دموع الحب

15

#دموع_الحب
الجزء الخامس عشر
بقلمي همسات الليل(ام آيه)
حقوق النشر محفوظه

لجين:تعبت من حب سيف واريد ارتاح كظيت ايامي كلها بجي وقبلت بمروان وكلت اليصير خل يصير،هو عايش حياته واني دافنه نفسي بالحياه،
مروان خوش ولد ومتمكن واهلي كيفوا بي وبالذات سوسن الحيه لان عنده فلوس كامت تتلوكله وهو عرف نقطه ضعفها وكل مره يجبلها غراض الها ولبناتها...
سويت حفله خطوبه بسيطه بس طلبت نظل مخطوبين كم شهر ,اني ممستعجله فهمته راح يبدي دوامي بالكليه وره الكورس الاول نعقد ونهايه السنه نزوج وهو وافق..

سيف:لجين اتحدتني وافقت وصارت الخطبه واني داتعذب يوم بعديوم ومااكدر انفذ تهديدي ومن اتخيل مروان يمها ويلزم ايدها لو يحضنها يجن جنوني ..
فرح:سيف مره وحده تقربلي وهاهيه ومتجاهلني واني كلشي سويت ويا ومفاد وتعبت ..ومن انخطبت لجين صار اعصاب وميطب البيت وهمل شغله ونفسه وهملني..
سيف:رجعت للبيت بالليل وتعبان ومهموم حجيت الفرح كلشي بداخلي وكتلها لجين حب حياتي واعرفها من سنه ونص ،،وكتلها اني راح اطلكج لان حاس نفسي ظالمج ويايه وانطيج كل حقوقج..
فرح:دمرني بحجيه ومن كلي اطلكج ،ذبحني من الوريد،توسلت بي وكتله بقيني على ذمتك ماريد منك شي واني اروح اكول لجين كلشي وانت شكد تحبها واطلب منهاتعوف مروان وتزوجك..
سيف:فرح يتيمه وحرام ابهذلها قنعتني بحجيها،واخذتها ثاني يوم للشغل مالت لجين حتى تقنع لجين تزوجني..
لجين:تفاجئت بجيه فرح كلش..
فرح:شلونج لجين عندي حجي وياج،اني اعرف انتي وسيف جانت علاقه بينكم لان كلي هو جان معجب بيج بس ميريدج كزوجه رايدج شهوه افتهمتي قصدي،
ومن راد يزوج اختارني اني بنت خالته وكبال عيونه ، اطلب منج طلب تبتعدين عنه لان من طلعتي مره ثانيه دمرتي حياتنه جان يحبني ومدللني وهسه اني حامل ،صدكي لو مو اني حامل جان سحبت نفسي من حياته،الله يخليج صدي ومن يحاول يحجي وياج لتنطي مجال وتسمعي حتى يكطع الامل.
لجين:فرح ذبت سمها عليه وراحت وكلامها دمرني شلون من صفحه تكولي هو رايدج شهوه النذل وشلون تكول صدي ودمرتي حياتنه من طلعتي،راسي راح ينفجر طب طوب خلص مرته حامل شكو راكض ورايه..كلامها خلاني احقد اكثر
سيف:هافرح شكالتلج
فرح:سيف اني انحطيت بموقف صعب بس لان احبك ضحيت وتنازلت،حجيتلها وتوسلت بيها ترجعلك واني اعيش بعيده ومو وياكم واحنه مصار بينا شي ،بس هيه عاملتني بااستهزاء وكلتلي روحي بابا انتي وسيف مالتج عندي رجال مالي عيني وساد عين الشمس ولو يريد روحي انطيهيا حتى قبل لنعقد
سيف:هيه كالت هيج هيا نذله وسافله ،صدك امن لعكرب ولا تامن لمره،بداخلي اغلي هاي اكيد مروان مذوبها بحركاته وفلوسه وصاير شي بينهم لازم..حقدت بداخلي  وكرهتهااا..
مروان :صار فتره خاطب لجين وتعاملني برود ومتخليني اتقربلها تكول من نعقد كم مره حاولت ابوسها لو الزم ايدها تصدني واني مااتحمل وطلبت منها نقدم موعد العقد وهيه تتحجج بدراستها مليت منها،
كمت من اروحلهم اشوف مرت اخوها حليوه وملعبه وباعت ميانه راساا،مره مرتين شفتها تنطي مجال ،كمت اروح قبل جيه لجين علمود الح اكعد شويه ويا سوسن ،جان رجلها يطلع من الصبح ويرجع المغرب ،وابولجين وام لجين بغرفتهم وتبقى بس هيه ويايه راسا نطتني نفسها وقبلت ابوسها وصار بينا علاقه همس وحضن وبوس ،بصراحه دخلت عقلي كلش كمت اكثر روحاتي علمود احصل منها لان لجين مطفيه وطابكه على صفحه واتطورت وكمت اخذها لشقه صديقي وافرغ رغبتي وهيه مكيفه لان مغركها فلوس..
لجين:مروان جياته كثرت ويجي قبل ماارجع للبيت بشويه ومن اكله تعال العصر يكلي عندي التزامات،مرت اخويه ملعبه بس مجان بالي افكار سوده تجاهم بس جانت تصرفاتهم تثير الريبه بداخلي تظل بينهم نظرات وابتسامات ومنتبه عليهم صار فتره...
مره من المرات مريضه بالنسائيه وبحدود 11 طلعت للبيت ورجعت نفرات والكيه ذبتني على الشارع العام وكملت مشي لبيتنا ومن بعيد قبل لااوصل لمحت سياره مروان وطلعت سوسن وكبل صعدت ويا ومشوا،اتخبلت رجعت للبيت..
لجين:هلو يوم شلونج ،وين سوسن محتاجتها بشغله
ام لجين:يمه سوسون بقت جهالها يمي وراحت على ام عبود الحفافه تكول داحف واصبغ فد ساعتين وارجع...
خابرت مروان،سلمت طبيعي وكتله اني اليوم راجعه بوكت تكدر تجي حتى نرتب امور لزواجنا،
مروان حسيته من كلامه مرتبك ومتلعثم،جاوبني اني خارج بغداد طالع بشغله باجر اجيج ..
هيا انذال والله لندمكم واراويكم ياقذرين.