#امنيتي9
خشيت استحميت وعايزه ارقد امي قالت لي لا قومي الدخان لو فطيتي يوم ح يقلبك قلتا ليها انا تعبانه قالت لي قومي بلا كسل مشت رمتني في الحفره هههه..
فادي رجع وهو بضحك براهو زي المجنون قال سبحان الله ملاك من السما ماشاء الله وشعرا قصه تانيه اححح كأنو عارفه انو نقطه ضعفي الشعر اححخ ولا وشها وملامحه الطفوليه كأنها هديه من السما وصل البيت ونزل اامو مناظرا بي فارغ الصبر طبعا جا داهل قالت ليه اهلا بالعريس اها كيف المشوار ضحك قال ليها تمام الحمد لله اها اشترت قال ايوه اشترت وقاستم قالت ليه صحي اها وعجبوك فيها ضحك ودنقر قال ليها ماشاء الله عليها قعدت تضضحك ادها عشا قال ليها انا اتعشيت مع امنيه امو عاينت غي وباستو في خدو قالت لي بقيت تبيعني هههه ببالمناسبه ابوك واخوك حجزو ح يجو الاسبوع الجاي قال تمام يلا عن ازنك خشا غرفتو وخشا الحمام استحما وجا طالع لافي بشكير في نصو جسمو رشيق لانو بمشي الجيم شعرو بعد ينبلا ببقا زي الحرير ويعد يطلع النطاره عيونو احلي جا رقد في السرير ومسك المخده وبقا برسم فيها في امنيه وفي شعرا بي اصبعو قال اكنيتي ملاكي ومسك علي المخده ورقد امو دقت الباب وخشت قالت لي ياولد البس بجامتك ماتمرض انت نسيت قعد يضحك قال ليها حاضر قام لبس بجامتو وجا رقد وماسك المخده وبرسم في شعرا قام سال التلفون دقا لي امنيه ردت علي الو قال ليها كيفك قالت آلحمد لله فادي انت كيف قال ليها ان شاء الله ماتعبتي قالت جيت عايزه انوم امي مسكتني رمتني في الحفره ياداب قمتا هندي قام ضحك وسكت انا خجلتا طبعا قلتا اغير الموضوع خالتو عفاف كيف بقا يضحك فخمني قال لي تمام بتسلم عليك خلاص يلا ارتاحي يلا في امان الله قلتا ليه وانت كمان قفل الخط وهو بضحك ورقد ومسك الخده عليه انا نمتا صحيت لقيت فارس قال لي يابت انتي بقيتي بتنومي اليوم كلو قومي ياخ ضحكتا وقكتا سربنا الشاي مع بعض وضحكنا واتونسنا خالتو عفاف جات زي الساعه 2 وشايله اكياس قالت لي قلتا ما اتعبك جبتا ليكي اقمصه النوم وجلاليب للبيت وتوب جرتق قصرتا معاك قلتا ليها لا وضحكنا اتغدت وطلعت الايام مشت. اتصل علي فادي قال لي امي قالت نحجز زفاف قلتا تمام وطلعتا لقيتو واقف سلم علي وركبنا العربيه مشينا اخترتا زفاف شالو مقاسي وجيت طالعه قال لي مافي قياس ضحكتا قلتا لي لا مافال حلو لما تشوف العروس قال لي تمام يلا ونحن راجعين هو ساكت وكالعاده قام شغل الرادي جات اغنيه شيرين علي بالي قلتا لي ياسلاااااام اانا بحب الاغنيه دي شديد زتا الصوت وبقيت اغني معاها .
علي بالي ولانت داري بالي جرالي.
والليالي سنين طويله سبتاهالي .
يا انشغالي بكل كلمه قلتاهالي .
فجأة لقيتو بعاين لي وبضحك اول مره يعاين لي قلتا لي مالك قال لي لا مافي حاجه قلتا ليه انا بحب شيرين شديد قال لي ايوه ظاهر انتي بترقصي معاها في نص الشارع صمتا سكتا قال لي بهظرر هههههه وبقا يضحك قلتا لي تمام وصلنا البيت نزلتا قلتا لي العشا قال لي لا الحاجه منتظراني في البيت يلا في امان الله قلتا لي اوكي يلا وخشيت وووب من عيونو اححح ههه المهم خشيت وبضحك كده فارس لاقاني في الباب عاين لي قال لي يابت انتي بقيتي هبله اليوم كلو شاره سنونك بره قعتا اضحك بي اعلي لي صوت وهو بضحك معاي هههههه اداني ضربه في راسي قال لي جابت ليها جن كمان وخشيت .
