شَغَف حُبچ

الجزء 1

#شَغَف_حُبچ
البارت 1
همسات الليل(ام آيه)

ها ماما شلونج...
هلو خلودي حبيبي ...
وين رواسي لعد.....
جوه بغرفتها دتقره.....ليش ابني خو ماكو شي..
لا هيج رايدها بشغله......
رواسي ....انتي وينچ....
هياتني خالد هسه جايه.....
دگ الباب ..افوت رواسي....
اي اي فوت خالد داقره...
هلو ..
هلو...
اگلج بعد لتروحين بالخط مالتج...اني اوديج بين ما اشوفلج خط ويه واحد عرف من اصدقائي....
ليش خالد شعجب...
ميعجبني تصعدين ويا....
والله تعلمت على هالخط وعفيه مو ويايه صديقتي امنيه ومااگدر اعوفها....
رواسي حبيبتي خابري امنيه وگوليلها بعد ليمرولج ....وخلي تشوف السايق شگد حسابه وتگولج حتى ندفعه...
اهوووو.... ليش ياخالد ...غير اعرف ليش تريدني ابطل من الخط...
گلت متروحين وخلص ..سدي الموضوع ولتلحين...
رواسي.....اووف..اووف...

اسمي رواسي طالبه مرحله ثانيه تجاره لوني خمري بسمار وطولي وسط وشعري اسود سرح .. انيقه بلبسي...
والدي موظف بالنفط من الانبار بس عايش بغداد....وامي من كربلاء ...
تربط اهلهم صداقه عائليه...عاشوا قصه حب كلش حلوه واتوجت بالزواج.....ماما مكمله اعداديه وهي ربه بيت..
وعندي اخوان اثنين خالد اكبر مني خريج علوم وماكو تعيين ..وفاتح محل موبايلات...
وعمار صف اول متوسط ...
ماما طبيعتها تتاخر ياله يصير عدها طفل..يعني المسافه بيناتنه مو شويه اني واخوتي...
احنه من سكنه بغداد بس من صارت الحرب ودخلوا الامريكان ...بابا خاف علينه ...اضطر يبيع بيتنا وسافرنا لسوريا 3 سنين....
بابا تعب كلش چان كل فتره يرجع للعراق علمود يرتب شغله ويه اصدقاءه.....
وراها الروحه والرجعه أذته لبابا ...وعمامي حجوا ويا وگالوله تعال ارجع للعراق ...ولترجعون لبغداد....
تعال للانبار وانقل شغلك ورتب وضعك...

بالبدايه ماما واحنه رفضنا ...ومقبلنا نروح نعيش بالانبار ...بس بعدين شفنا بابا تعب وگال اريد اكمل باقي حياتي بديرتي بين اهلي وگرابتي...

رجعنا للعراق واشترينه بيت بالفلوس البقت العدنا..وگعدنا...
بس بقى شغفنا وحبنا لبغداد وكل فتره نروح لخالاتي ...
وكل عطله نروح شهر لبيت جدو بكربلاء ..والحمدلله احنا منعرف شنو تفرقه ولا طائفيه...

رواسي:ماما هاي شبي ابنج ميقبل اروح بالخط بعد...
يعني شلون اني ماعوف صديقتي امنيه...
زين هوَ مَگلج ليش يريدني اعوف الخط...
لاوالله مگلي هسه اسأله واشوف...
خلودي ماما تعال...وانتي روحي لغرفتج مو الگاج واگفه تسنطين بالباب...
اي رايحه...
ها ماما محتاجه شي...
حبيبي ليش تريد اختك تعوف الخط..
ماما الحجي بيناتنه...هذا ابو الخط طلع واحد ساقط...
ياااا...شلون يعني...
شفته طابگ سيارته يم المدرسه الابتدائيه الصفره وچانت ويا وحده وحاضنها والمنظر مقزز...
وعباله الدنيا ظهر ومحد ينتبه...واني ماريد تجي حجايه على رواسي وهيه هالوحده عدنا....
عفيه عليك حبيبي زين تسوي...
اني باجر اوديها وبلكت اشوف احد من ربعي ياخذ خط واخليها وياااا...