مأساة فتاة

رحماك يارب

سارة 'مر شهر  على الحادث وكل ما ما تذكر حسام والسوى بية يزيد انكساري ورجعت اداوم بعد ما اخذت اجازة بسبب نفسيتي المحطمة واجتني الطالبة اخت مهند
طالبة 'ست شقررتي بخصوص اخوية مهند
سارة 'حبيبتي الزواج قسمة ونصيب  اني اسفة مااكدر ارتبط باي شخص اريد اربي ابني وبس
طالبة ' ست هذا قرارج الاخير والله اخوية مهند كاتل روحة عليج
سارة ' اي قراري الاخير وراحت ورة كملت الدوام واني بلقوة اجر بنفسي احس نفسي تعبانة نفسيا وجسديا طلعت من المدرسة واشوف حسام كبالي
حسام 'ضل بالي على سارة  اخاف سوت بنفسة شي من ورة سوايتي وقررت اشوفة حتى اكللة عن هدى والسوتة بي وبية ورحت للمدرسة مالتة وقت نهاية الدوام وبقيت انتظرة وشوية وطلعت بس كأنة مصدومة مني وخايفة وعافتني ومشت على السريع لحكتة
سارة اوكفي بس سمعيني ما اسويلج شي بس احجي وياج
سارة 'حسام عوفني شتريد مني اعتقني يا اخي ما اريد اشوفك
حسام 'سارة بس اسمعي ترى اني طلقت هدى لان هية فرقتنة بلاعمال مالتة الشيطانية بس رب العالمين كشفة الي لان هي طلعت دافنة سحر بلحديقة مالتنة وخلتني اكرهج وما اطيقج وانتي تعرفين الباقي  فارجوج يا سارة انطيني فرصة ثانية والله اني احبج  واتعذب بفراكج وراح اعمل المستحيل حتى ترجعيلي ونتزوج من جديد
سارة ' والسويتة بية بعدة شلون تريدني انساة بكل سهولة لا حسام ما اكدر مستحيل ارجعلك بعد حتى لو طلقت  هدى روح الله يوفقك وي غيري
حسام 'لا سارة لا تكولين هيج احبج والله احبج والسويتة خارج عن سيطرتي لان انت استفزيتني  وجسمج اثارني  وبعدة ما سيطرت انسي الراح وخل نبدي من جديد لخاطر ادهم
سارة 'حسام روح هسة اني اريد ارجع للبيت كلش تعبانة بعدين نتناقش
حسام ' شبيج يا روحي اوديح للمستشفى خاف مريضة او تريدين اوصلج للبيت
سارة' بس روح وعوفني ما بية شي وراةراح وعافني وصلت للبيت بس احس نفسي فرحانة من سمعت بي مطلق هدى حسيت صدك بانتصاري وراة تغديت ونمت ما كعدت الا الدنيا ليل وادهم نايم يمي اريد اكوم دايخة ونفسي تلعب بلقوة قمت وقويت نفسي ومر اسبوع واني نفس الحالة واكثر واخاف اروح احلل ويطلع عندي حمل وين انطي وجهي  وشلون اخفي الشهيرة والله اخوتي يكتلوني خلاص
اخر شي جبت تحليل منزلي وادعي بلكت مو حامل سويتة وطلعت صدك حامل هنا صدك اضلمت الدنيا بعيني قررت اخابر حسام ونشوف شلون نتخلص من المصيبة
حسام ' اتصلت علية سارة استغربت بعد الموقف صار كلت مستحيل تخابرجاوبتة ها سارة ادهم بي شي جاوبي
سارة 'لا ما بي شي اني بية اني حامل حسام  الحكلي شسوي كلة من وراك
حسام 'صدوك سارة تحجين انتي حامل اتاكدتي زين
سارة 'اي اتأكدت هسة كلي شسوي لازم اسقطة لان هو طفل حرام
حسام 'شداتحجين اتسقطينة شنو حرام عليج تكتلين نفس ابد لا تفكرين بهذا الحل ما تخافين الله يعاقبج بادهم 
سارة 'والحل شسوي تريد اهلي يدرون بية حتى يكتلوني ويخلصون من عارهم وانت ترتاح حضرتك
حسام 'لا سارة الحل كلش بسيط هو ازوجج وارجعج على ذمتي والطفل ابني واخو لادهم
سارة 'بكل بساطة تريدني ارجعلك حتى تذلني من جديد الموت اهون علية
حسام 'لا سارة والله ما اذلج وانتي بس اقبلي واي شي تريدي يصير واني الممنون
سارة بداخلي صدك ما عندي خيار لازم اقبل بحسام كزوج بس بشروطي
سارة 'حسام اني اقبل بس شروط اذا قبلتهن اتزوجك
حسام من كالت سارة اقبل طرت من الفرحة وصدك حسيت بطعم السعادة كولي حبيبتي شنو شروطج
سارة ' زواجنة على ورق ما يصير بيناتة شي اولا
ما اعيش وية اهلك اعيش بيتي اوبيت ثاني بعيد عن المشاكل   ثانيا ما تدخل بحياتي الخاصة ودوامي ما ابطلة لو تنكلب الدنيا على الارض ثالثا
حسام  ضجت من شروطة
بس مجبور اوافق حتى لا اخسرة من جديد
سارة موافق على كل شروطج وباجر اروح لخوانج  واطلبج منهم
سارة  اوكي انتضرك باجر تخطبني
حسام ' صدك ثاني يوم رحت لاخوة الجبير وطلبتة من عندة بس مستغرب ليش اخطبة  وسولفتلة القصة كلة بستثناء  الحادث وراة
قبل وحددنة الخميس الزواج بدون خطبة لا ما اريد اتأخر وتنكشف سارة
فاجرت بيت جديد بعيد عن اهلهة واهلي واثثتة بقت بس تنور  البيت بوجودة 
سارة
ح

سيت براحة من خلصت من هم الطفل راح يصير ابني بشكل رسمي وما اخاف من احد بس شلون راح نعيش اني وحسام بيت واحد هذا التفكير الشاغلني اخاف اضعف كدامة ويرجع بتسلطة وخياناتة وياية
صفيت نيتي ودعيت ربي يوفقني ورييحني بحياتي ويخلصني من الهم والغم  الذقتة بحياتي وراة قررت اروح للسوك اشتري اشياء محتاجتة من ملابس مستورة ما البس ملابس قصيرة او ضيقة كملت رجعت
ثاني يوم رحت لصالون من الصبح سويت شعري تسريحة بسيطة وية مكياج خفيف ولبست فستان لونة اوف وايت وكعب عالي طلعت  غير شي عبالك مو اني
رجعت للبيت اجة حسام وية خواتة وامة ودونة البتنة الجديد وزفو حسام هههه وراحو
حسام 'من شفت سارة  تفاجئت من جمالة وانوب المكياج البسيط يخبل علية  سارة هس ارتاحيتي من هذا الهم الشايلتة صار عادي اذا اكللهم ورة شهر سارة  حامل حتى يفرحون بس عاد فكية شوي
سارة 'ها حسام شتفقنة مو كلت  انفذ شروطج اشو تريدني افكة تريدني ارقصلك او اغنيلك لا  عيني اعتبرني ما موجودة اوكي بس بوقت الاكل ننجمع كلنة حتى ما نحسس ادهم بشي