#امنيتي7
المهم ناس خلتو طلعو انا خشيت غرفتي رقتا كده حسي بي سلام عجيب بجد نسيت قصه محمد وقصه صفا كأنو ليها ميه سنه وقلبي كل ما اتزكر وش فادي بضرب شديد لما بسمعو بديت احس انو محمد ده كان عابر بس في حياتي لكن فادي هو الحب الحقيقي في حياتي المهم انا راقده كده فارس جا داخل وقفتا علي حيلي قال لي نفسي اعرف انتي بتقيفي ليه هههه بقيت بضحك حضني وقال لي الف مبروك لو عرف العبد مايخططه له الله في الخفا لبكي فرحا قلتا لي الحمد لله قال لي الله اداك سيدو قلتا ليه آلحمد لله قال لي مرتاحه قلتا ليه والله اقول ليك حاجه بي صراحه قال لي قولي قلتا لي والله اكتر من مرتاحه مش في زول كده بتشوفو بس من غير ماتعرفو بكون شكلو مرييييح وبديك سلام دتخلي كده بالجد ده الحاسه حتي قصت محمد نسيتا حاسه بي سلام غريب قعد يعاين غيني قمتا خجلتا قعد يضحك قال لي ده المهم حبيبتي الف مبروك وربنا يهنيك .
.نمشي لي خالتو عفاف ركبت مع فادي وكل شويه تزغرت وهو ساكت وبضحك بس قالت لي اها العروس كيف قال ليها تمام قالت لي مبسوط سكت وضحك بقت تزعرت تاني وبقت تتكلم ح ارسل العقد بكره لي ابوك عشان يجهز ويبدا يفتش ليكم شقه وو....و..و.. وفجأه فادي سرح مع نفسو وبقا يقول ده شنو الحاجه ال انا حسيها دي لي قلبي بضرب شديد كده لي كنت برجف لما مسكتا يدها ليه صوتا معلق لي في راسي رغم اني ياداب شفتها في شنو يافادي الاحساس ده ماحصل حسيتو قبل كده خلاص ح تنسي وعدك الوعتو لي نفسك بس انا ماربطا معاها ولا سعيت وراها امي العملت كده لكن انا ليه قلبي بضرب شديد كده في شنو امو قالت لي اجي ياولد مالك مابترد علي قال ليها قلتي شنو هههه قالت لي من اسي بدينا السرحان ههههه قلتا ليك بكره نودي ليهم حاجات الحبسه طوالي عشان تتحبس قال ليها البتشوفي ياحجه وصلو البيت ابوهو اتصل عليه وبارك واخوهو محمد كمان بارك لي وامو فرحانه وبتجهز خشت البيت مسكت التلفون اتصلت لي فارس قالت لي اديني رقم امنيه ههههه عشان ادي لي فادي قال ليها حااااضر واداها الرقم انا استحميت وغيرتا وجيت رقتا كده وخاسه بي راحه غريبه المهم خالتو عفاف خشت لي فادي لفتو راقد قالت لي ياعريس ضحك قال ليها نعم قالت لي هاك جبتا ليك رقم مرتك سجلو طلع التلفون وسجلو قالت لي امنيه قال ليها شنو قالت ليه اسمها امنيه وطلعت قال ليها امنيه ومسك الفون وسيف الرقم بي امنيتي ليه هو زاتو ماعارف ورقد امو قالت لي اها كلمتها قال ليها بكره اسي بتكون تعباننه قالت ليه بي راحتك وطلعت وهو راقد وبتقلب وبتقلب قام مسك التلفون وعايز يتصل قال ياخ بطل يافادي ده شنو البتعمل في ده تاني مسك الفون واتصل من غير مايحس امنيه ردت الووو قلبو بقا يضرب شديد تاني قالت الو قال ليها سلام عليكم هي بهناك كمان جاها هبوط قالت لي وعليكم السلام قال ليها عرفتيني قالت لي فادي كأنو اول مره يسمع اسمو كأنو الله خلقو بس عشان يسمعا تقول فادي حسا بي فرح غريب ماعندو تفسي قال ليها ايوه قالت ليه خالتو ورتني اسمك قبل تطلع ماكنتا عارفه قال ليها انا كمان عرفتا اسمك اسي وسكت وهي سكتت قال ليها نمتي قالت لي لا لسه بس علي وشك قال ليها حبيت اطمن عليك يلا تصبحي علي خير قالت وانت من اهلو .ونامت كانها طفله ضايعه ولقت امها ونامت في حصنها نامت وهي لافيها سلام داخلي وهو قفل وبقا بعاين في اسمها امنيتي امنيتي امنيتي وختا التلفون في صدرو ورقد .
