مأساة فتاة

رست سفنك يا قلبي

حسام
لمت نفسي على السويتة بسارة  بس بعد فوات الاوان
راح ارجعلكم بلزمن شوية من طلقت سارة حسيت بلارتياح بعد ما جنت اكرهة واشمئز منة واهلي كلهم فرحو ما عدة ابوية  وبقيت معتني بهدى كولش لان حامل وبقيتة مدلله كولشي ما تسوي على عكس سارة جانت شايلة شغل البيت كولة علية وهية حامل وعلى الرغم المعاملتي  القاسية وياهة بقت  متحملة ومع ذلك تحجج علية بمشكلة وخليتة تقضي فترة حملة بلمخزن المتروك البارد مثل السجينة
اما هدى ٢٤ساعة نايمة وتعبانة والشغل كولتة على امي والبنات ويومية تلح علية ابني مشتمل بلحديقة بيت اهلي بعد ما اخوية عزل بمشتمل القديم بعدين قبلت بفكرتة لان اريد اخلص من الزن مالتة واصرت اسجل المشتمل ابسمة لان تخاف خاف ادهم يكبر وياخذ من عدهم الاملك
وايضا قبلت وبدأ البناء المشتمل بحفر للحديقة
واني جنت مشرف على العمال الحفر اجاني عامل وخذاني على صفحة
العامل 'خوية حسام من جنت احفر بركن الحديقة لكيت ملابس بنية وملابس رجال وبداخلهن ورقة
اعتقد هذا سحر واعتذر لان خبرتك بهذا الشي لان اذا سحر لازم يبطل
وانطانيهن وتفاجأت لان طلعن من ملابس سارة  وملابسي
كال العامل اذا تريد عندي واحد يعرف يبطل السحر
حسام ' ياريت ولو اتعبك بس اترجاك مااريد احد يعرف بهذا الشي
انصدمت صدمة عمري😮 معقولة احد مسويلي عمل

ورة رحت لرجال حتى يشوفني  كال انت مسويلك سحر للتفرقة بينك وبين الدافنين ملابسة وياك
حسام 'سيدنة شلون يفرق بينة وشلون نتخلص منة
السيد 'يفرق بيناتكم يخليك تشوفة بغير شكل شكل مكروه وقبيح بحيث تنفر منة وما تطيقة
اما شلون تتخلص منة انطيك اشياء تسوية وتتخلص منة واضب على قراءة سورة البقرة يوميا
حسام ' اتأكدت ان هدى هي المسويتنة السحر لان هي المستفيدة الوحيدة من تفرقتنة بس ما ردت احد يعرف بلي صار حتى اكشف هدى واتاكد منة
وبديت اسوي الاشياء الي طلب السيد اسوية واستمريت علية وراة حسيت نفسيتي مرتاحة بعد ما جنت مهموم كل الوقت وعيت على نفسي شمسوي عايف ابني وما شايفة اشهر وسارة الحبيتة وتمنيتة هيج مطلقة وبديت اراقب هدى وصرت ما اهتملة وهاملة اصلا  شلون ازوجتة واني ما عندي مشاعر حب اوتقبل اتجاهة واني بنفسي رفضتة قبل
ومرة اجيت من الدوام من وكت صعدت للغرفة بعدني ما فاتح الباب واسمع هدى تحجي
هدى ' عيني ام ستوري لحكيلي بعمل يخلي حسام يحبني لان هواية متغير علية والضاهر اثر الاعمال القديمة راحت مفعولة
حسام 'من سمعت هدى اتاكدت هية المسوية السحر انهاريت على الاخر كتلتة وديتة لاهلة وسولفتلهم على سوالفة بلسحر وكتلة ابقي عدهم راح اطلقج وخلي تفيدج السحوروة
وطلقت هدى بس صارت مشاكل لان امي ما قبلت اطلقة  لخاطر اختة  وما اهتمت لمشاعري واني الي اتاذيت منة
وهدى رادت المشتمل لان مسجلة بأسمة ونطيت الة بعد ما بنيتة ومرة اتصلت خالتي تبجي تكلي الحكلي هدى بلمستشفى زلقت بلحمام
رحت للمستشفى طلبو توقيعي للعملية وراة اجة الطبيب كال الطفل انطاكم عمر لان متضرر بلوكعة وما عاش لان بداية الثامن  انقهرت بداخلي  لان الطفل مالة ذنب بافعال امة وطلعنة هدى من المستشفى

هدى بعد ما بيناتنة شي يربطنة فارجوج ابتعدي عني  ولا تفكرين ترجعيلي او تدخلين بيتنة  انطيتج حقج وزيادة

حسام' حسيت الندم يأكل كلبي على كل السويتة بسارة وردت ارجعة بس اخلي مخطط حتى تقبل ترجعلي لان الشافتة مني مو قليل اول شي احاول اخبرهم واخذ عنوانة وبحجت اشوف ابني اشوفة عسى ان يرتاح قلبي بشوفتة  ومن شفتة حسيتة متغير صايرة اقوى  واجمل من قبل
وحاولت اتغزل بية صدتني
من عرفت بية تداوم قررت اشوفة واتقرب منة عسى قلبة يحن الية ثاني يوم خابرنة حتى ارجع ادهم كالت تعالي الضهر

طلعت ادهم ونستة وشتريتلة العاب  حتى اعوضة ولو بجزء قليل من الحرمانة  الذاقة بحياتة  بعدين دكت سارة التلفون علية تريد ارجع ادهم
سارة 'من اخذ  حسام ادهم واني قلبي نار على ادهم اول مرة افاركة  تانيت الضهر وما تحملت خابرتة حسام فدوة  رجع ادهم ولا مرة مبتعد عن حضني رجعة هسة
حسام 'على كيفج لا يصير بيج شي  ترى اني ابو الي حق اشوفة يلله  دقايق واني يمج
سارة 'شوية واجة حسام وجايب ادهم وانطاني باقة ورد (موطبيعي لان ما عدنة يبعون طبيعي الاما ندر)
تفأجت من تصرفة حسيت حسام القديم الي حبيتة من صدك
&&&&&&&&&&&&&&&&&&&&&&&&&&&&&
حبايبي اعذروني صارت عندي ضروف وما كدرت انشر اما بلنسبة للنهاية ما تصير بارت واحد الة تكملة انتضروني