مأساة فتاة

مستقلة بذاتي

💭ساشرق باحلامي وامالي طالما هناك اشراقة يوم جديد 💭

سارة
من اخذت قراري جمعت اخواني وكوتلهم اني قررت اريحكم من مسؤليتي راح اجر شقة بيت حسب فلوسي الي هية فلوس النفقة والمصرف مالتي راح اطلعة من دروس خصوصية انطيه للطلاب ابيتي شتكولون
بلبداية ما قبلوا وتعصبو بعدين من تناقشوا بيناتهم على ان يخلوني عند واحد منهم محد قبل ابقى عندة هنا اني ما استغربت من موقفهم لان جربتهم هم امرهم بيد نسوانهم وهن محد مهن تحبني لو تجرعني
اخيرا وافقوا اخواني بس بشرط أجر قريب عليهم وما اطلع كل يوم من البيت بس الاشياء الضرورية وانطي دروس خصوصية بس للبنات
قبلت بشروطهم
وراة اخوية لكالي مشتمل قريب عليهم واجرتة وبعدين بعت ذهبي مال النيشان مالتي واشتريت اثاث للبيت وانتقلت بية وهنا صدك حسيت بلاستقرار والراحة النفسية من بعد ما جنت خدامة عند حسام وعند اخواني
وصرت انطي دروس خصوصية لبنات الجوارين بعد ما دكيت اعلان لدروس بداية الفرع وراة بفترة ازادت عدد الطالبات وصارتلي سمعة ادرس زين وصرت اخذ صف سادس اعدادي
وتعدل وضعي المادي وصرت العب بلفلوس واعتني بنفسي وبادهم ورشقت جسمي بحيث صرت كولش انيقة اليشوني ما يعرفني
وهواية اجوني ناس تخطبني وما اقبل لان ما اريد تتكرر المأساة الي والادهم واني مرتاحة كلش بوضعي
بس بعض الاحيان اشتاق الحسام واتمنى لو جان زين وياية

طبعا حسام ما شاف ابنةمن اطلقنة لليوم هذا على الرغم المحكمة اقرتلة يشوف ابنة يوم واحد بلاسبوع بس شسوية هوة قسى قلبة حتى على ابنة
و مرة من جنت طالعة شافتني جارتي ام حسن تشتغل بمديرية التربية وبقينة نسولف بعدين كالتلي

ام حسن' عيني ام ادهم ليش ما تقدمين على تعين اجتنة درجات وظيفية
باختصاصج بس يردون فلوس يالله يعينون
سارة 'عيني ام حسن ياريت احصل تعيين ومستعدة ادفع بس اهم شي الندفعلة مضمون
ام حسن'لا حبيبتي مضمون واعرفة كلش زين لان اني اشتغل وياة
باجر اجيج ونتفق
وراة فترة قدمت وطلع تعيني بمدرسة بنات ودومت وكلش فرحت لان حسيت صدك قيمة تعبي بدراستي وحسيت نفسي انسانة الة قيمتة بين الناس
بعد ما جنت بنضرهم معدومة الشخصية مجرد خادمة الهم تنفذ متطلباتهم
واسمر الحال ومر على طلاقي سنة ونص
ومرة دك علية التلفون باوعت رقم حسام استغربت جاوبتة
حسام 'شلونج سارة شخبارج وشخبار ادهم
سارة 'الحمدللة زينين تفضل حسام شتريد
حسام 'اريد اجي يوم الجمعة اشوف ادهم واخذة يوم وارجعة الج
سارة 'هلة بيك باي وقت تشرفنة
حسام 'انتي وين كاعدة حتى اجيكم
ساره'انطيتة العنوان واتفق يجي بلتسعة الصبح وصار يوم الجمعة وتقصدت اكعد الصبح ارتب نفسي واتأنق مع لبس الحجاب طبعا حتى يعرف شلون تغيرت
وصارت بلتسعة واندكت الباب رحت فتحتة بس انصدمت من شفت حسام
لان صاير كولش ضعيف وال شيب غازي راسة وحتى ملابسة مبهذلة
حسام 'من شفت سارة ما عرفتة متغيرة كلش صايرة تخبل ضعفانة والبس والاناقة كلش متغيرة ولا جنة سارة زوجتي السمينة المبهدلة لا هسة غير شي
سارة 'عيني ابو ادهم تفضل شوية ويجيك ادهم بس ابدلة

حسام من دخلت حسيت محد عايش وياهة لان مشتمل ازغير وما اعتقد يكفي واحد من اخوانة وعائلتة بس كلش حلو ومرتب ومأثث اثأث حلو

سارة 'عيني ابو ادهم كملتلة وهاي جنطة لملابسة ومن تريد ترجعة خابرني لان اني باجر عندي كروب بنات ادرسهم  الصبح
حسام 'انشالة والله يوفقج صرتي تنطين دروس خصوصية
سارة 'اي انطي دروس وتعينت بمدرسة بنات والحمد لله توفقت بحياتي (تقصدت احجي هيج حت يحس اني ما توقفت حياتي او ضعفت ارادتي من طلقني )
حسام 'مشالله الله يزيدج صدك مبين عليج التغيير صايرة جميلة

سارة 'ليش اني من يوم يومي حلوة بشكلي وباخلاقي بس الناس هي الماتشوف وراة طلع واخذ ادهم وياة
حسام من شفت سارة حسيت رجعلي حبهة الجان مالي قلبي واختفى من شفت هدى لا ن هدى هي بعمايلة  خلتني اظلم سارة
🙋"""""""""""""""""🙋
حبايب قلبي باجر البارت الاخير توقعاتكم