شَغَف حُبچ
البارت 11
همسات الليل(ام آيه)
رواسي....دگيت بالليل على فهد...وهمزين طلع رافع الحضر على رقمي وجاوبني...
جنت متلهفه ومتشوقه اسمع صوته واسمع منه يگولي حبيبتي....
فهد حبيبي شلونك...
هلو رواسي...
شو نبره صوتك كلها برود...احجي وابچي....بعد متحبني مو...
فهد لتقسى عليه اني تعلمت اسمع غزلك واشوف من تصرفاتك ويايه بس الحب والطيبه...
فهد....رواسي مو بسهوله ارجع وياج مثل الاول...
ليش فهد ...
اقسم بالله ماكو بيني وبين احمد الله يرحمه اي شي...
رواسي انتي چذبتي عليه واستغفلتيني...
والله مو قصدي اچذب عليك...
بس محبيت اخسرك بالقرآن...
فهد انت كل حياتي ...والقران اني متمرمره وتعبانه ...
وحبك فضحني حتى ماما صارت تعرف بقصتنه ومرت خالي هم..
وهمه ديشوفون بعينهم شديصير بيه...
فهد....ليش چذبتي عليه ومگتيلي من البدايه...
فهد والله مو قصدي....اني خفت عليك لتتأذه...
انت كل عمري وحياتي...والله اغلى حتى من روحي...
امانه فهد ارجعلي مثل الاول...وكافي لتصير انت والزمن عليه..
انت مو تگلي انتي تختلفين عن كل البنات وشگد متغلطين اسامج...
شلون ينطيك گلبك تظلمني...فهد كافي حتى دموعي نشفت وصوتي راح من البجي...
فهد....رواسي انتي دمرتيني ...صرتي نقطه ضعفي ...حياتي انگلبت من وراج...
چنت عايش لاهلي وامي...وهسه انتي بحبج فقتي وعبرتي كل الحدود...
متعرفين شصار بيه من عرفت انتي ضميتي عليه...
والله لو مو حرام والعيبه واهلي مالهم احد چان سويت بروحي شي...
مثل المجنون ذبيت روحي بالنار من وراچ..
لچ بابا خليها سالفه بأذنج...
اذا صرتي لغيري ...جنازتي تمر من بابكم گبل لياخذوج الزفافه...
اسم الله عليك حبيبي لتحجي هيج من عمري على عمرك..
والله اني عندي الموت ارحم الي وماصير بحضن واحد ثاني...
فهد....رواسي اني من اول يوم دگ گلبي الج....
دائما احس يجي يوم وراح يفرقنا...
لاحبيبي ان شاءالله ميفرقنا وغلاتگ بس موتي....
اسم الله حبيبتي.. يومي قبل يومچ....
رواسي...ريحني وگلي سامحتني .....
فهد....اوف اوف من گلبي الحبچ وتمرمر من وراچ ...هو اني اگدر مااسامحج....
انتي ضعفي وحبچ دمرني دمار...
رواسي....حبيبي الله لايحرمني منك...
مرت الايام...
ورجعت علاقتنا حلوه واقوى من الاول ...
بس تعبت من التفكير والقلق على فهد لان الوضع ديسوء يوم بعد يوم...
بدت الامتحانات ...وامتحنت..وفهد بعده بمكانه بالنار... واهله بالمخيمات...
رحت لاهل فهد مره وحده اني وامي بالگوه قنعتها...
ورحنا بدون حس بابا وخالد...
خاله من شافتني حضنتني وبچت وبچتني ....
گالتلي ياريحه الغالي ابو بيتي عزيز گلبي فهودي...
ربي يحفظليا ويقر عيوني بشوفته...
من رجعت منهم خابرت فهودي اريد اگله رحت شفت اهلك...واطمنه عليهم...
دگيت على فهد...
رواسي...هلو حبيبي شلونك...
فهد...هلو حبيبتي اني زين ومشتاق وهيمان ...
اووف فهد گلبي مثل النار عليك...انت بالواجب...
اي حبيبتي گاعد بالنقطه مالتي وماكو شي لتضلين توهسين...
أنت تقرأ
شَغَف حُبچ
Romanceالقصه حقيقيه... تتحدث عن حب نقي قل وجوده في دنيا الوحوش... تفاصيل القصه راح تعرفوها اثناء المتابعه
