دموع الحب

13

#دموع_الحب
الجزء الثالث عشر
بقلم همسات الليل(ام آيه)

لجين:مرت ايام ويوميه نتشاوف اني وسيف بس ابد منطيته فرصه وجنت حاقده حيل من اتذكر بي مزوج واتخيله شلون ويه مرته حيلي يكوم يرجف واعصابي تتلف..
فد يوم اني بالدوام واجاني ولد من المنظفين بالمستشفى وكلي ست لجين رايدج شاب بره وطلعت اشوف منو وتفاجئت..شفته مروان اخو ام عمار
مروان:صباح الخير ست لجين
لجين:تفضل عيني صباح النور خير ؟؟خو مو ابو عمار بي شي
مروان :لاوالله اجيت اريد احجي وياج بموضوع شخصي،بس مترهم بالممر
لجين:امشي نروح للكافتريا بس مااكدر اتاخر لان هسه بده الدوام وعندي حالات متابعتها
مروان:عندي كم حجايه وياج واطلع..،من الاخر اني معجب بيج وبااخلاقج وسالت عليج كالولي ممرتبطه ورايد اخطبج،ولتستعجلين بالرد،اخذي وقتج...
لجين:الكلام ضاع وبعد مكدرت احجي .
كتله انت مابيك قصور بس اني اريد اكمل وعندي طموح وطريقي طويل وممفكره بالزواج
مروان :ارجوج لتستعجلين واخذي وقتج يومين وارجعلج وان شاءالله متخذليني ،اترخص مع السلامه..
لجين:مع السلامه فاجئني صحيح هو فرصه متتعوض لكل بنيه بس اني من بعد سيف صار عندي خوفه من كل رجال وحطيت تفكيري بشغلي ودراستي..
سيف:كالعاده مريت على ابو عمار اخذته ورحنا للمستشفى وبالطريق دك تلفونه واسمعه يحجي ويه مروان اخو مرته ويصنف ويضحك ويكله ادلل ومن هالسوالف وكمل الاتصال وسده..
ابو عمار:والله يامروان شلون طالع طلعه
سيف:شلون
ابو عمار:رايح للمستشفى على لجين الممرضه ومفاتحها بالزواج وينتظر منها رد بعد يومين،ويريدني احجي ويه البنيه واقنعها
سيف:من سمعت اتخبلت وعرفت عجبته لمروان ومراح يفك ياخه منها ، بين عليه عصبت وحتى سرعتي زادت بالسياقه واخويه انتبه وبس اريد اوصل للمستشفى..
وصلت ودخلت اخويه بغرفه العلاج ورحت حتى اصيح لجين..
سيف:ست لجين جبت اخويه علمود الجلسه
لجين :يوميه تعودت على وكت وصول سيف ،اجه وصاحني..ودنمشي بالممر شاف  غرفه فارغه وسحب ايدي وجرني وسد الباب
لجين:شبيك اتخبلت لحد يشوفنه
سيف:شعندج ويه مروان وشنو هالتطورات ويومين وترجعيله جواب، والله احرك الدنيا اذا توافقين
لجين: بداخلي جنت ناويه من يجي مروان انطي جوابي رفض لان ناويه اكمل دراستي،بس من شفت ابو دم الحار مشتعل ،سويت عناد بي وكلت الااحرك كلبه مثل ماحرك كلبي..
لجين:احجي بحركه شعليك انت اوافق لو ارفض شي راجع الي ،ميخصك ،ادخلت اني بحياتك اشو عفتني ولاعبرتني ورحت ازوجت ولاسألت شصار بيه مصار ..اي اني راح اقبل وبعنادك..
سيف:شفتها عصبت ومحتركه بحجيها وحقها الف مره اريد اهديها ماكو متنطي مجال سحبتها راسا وبستها من شفايفها ،وامتصيت غضبها وهدت راسا واثنينا ذبنا وبس العيون تحجي..
لجين:بركان وانفجرت طلعت الي بكلبي وابو عيون جريئه صدمني بتصرفه وسلمت بس حسيت على نفسي ورحت طلعت ركض رحت للصحيات واني مصدومه بهالاحساس ومنتهيه ،حسيت حبه ولهفته الي نفسها الاوليه ..
بس شنو الي جبره يعوني ،حللتها بدماغي صحيح هو يحبني بس كشهوه لااكثر ولا اقل بس شافني مو مناسبه للزواج لان مو نفس المستوى..
مرت ربع ساعه ورحت لغرفه العلاج الفيزيائي عندي جلسه ويه اخو ،فتت مباوعت بوجه سيف وبديت ويه الرجال وهو كام يستجيب صار فتره ومبقت ايام قليله وتخلص الجلسات..
لجين:ابو عمار كلش حباب واريحي وبقى يسولف ويايه وجاب سيره مروان ..
ابو عمار:عندي علم بالموضوع والله احسكم لايكين لبعض والولد شاريج وجدي بالموضوع وطبعاا القرار الاول والاخير الج ..
لجين: كمل كلامه ابو عمار وبقيت ساكته واباوع على سيف بالبوكه يريد ينفجر وعيونه تجدح  شرار..
جاوبته البي خير يقدمه رب العالمين..
سيف:رجعت للبيت زهكان وكاره نفسي واباوع هاي المسكينه الي ظلمتها ويايه بس مالي نفس بيها مو بيدي ،شربت بذيج الليله ورجعت للبيت وشفت فرح وتخيلتها لجين،وبديت اخربط بالحجي لج لجين والله اموتج اذا قبلتي بمروان ،لج بابا اني اموت اذا صرتي لغيري
فرح:حجه حجي كومه موتني بي ،وطلع الافندي حاب الخاتون بهالشهر واني مثل الاطرش بالزفه،اني اتحملت كل الضيم وبالتالي يجي بشهر يحبلي وحده واني ليش ميحبني ،دموعي تنزل جمر على خدي..
سيف:كعدت الصبح داروح لبيت اخويه اودي للجلسه ماشوف الافرح لكيتها متحضره وتكلي راح اروح وياكم لان كلياتي موتتني والليل منمته،ظليت بحيره اذا اخذها لجين تعاند اكثر وتتهور بقرارها..