فادي راجع البيت وهو بضحك وخاتي يدو في خشمو قال ملاك ملاك حتي هي بتغني وبترقص ملاك هو ماشي شاف محل بتاع سيديهات نزل قال لي عايز كاسيت لي شيرين قال لي اي واحد قال لي من اي كاسيت اديني واحد عاين لي كده قال لي جادي قال لي ايوه اداهو 20 سيدي وطلع هو بضحك وشغل اول واحد وبقا بسمع ومشا البيت .
زي الليله وبكره العرس قاعده بشيلو لي خلصتا واتحننتا اتصل علي قلتا لي راجعه البيت قال لي اجي اوصلك قلتا ليه تمام جا سلم علي ووصلني البيت وهو مشغل شيرين عاينتا فيه قلتا لي شيرين قال لي قلتا اجيبا ليكي بتحبيها قلتا لي شكرا ومشينا شويه قال لي ماعايزه ترقصي الليله ضحكتا قلتا لي مخليا طاقتي لي بكره بقا بضحك نزلتا وشكرتو وخشيت بكره مشيت الكوفير لبستا زفاف محجب طبعا كالعاده ههههه المهم طلعتا كسااااره هههه جا يستلمني طلعتا لقيتو شايل بوكي ورد سلم علي قال لي ماشاء الله مبروك قلتا ليه الله يبارك فيك ركبنا ومشينا الصاله خشينا وطفو الانوار وكده بعد وصلنا نص الصاله شغلو اغنيه شيرين بكلمه منك عشان الاسلو انا واقفه زي الهبله ههه هو جا علي ومسكني من يدي بقيت انا برجفف وهو برجف ههههععع بدينا نرقص كده قرب مني ياداب انتبهتا لي وشو وعيونو واااي قربتا ادوخ قال لي انا اخترتا الاغنيه ان شاء الله عجبتك قال لي الكلام ده في اضاني انا طبعا كلو ولا اضاني بتكهرب وجلدي كلو بقوم هههههه قلتا لي حلوه ورقصنا عليها والجو كان عجيب .
بكلمه منك تنسي الي عدا قوام.
تخليني احس بقيمه الايام تعيشني للسنين قدام.
بكلمه منك لقيت كل الي مش لقياها .
ولو في حد زعلني انا مسامحاه .
ولو في جرح انا ح نساه.
كان فييين هواك من بدري ياحبيبي وكل ده فين ...ّ
المهم خلصنا رقصه لقيت نفسي راقده في حضنو بعد ولعو الانوار اول زول سفتو فار قلتا وااي فارس بقا يضحك لما دمع قال لي انتي مرتي وضحكنا مشينا الكوشه والناس باركو كان زفاف جميل عملتا الجرتق طوالي جابو اللبن وقالو لي بخي انتي اول قال لا انا اول قلتا لي فادي ماتبخ كتير مكياجي عليك الله ضحك قال لي خير وملا خشمو فل وبوووخ كبا فيني كلو بقيت سحار بس ههههه قلتا لي طيب شلتا كبايتي كلها وفي راسو ووشي وهو بضحك قلتا لي كلمتك والناس بزعرتو قام جات مره من فادي شافا وقف انا اول مره اشوفا وشفتا خالتو عفاف مشت تسلم عليها وتبكي وفادي عيونو اتملت دموع والناس كلها سكتت جات قالت لي مبروك ياولدي قال ليها عمتي فاطمه وقعد يبكي ومسك فيها قالت لي ربنا يرزقك بالزريه الصالحه انت عارف انا من ماتت روان مابحضر حفلات بس قلتا لازم اجي ابارك ليك انت ولدي برضو وهو ببكي بكا ماطبيعي جاتني وقفتا علي حيلي سلمت علي وقالت لي يازين ما اخترتي الف مبروك قلتا ليها الله يبارك فيك طبعا عرفتا انو دي ام روان المرحومه المهم ابوهو ومحمد بقو يهدو في فارس جا قال لي شنو القصه قلتا ليه بحكي ليك قال لي خير خلصنا جرتق وماشين للشقه عمو احمد وصلنا قال لي فادي بكره الطياره الساعه 7 ارتاحو وانا بجي اسوقكم وهناك عمك عصام بجي يوصلك للشقه وبديك المفتاح قال لي خير وفادي متغير شديد خشينا الشقه خشا استحما وجا رقد في الصاله انا استحميت وغيرتا لقيتو نايم في الكرسي قلتا بي راحتو خشيت الغرفه اصلا انا تعبانه نمتا طوالي ...
