4
اندك الباب وانفتح وجان عمار.. تمنيت اصرخ بوجهه واكله اطلع منا انته واحد ساقط لان شكد ماتمنيت نفسي اكون زوجته وتخيلته انسان مثالي معبالي هيج يطلع منه ويستفزني..
اقترب مني كم خطوه ويأشر بيده اهدي اهدي..
عمار:راح اساعدج حته تكشفين حقيقه زوجج الي مسويته مثلج الاعلى.. بس اهدي شوي..
صبت دموعي بدون مااعرف واحجي بعصبيه:وانت شدخلك ! شدخلك انت بحياتي! انته مو متزوج ها!؟ متخاف اروح لزوجتك واكوللها تحرش بيه!
عمار:لتبجين والله دموعج غاليه عليه.. واذا تحبين روحي احجيلها لان اني من فترة حجيتلها احب وحده وهي مبدر منها اي شي!
-استاذ رجاءا خليني بحالي! لتخليني استقيل وانت السبب!
احجي وأأشر باصبعي بتهديد..
اقترب اكثر ونزل ايدي وحضني.. لحظة صمت وبس دموع تجري وصوت يهدي بيه..اشش لتبجين لج الدنيا احركها علمودج..
دفعته واني اكله:اياك! اياك! تعيدها اني متزوجه فهمت!
اخذت جنطتي وطلعت واعرف مراح يغيبني ... طلعت تايهه بهل دنيا..وافكر بالي كاله وبالي سواه ..معقوله جابر هيج؟ زين ليش ملكيت شي واني ياما دورت؟! شويه ووصلت رساله ع فوني من رقم(لتواجهين زوجج اليوم لان راح ينكر ومراح تكدرين توصلين للحقيقه..عمار)
رجعت للبيت اباوع ع جابر باحتقار وهو نايم رحت فتشت اللاب مالته ملكيت شي اخذت سويج السياره كلت بلكي الكه شي بس طلعت البومه عمتي مكدرت اله للظهر.. وبالفعل لكيت جهاز صرصور وبي رسائل كومه وحب وغزل اقره ودموعي تصب معقوله هو هيج رومانسي لعد ليش ميطلع رومانسيته يمي؟
لا والكارثه انه يلتقي بيها وره الدوام والصبح هو يمر ياخذها يعني بالمختصر شكو شغله جنت اتمنى يسويها ويايه جان مسويها ويه ليلو حسب مامسميها بالفون.. طكيت من البجي كعدت بالحديقه مادري شسوي رحت جبت فوني من الجنطه وبدون ماافكر اتصلت بعمار واني ابجي..
عمار:فريال؟ خير شبيج؟
-الي حجيته كله صح! اني هسه تأكدت!
عمار:حبيبتي! لعد مو كلتلج!
-هسه شسوي استاذ؟
عمار:اذا كرامتج تسمحلج تبقين يمه اكثر ابقي.. واذا لا المحكمه مو بعيده واخلصي!
-استاذ شدتحجي واطفالي! واهلي!
عمار:محد يتحمل الالم غيرج .. اخذي قرارج بنفسج بعيد عن تأثر اهلج وعاطفتج لاطفالج.. بالنهايه محد راح يحس بيج..
كلت بداخلي اني شداسوي كبل كلتله مع السلامه وسديت الخط.
اخذت الفون الي لكيته ورحت لجابر الي جان ستوه متريك مخلي اللاب ع جربايه والغرفه هوسه والاطفال يم بيبتهم..
شلت ايدي والفون بيها..
-هذا شنو؟
هو طفر من مكانه عليه كلتله لتخاف شفت كل شي بي واني الك ولهاي نجلاء ال... وبديت افشر عليها ومثل كل اثنين يتعاركون لا م انضرب فوك ما خايني وهاملني وهامل اطفاله..
كعدت بالليل وحدي وحاولت افكر بهدوء وشلون اصرف بس لكيت بداخلي طفله اريد اقنعها بشي متقبل .. وكان شي ثار بداخلي ع كل الي حواليه.. زوجي اهلي عيالي حته عمار .. تعبت من التفكير ونمت..
يتبع..
تصوووووووويت فديتكم😘
أنت تقرأ
كشف المستور
Romantikقصة امرأة ثلاثينيه تنجرف مع عواطفها الجامحه لتجد نفسها في الهاويه وبدون كل محبيها.. (باللهجة العراقيه)
