شَغَف حُبچ

الجزء 5

شَغَف حُبچ
البارت 5
همسات الليل(ام آيه)

رواسي...مر اسبوع واني مصارتلي فرصه حتى اخابر فهد ...
ماعرف هم لان اخاف من خالد ...وهم مستحيه من فهد خاف انزل من عيونه...
وبذيج العصريه وجان تندگ الباب وعمار ديلعب طوبه ويه اصدقاءه بالشارع ...واجه يركض..
عمار....ماما..ماما هاي خاله ام فهد صديق اخويه خالد ،اجتي وتريدج..
ام خالد...هله بيها ...روح ماما طببها..
وانتي اركضي فتحي باب الصاله بسرعه..

رواسي...من سمعت اسم ام فهد...تخربط كياني وبعد ماعرف شلون اتصرف .....
رحت ركض فتحت الباب وانهزمت لغرفتي...بقيت گاعده...
استغليت وجود خاله ام فهد يم ماما  ،ودگيت على فهد ومتردده...
فهد....وازتني رواسي اسبوع لاحس ولا خبر ...بعد ما عندي صبر .....دزيت امي تحجي ويا امها بموضوعنا...
وصلت امي يم اهل رواسي......واني بالطريق ودگ تلفوني رقم غريب وجاوبت..
فهد......الو نعم اتفضلوا...
رواسي...بصوت ناصي...هلو فهد شلونك..
ياروح فهد ...وعمر فهد وعشيره فهد.....شلونج ياروحي..همزين حنيتي..
لو ماداز امي جان مخابرتيني..شلون انطاج گلبج متسمعيني صوتج كل هاي المده..

رواسي..والله مرحت من بالي ولا لحظه...بس بالقرآن الشريف مكدرت اخابرك.... كل الوكت كاعده ويه امي وتلفوني يبقى دائما بيد عمار يلعب بي لعبه ...

فهد...هسه عوفينه من العتب...امي دزيتها تحجي ويه امج بموضوعنا...
رواسي...فهد انت اتسرعت هوايه...لتستغرب من رده فعل اهلي اذا رفضوا..
وثاني شغله...
احمد ابن عمي خطبني واهلي كيفوا بي وگالوله خل تتخرج والله كريم..
فهد....لج شدتگولين ...شوكت صار هالحجي...لخاطر الله احجي..
مو هسه الحجي صار قبل كم شهر...حجوا بالموضوع...
وانتي شنو رأيج...
طبعا لا...اني قبل لا اعرفك رفضته....ومن عرفتك وحبيتك...من سابع المستحيلات اقبل بي...

فهد....رواسي شو گلبي ناغزني ...واخاف تضيعين مني.....
امانه وعديني طول ما خشمي يشم الهوى متصيرين لغيري....وتدافعين عن حبنا..
عمرك طويل حبيبي...والله والقرآن وعد مني طول محسك بالدنيا ماصير لغيرك...

عفيه حبيبتي ....ريحيني.....ترى والله اذب روحي للموت اذا صرتي لغيري...
اسم الله الرحمن.. لتجيب طاري الموت على لسانك كلش اخاف...

ام خالد....رواسي تعالي....
يله حبيبي راح اسده....ماما گامت تصيح عليه...
فهد.....شوفي اليوم ساعه 8 ضبط طلعي راح ادگ الباب بحجه اريد خالد...
وانطيج جهاز وخط قديم عندي حتى اخابرج بدون متتقيدين...
اوكي حبيبي ...باي
باي ياعمري...
اوف منك ومن سوالفك فهد...