.
يتبع
امنيتي 01.
صحيت الصباح علي صوت فادي بقول لي امنيه امنيه قمتا قال لي صباح الخير يلا اجهزي الطياره باقي ليها اقل من ساعه قمتا لبستا وعملتا مكياج خفيف وطلعتارفي الصاله قال لي خلاص قلتا ليه ايوا حتي ماعاين فيني ومتغير شديد شكلو مانام الليل كلو مشينا المطار لقيت اهلي كلهم ودعتهم وبكيت وفارس كمان بكا معاي قال لي خليك قويه وامسكي بيتك قلتا لبه ان شاء الله امي قالت لي فادي بتي امانه في رقبتك قال ليها ابشري ياخالتو المهم هشينا صاله المغادره وهو ولا قال كلمه ندهو الطياره طلعنا قال لي عايزه جنب الشباك قلتا لي لو ممكن خشيت قعتا وهو ولا قال شي الطياره اقلعت وانا اول مره اركب طياره خفتا شديد ومسكتا يدو لحدي ما اشاره الحزام انطفت لاحظتا لي روحي ماسكاهو فكيتو ضحك قال لي الله يستر من النزله صعبه اكتر قلتا لي انت جادي قعد يضحك وطلع لي مسنده كده ختاها ونام لانو شكلو مانا بالليل المضيفه جات قال ماعايز حاجه قلتا ليها عصير بس ماعايزه اكل ادتني وهو واصل نومو ماعارفه صحي نايم ولا بس ماعايز يتكلم معاي جات المضيفه قالت ليه صلح كرسيك عشان ح ننزل قام قعد اشاره الحزام ولعت وانا نططا عيوني والطياره نازله وهو ساكت قلتا لي فادي قال ايوه قلتا لي ممكن امسك يدك بقي يضحك قال لي جدا بس تدفعي لي قامت الطياره اتهزت كده من غير ما احس مسكتا يدو وختيتا في سدري وبقيت بقول بسم الله الرحمن الرحيم بسم الله بسم الله هههه لما نزلنا والعجب لما العجلات دي قالت طق في الارض بقيت بسرخ وسكتا وهو بضحك فيني ويدو لسه في سدري بعد الطياره خلاص وقفت لاحظتا ليه ان جبهتو عرقانه شديد وبقش فيها ورجولو بضربن في بعض قلتا ده مالو بعدين انتبهتا انو يدو في سدري هههههه براحه فكيت يدو قلتا ليه معليش قال لي لالا عادي ياخ المهم بقا يضحك ونزلنا بعد خلصنا طلعا لقينا صاحب عمو احمد سلم علينا وبارك لينا وركبنا عشان يوصلنا قال ليهو اخيرا رضيت تعرس ياولدي ربنا يسعدكم قال لي امين وسكت وانا لسه حاسه انو متغير وصلنا قال لي يلا وصلنا نزلنا وشال الشنط عمو ودعنا وطلعنا فتح الباب خشا قال لي اتفضلي خشينا ختا الشنط جنب الباب وقعد في الصاله قال لي تعالي عايز اتكلم معاك قلبي قعد يقول دق دق قلتا لي خير قال لي تعالي قعتا قال لي ماسألتيني المره دي منو الجات في عرسي دي قلتا لي عمتك قال لي صح بس ماسألتيني ليه بنبكي سكتا قال لي انا كنت خاطب بتها اسمها روان وكتلتها قلتا لي كيف يعني قال لي عملتا حادث وهي ماتت قلتا لي دي كده كتلتها قال لي ايوه وبقي ببكي .....
