كشف المستور

الجزء6

6
كملت الاجراءات وكالو راح يدزون تبليغ ع عنوانه .. اني كبل اخذت اطفالي من المدرسه ورحت لبيت اهلي.. كلهم تفاجئو بجيتي وكلتلهم ع السويته وكبت العيطه هناك .. عاد اني فقدت اعيط واحجيلهم عن حياتي ويه جابر وبكل كلمة احجيها عن جابر اكو صوت بداخلي يكول وانتي زانيه وانتي زانيه وانتي خاينه وانتي انطيتي جسمج لغيره وهم يشتغل التناقض ويرد الشيطان البداخلي يكول لا انتي مخنتي انتي سويتي نفس الي سواه وانتي محد يلومج لان هو السبب..
للعصر اجت عمتي الي هي مرت خالي وجايبه حمايه وياهه وهم حجو كومه وسوو نفسهم ميعرفون شي وابنهم مدللني واطفالي اعز الناس عدهم .. رادو يقنعوني ابد قفلت ودخلت ع ابويه واخواني وحمايه كلتلهم اذا ترجعوني احرك روحي..
ايسو ورجعو وامي عبالها مسحوره لو متخبله .. اي جنت متخبله بوقتها ومشيت بدرب اعوج.. عاد امي يوميه بخورها والحرمل والايات وتفتر ورايه وتدعي كون الله يهديني وارجع..
بهل فتره ماالتقينا اني وعمار بس بالدوام جانت تصير ملامسات وبوسات بس جنت من وره خشمي ومااحب اطول ويا هلكد..
رجعت من الداوم بيوم ولكيت جابر جاي لاهلي والصياح والعياط صاير بفلس.. nada hs
صار موعد المحاكمه واطلكت كبل لان جابر كبل قبل ...
مرت العدة وورة العدة اجاني عمار كال تعالي نطلع نحجي..
رفضت بس بعدين رحت .. بالطريق كال اني وياج لازم نعقد بعد مااتحمل اريد تصيرين زوجتي وكل الوقت يمي..
طرت من الفرح بوقتها وعبالي وفه بوعده ويايه..
-زين وزوجتك؟
عمار:مراح تعرف..
-بس يجوز اهلي ميقبلون..!
عمار:انتي تتكفلين بالموضوع وتخليهم يقبلون..
-شنو تحجي؟ يعني مراح تخطبني منهم؟
عمار:لا طبعا! بس خبري امج وابوج خاف تضطرين تباتين يمي فد يوم!
عبالك اجتني ضربه ع راسي من سمعت هل كلام..
-وين راح تخليني ؟ واطفالي؟ وزوجتك واهلك؟
عمار:اهلي مالهم علاقه بيه وتدرين همه بعيدين عني وزوجتي هم مراح تعرف..
-يعني تريديني ع كد شغلتك؟ هيج بس؟ وخليتني ادمر كل حياتي ع امل نعيش سوه اني وياك؟
عمار:حبيبتي والله احبج بس مااكدر اعلن زواجنه ولااكدر اجي اخطبج واطفالج هم مااكدر اتحمل مسؤوليتهم..افهميني ياروحي
صبت دموعي وندمت ندامة عمري:عمار انت شتحجي؟ اني شنو بالنسبه الك بس مجرد فراش وشهوة ساعه وساعتين!
عمار:محد بكدج كدرت تثيرني وتغريني وعمري ماسويت حرام بس وياج الله شاهد ..nada hs
نزلت من السيارة امشي كارهه روحي واتمنه الموت.. الي جنت انتظره طلع وهم! وكله مني واستاهل..
فوك هذا كله مكدرت ابعد اكثر من شهر عنه.. بالدوام يبقه يدزلي مسجات وبس اصير قريبه منه يتلمسني ويهمس بأذني..
الى ان بيوم طاوعته وعقدنا شيخ وصرت زوجته! بس بعديش! تلوثت وصرت مجرد لعبه بيده والكارثه جان مسيطر عليه بكل شي مااكدر اسوي شي بدونه.. صارت لقائاتنه الصبح ومرات الظهر والعصاري .. يجي بمثل لهفه اول مره وانسه كل الي سواه بيه واحبه يوم اكثر من يوم وهذا الشيطان من يجمل القبيح هيج يجمل الصوره.. بس مجان حب ولا بعمره راح يكون حب.. محرد جفاف عاطفي جان هو يسده واتخيلته حب.. الحب انقه من هيج
الحب كلمة طيبه وحلال..
يتبع..