه عشره سنين الله يساعده ويبرد كلبه..
سيف:رحت مره داشوف ابو عمار وضعه اتحسن ويمشي على عكازه الحمدلله وكاعدين نسولف وسالت شوكت يزوج مروان..
جاوبوني ماكو نصيب اتفركشت السالفه،بداخلي فرحت وصار عندي فضول اعرف
ام عمار:عمار يكول البنيه بارده ومتريدني واحس كلبها ويا غيري 3 اشهر خطوبه مبادلتني اي مشاعر فهي طلبت من مروان الانفصال،
ام عمار: يله ولو هيه دره بس ماكو نصيب..
فرح:وصلني الخبر صار فتره اتفركشت خطوبه لجين  كمت اخاف ليروحلها وتكوله ويرجعون ،تمرضت كامت تصير بيه صخونه..
سيف:فرح كامت تصخن واوديها واسويلها تحاليل وميبين شي وتعبتني ومدااعرف علتها ومخليت مكان موديتها بغداد وللشمال وماكو فايده..
🌸🌸🌸🌸🌸🌸🌸