مأساة فتاة

ساكون قوية

🌺فاظت الكلمات بمعانيها ،ولم يبقى ذكرها سوى ذكرى حزينة مسجونة في ظلمات الزمن 🌺

حسام ' من طلعت من سارة فرحان كلش رحت خبرت اهلي بلخبر 
كلهم فرحوا ما عدى بابة
يابة حسام  شلون اطلق مرتك وابنك شلون وتعرف مالة احد اخوانة مالهم شغل بية وما يهتمون الة
ما فكرت بية شلون تعيش وهمة كل واحد بيت يعني تتنقل بيناتهم وابنك ما خفت على نفسيتة  تتذى
مع الاسف طلعت اناني وما فكرت بس بنفسك
حسام 'يابة ليش قابل هم غرب غير اهلهة وثانيا هية طلبت الطلاق مو اني وثالثا اني راح انطيهة نفقة الة والادهم
حسام اذا طلقت ساره اني ما راضي على تصرفك هذا روح  بلكت الله  يهديك  و تغير قرارك
هدى ' من سمعت الخبر حسيت مي بارد نزل على قلبي وريحني واخيرا جاب العمل نتيجة وراح اخلص منة نهائيا ويبقى حسام ملكي الى وبس  لازم اقراء براس حسام ما اخلي يرجعة لان عمو ما قبل بقرار حسام خاف يقنعة  هههههه بس العمل مفعولة بعدة بحسام  ما اعتقد يتقبلة بعد كزوجة

سارة 'خابرت حسام  كتلة حسام تعالي للمشتمل اخواني يمي ويردون يحاجوك علمود طلاقنة وشوية واجة وتلاكاة اخوية عباس
عباس 'حسام احنة ما نقبل تطلق سارة الة نعرف السبب  الطلاق واذا اختنة ما علية قصور النة حجي ثاني وياك
حسام 'عباس اسمع اني قراري النهائي اطلق اختك وتريد تعرف السبب انو اني ما اطيقة وما اجرعة حتى ما اشتهي اباوع علية
لان شوفة ما عده انوثة وكل ما اجية مبهذلة ولاجنة مرة متزوجة هاي شغلة الشغلة الثانية تعرفون بتكم من ازوجت اشتغلت من ورة ضهري حفافة وتجيب نسوان للبيت  منو منكم يقبل مرتة تسوي هيج

سارة 'اجة حسام وبدأ النقاش  وتفاجاة بحجي حسام  وستمر ساعتين الحجي بعدين قرروا نطلق وحضانة ادهم الي وينطيني النفقة 

وكالوا اخوتي يلله لمي ملابسج حتى ترحين ويانة
سارة سمعت كلامهم ولميت الملابس والاغراض والدمعة بعيني  واتحسر على بيتي وايام عمري لقضيتة وية حسام  كلة ضيم وقهر
كملت وطلعت وصارت عيوني بعيون حسام ما كدرت اضم الدمعة كوة علية ما ردت ايشوف انكساري
حسام هاك المفتاح البيت  واتمنى من كل قلبي يجيك يوم وتتندم على كل السويتة وياي من ظلم وحرمان ويحرمك من راحة البال

حسام ' سارة روحي انتي طالق طالق طالق وانتهى البيناتنة

سارة ' من سمعتة يكلي طالق ركضت علسريع لسيارة اريد بس اختلي بنفسي وافرغ الحزن البداخلي وبقت ابجي لحد ما وصلنة لبيت اخوية عباس وتلكتنة مرت عباس فرح تصير بنت خالي رحبت بية وبوست ابني وشالتة هية مرات تصير زنة ومرات تخبث وياية ومرت ايام واني نفس حالة الحزن والكأبة وبيوم  اجة عباس كال سارة باجر حسام يطلق بلمحكمة حضري نفسج وثاني يوم  رحنا للمحكمة وشفت حسام  ونقهرت بداخلي  وهو ولا جنة شايفني  وطلقنة ورجعت للبيت مكسورة

وهنا بدت مأساة جديدة بعد ما رجعت للبيت لكيت ادهم يبجي وبخدة اثر ضربة مال راشدي كتلة حبيبي منو وياك ياعمري هنا عمر ادهم سنتين  وبقى يبجي وديتة للمطبخ حتى اشربة مي واوكلة شفت فرح
سارة ابنج كولش وكح وما ينحمل رجاءا بعد لا تعوفينة يمي من اطلعين

سارة' عيني فرح على كيفج قابل اني عايفتة سنة هي كولة ساعة زمان شدعوة عليج
فرح ' لا عيني هذا بيتي وبكيفي  دقيقة ساعة من ترحين تاخذينة وياج فوك ما شايلين مسؤليتج وفوكاة مسؤليت ابنج نشيلة
سارة 'يالله فرح هذا كلة شايلتة بقلبج لعد اني ثقيلة عليج  وابني زيادة
فرح 'همزين حسيتي لان اني ما ماخذة راحتي بيتي وانتي كبالي  فسويلج حل وانقلعي من بيتي 
سارة 'لوما الوكت الغدر بية جان ما بقيت يمج تذليني
رحت بلحضتة لعباس كتلة اريد اروح يم هشام  كال ها هسة حضري واوديج
رحت اجمع ملابس بس حزت بداخلي  ما سألني ليش ترحين من عدنة بلعكس حسيت فرح بروحتي
وداني الاخوية هشام ونفس الشي معاملتهم الية واكثر تكعدني مرتة من الصبح حتى اخبز خبز لان حضرتة ما تاكل الا حار وتلث وجبات اخبز من غير التنضيف والطبخ وجهالهم  كل شوية يكتلون ادهم ويجيني يبجي وهي تصيح علة وتخوفة كل ما شافتني مو يمة   الى ان طردتني الصبح
كالت مالج كعدة بيتي ما عدنة فلوس نصرف عليج وعلى ابنج وهم نفس الشي اخوية ما اعترض على طلعتي
وبقت حالتي من بيت البيت يومية انطرد من واحد منهم
بعده قررت اجر شقة اكعد بية من فلوس النفقة وانطي دروس خصوصية
للطلاب بشقتي احسن من الحفافة  واعيش نفسي وابني  بس شلون اقنع اخواني بلفكرة بس يمكن يقنعون لان كلهم ما تحملوني اني وابني  شي اكيد يقبلون
🌞**********************************🌞
اتمنى عجبكم البارت فوديتكم متابعيني 😚😍💋