#دموع_الحب
#الجزء العاشر
بقلمي همسات الليل(ام آيه)
لجين:اليوم عندي خفاره واني مرتبتها ابقى ل8 بالليل وماابات..
جان عندي كم مريض وسويتلهم علاج بقى بس الرجال الي اجه قبل يومين مسوي حادث كلت المغرب اسويله علاج مادام باقيه لليل..
صار وقت روحتي لمريض غرفه 9..فتت وسلمت عليه ورفعت من روحه المعنويه وجان وحده وبديت احرك بااطرافه وتمرينات ونغزات وشفته وحده ،كتله ليش وحدك اخويه ماوياك مرافق؟؟؟؟،
جاوبني بلي اخويه موجود بس نزل للكافتريا يجيب جاي..بهالاثناء طب اخو وكال السلام عليكم ،سمعت الصوت وحيلي يرجف اريد اندار وخايفه صوته دخل بكلبي ورجعني سنه ليوره..انداريت وتلاكت عيونه ؛مستحيل هذا سيف مداصدك رديت السلام وبقيت ساكته والعبره كاتلتني وشعوري صعب وغريب بين الفرح والحزن والخوف بقيت ساكته..
سيف:نزلت جبت جاي من الكافتريا ومن فتحت باب الغرفه شفت الممرضه شعرها وشكلها من وره لجين سلمت عليها ومن اندارت عليه انصدمت ممصدك هاي حبيبتي وجان بودي احضنها ،مااصدك لكيتج وره هالعذاب ،ردت السلام وسكتت وبعيونها عتب،مااعرف اتصرف بس حسيت نفسي رجعت روحي من شفتها...
بهالاثناء طبت فرح وام عمار والجهال وانكلبت الموازين..سلموا على ابو عمار والي استغربته الحوار بين فرح ولجين..
فرح:شلونك ابو عمار اجر وعافيه ان شاءالله اليوم احسن جاوبني ابو عمار الحمدلله على كل حال..
فرح: شلونك سيوفي
فرح:شلونج حبيبتي الله يكويج على التعب نريد همتج ويا ابو عمار وان شاءالله متقصرين،،صدك هذا زوجي الي كتلج عليه
لجين :اهلاوسهلا اتشرفنا
لجين:كوه كملت وطلعت ورحت للحمامات ومكدرت اروح يم البنات لان جنت منهاره وبقيت بس ابجي من حبي الفاشل وكرهت نفسي اني حبيت خاين وما وفالي،اني اتعذب ومنسيته وهو عايش حياته ومتزوج بقيت ابجي نص ساعه وطلعت كبل اخذت جنطتي واترخصت اتحججت امي مريضه..
سيف:مستحيل رجعتلي بعد كل هالغياب وبالاخير طلعت تعرف مرتي وحسيتها اتاذت من عرفت بيا مزوج يادوب كملت العلاج لاخويه وطلعت ركض ،،
رحت ادور عليها بكل مكان ماكو كالولي طلعت...ثاني يوم بقيت انتظرها تجي..وجان تجي بنيه ثانيه بدالها تسوي تمارين لااخويه عرفت بيها تعبانه وحقها والله حقها..
ابو عمار حس بالراحه ويه لجين وكلي كول للدكتور يخلون ذيج البنيه تسويلي العلاج لان حبابه مثل الملاك...
لجين:من رجعت للبيت منهاره وبقيت ابجي وثاني يوم مكدرت اداوم وخابرت اخذولي اجازه وظليت حايره شلون راح تعدي هالايام يمكن انهار اذا ابقى اشوفه كبالي...داومت وراها..
ودزيت بنيه للمريض اخو سيف
سيف:جتي نفس البنيه الي جتي البارحه وهم لجين ماكو ابو عمار اشرلي وافتهمت..
كتلها عيني وين البنيه الي جانت ملتزمته لااخويه من البدايه؟؟؟..قصدك لجين!!
اي نعم صديقتكم لجين..والله اعتذرت عن هاي الحاله والدكتور سلمنياها..
سيف:رحت للدكتور وحجيت ويا وطلبت يرجع لجين وكتله هيه شغله نفسيه والمريض يحس بتحسن من تسويله العلاج،
ابتسم الدكتور وكال هاي البنيه مجننتني شايله سحر وكل المرضى يريدوها يمكن من طيبه كلبها واخلاقها..
سيف:الدكتور يحجي واني ادكطع وبداخلي اكله انت دتحاجيني عن روحي وملاكي..
الدكتور مخجلني وكلي هسه ادزها وهيه تحترم كلامي..
أنت تقرأ
دموع الحب
Romanceقصه حب تتحدث عن استاذ عشق طالبته بجنون واتفقا على الزواج لكن جرت الرياح بما لاتشتهي السفن
