كشف المستور

الجزء7

7
استمر زواجنه 3 اشهر واطفالي كلش تأذو يم اهلي ونسوان اخواني مو هلكد وياهم وحته اخواني محد يحاجيني من يوم طلاكي..وزادت مشاكلي اكثر ويه اخواني .. وكله جان بسبب تأخيري مرات ويه عمار للعصر.. كالو ماكو هيج دوام بطلي واكعدي احسن..
اخواتي هم ولا وحدة تحاجيني..حجيت لعمار ومااهتم الى ان صرت ارفض اروح ويا وهو كل شي ولا هل شغله امنعه منها..
كال راح أأجرلج بيت انتي واطفالج .. اني كلت اي راح اخلص  اهلي بس من فاتحتهم وكلتلهم راح أأجر وحدي تخبلو واخويه شمر الجدر ع وجهي .. حجيت ويه امي وكلتلها تعالو انتي وابويه ويايه هانوني وحالو اخواني عليه وانكتلت ذيج الكتله هذا وميدرون بزواجي وسوالف قبل الزواج لعد لويدرون يمكن يذبحوني وفعلا تمنيت احد يقتلني واخلص..
ساءت علاقتي بعمار كلشش.. وهو كل همه بس النومه.. وشنو البس وشنو اخلي.. صرت اكره الروحه ويا وهو تخبل عليه فد مره حته بالدوام صار يضايقني ويضرب بسامير كدام الموظفين..
طبعا محد يعرف بشغلة الطلاك بس ام ايهم الي جانت مجازة امومه ورجعت حجيتلها كل الصار ويايه وجانت تنصحني اعوف عمار قبل لا اوكع بمصيبه ويا.. nada hs
هي كلش كرهت عمار وصارت تعند ويا بالشغل وهو شك بيه حاجيتلها شي وصار عمار ثاني عصبي ميحاجيني وميسأل عني مثل قبل.. بس لو اروح ارضي ينسه هذا كله...
عفته شهر مملتقيه بي كزوج وزوجة.. وكرست كل همي اطفالي وكعدونا اهلي بغرفة صغيره كلش بالطابق الثاني بنوها اليه من فلوسي ...
خلص الشهر وعمار رجع يتوسل ويسأل عني ويريد التقي بي..
رفضت رفض قاطع وراجعت هوايه حته انقل لغير مكان بس ماكو
صرت اسمع اخبار جابر من اطفالي من ياخذهم كل جمعه
يكولون خطب نجلاء وعينك عينك كلها تعرف خيانته بس محد حجه ويا..
بقيت اداوم يم عمار وهو يريد بس يوصلني ومخليت فرصه كدامه ابد.. هذا جان طريق الخيانه وعدم القناعه.. دمرت نفسي بيدي صرت اتمنه الموت  واحس حته الموت يكلي انتي عار مراح اوصلج هسه .. اتمنيت ارجع لجابر واهماله كل شي هناك ورحتله مره اتوسل بي يرجعني ماقبل طردني من بيتهم بالدفرات ومدري منو موصله كايله مرتك السابقه تطلع ويه مديرها ..
طبعا ماحجه هل شي كدام اهله وحجاني الي وكال راح ياخذ الاطفال مني واذا مقبلت راح يثبت خيانتي  والقاضي رح ينطي حق الحضانه غصبا عني.. اضطريت اسكت وانطيتهم اله بدون نقاش وحته مالي عين اكله اني متزوجه وادافع عن نفسي لان اعرف بروحي شون قذرة من الداخل...
حته عمار توسلته يعلن زواجي مقبل وبيوم الرحتله اخذ حاجته وعافني .. قبل لا اطلع منه كلتله عمار طلكني..
بدون مايباوعلي طلكني.... رجعت للبيت وكلها متحاجيني ع خراب بيتي،.. سنه كامله من بعد طلاكي الثاني ضكت الويل
حالتي اتعس من حال الحيوانات..
اطفالي مشايفتهم ابد من يوم الاخذهم ابوهم .. كلي مراح اخليج تلوثين روان وتصير وحده مثلج عاهه لان انتي عوجه وطول عمرج تبقين عوجه.. دوامي عفته ومااعرف شصار بي ..
وبيوم اجتي زوجة عمار الي مشايفتها بس الصور ولعبت لعب يم اهلي حجتلهم كل شي .. طلع عمار حاجيلها كل شي حته عن زواجنه وعلاقتنه قبل الزاوج .. مااعرفت شنو غايتها من الجيه واني عفت زوجها بعد وماشفته سنه كامله بس يمكن حبت تنتقم لروحها ..اهلي ماقصرو ملخوني تملخ وجهي مدمه يوميه اسبوع كامل يجف الدم ويرجعون يشوهو..nada hs
الضرب الي اكلته بكل مره افقد جوه اديهم واتمنه الموت ومموتوني وصدك نفذو الي كالو (نخليج تتمنين الموت) حته خواتي كل وحده تجي تملخني تضربني وتروح..
يتبع..