اني اصلا مبدله ومرتبه نفسي...
طلعت اخذت مضيفه الچُكليت وضيفت ام فهد....طبيت عليهم..
السلام عليكم ...
ام فهد...هله وميه هله بالحلوه ...صلوات على محمد محروسه من كل عين...
جبت عصير وكيك وضيفتها ورحت گعدت بغرفتي...
وره ساعه راحت ام فهد...
واجتني ماما...
ام خالد....رواسي تدرين ام فهد ليش جايه....
واني شدراني...
جايه تخطبج لاابنها..
صدگ والله...
تسوين نفسج متدرين ......يعني..
لا واني شدراني...
والله اذا اعرف عندج شي ويا ...اسگطج والعب بيج طوبه..
رواسي...عوفج من التهديد گلتها بضحك....وانتي شنو گتيلها...
گتلها اشور ابوها واخوها ويصير خير...
يعني اذا بابا وخالد يقبلون راح تنطوني اله.  ....
لج رواسي شو گلبي لاعبني وحاستج مستغفلتني ودتضحكين عليه...
لا ماما ماعندي شي صدگيني...
ام خالد....الولد مابي قصور حلو وكاسب وحالته الماديه مثل حالتنه....
بس يبقى الشور والراي يم ابوج واخوج...
لان ابن عمج حاجي بيج قبله واتوقع ابن العم يكون ابده من الغريب...
ماما ترى اني ما اخذ احمد نهائيا...خاف تگولين..
ها ولج يعني حابته لفهود مووو...

مو شغله حابته لو شي.....بس الولد حباب ومابي عيوب....واحمد اني دائما معتبرته مثل اخويه...
ام خالد...هسه عوفي الموضوع ...كلشي بوكته...

فهد.....دگت عليه امي ومريت اخذتها من بيت رواسي...وصعدت ويايه...وجانت اعصابي مشدوده ومرتبك ...خايف من رده فعل اهلها...
ها ماما بشري شنو گالتلج امها...
اصبر شويه...بالاول الواحد يسلم...مو گبل يزرگ بالحجي...
يوم هلووو...دحجي والله اعصابي مشدوده...
اي عيني روميو...
اهلها خوش ناس وامها رحبت بينا وگالتلي اشور ابوها واخوها ....والبي خير يقدمه رب العالمين...
زين مگالتلج ابن عمها حاجي بيها ورايدها...
لا مگالت ابن عمها...بس گالت يجوها ناس وابوها ...عنده مبدأ ميزوجها الاتاخذ شهادتها...
اووف اووف..
شكو شبيك النوبه...
يمعوده ابن عمها طلعلي مثل اللگمه بالزردوم...
ياابني عوفها على الله واذا نصيبك هيَ...ترى متصير لغيرگ....
الله يسمع منج ياربي...

فهد ....صارت ساعه قريب 8 بالليل رحت لبيت رواسي....واني اعرف خالد يرجع قريب العشره..
رواسي...اباوع على الساعه وگلبي كلما تقرب على الثمانيه يدگ سريع....
صارت ساعه 8 الا وطلعت بالطرمه ،وسمعت صوت سياره طبگت واندگت الباب ....يمه گلبي
طلعت ارگض فتحت الباب...وتفاجئت..
احمد....هلو رواسي شلونج
هلو احمد بخير الحمد لله...اتفضل فوت
لا والله مستعجل ، بس دزني ابويه انطي هذا الفايل مالت ريم لعمو...وهاج انطيهيا...
ان شاءالله نمرلكم باجر...مع السلامه..
هله بيكم ...مع السلامه..
فهد.....اجيت على الموعد ،وشفت احمد ابن عمها غالب واگف بالباب وديحجي ويا احد.....
اكيد هيه ،بس ممبين منها شي ...
صعدت عندي الغيره فول رحت اخذتلي فره بالشارع الثاني ...ورجعت وشفته ماكو رايح...ونزلت ..
رواسي...يمه شلون صدفه گشره ،شجابه هذا حظي الاگشر...بس لا فهد شافه وراح...
توني طبيت بالمطبخ داسد الباب وسمعت صوت سياره طبگت ...وطلعت رگض...
اندگ الباب وفتحته وطلع هالمره فهد حبيبي...
فهد....جانت صاعده عندي الخبالات فول ،
هلو رواسي..
هلو عيني ...
هاج التلفون بي رصيد ، دگيلي اليوم انتظرج من ينامون...باي..
اخذته على السريع وضميته بجيب التراكسوت...
وكتله باي...
رواسي....هذا شبي، ولا چنهَ هوَ معرفته ...يحجي بجفاء...كلَ من وره احمد اتخبل اكيد...
ام خالد....وين جنتي صارلج ساعه بالطرمه...
رواسي....ها.....هذا احمد جاب فايل دازه عمو غالب لبابا...
لعد ليش مفات جوه...
مستعجل...وگلي باجر راح يجون...
اي و وراها هم طلعتي على الباب شفتج...
اي هذا ولد صديق خالد ،يسأل عليه وكتله مو هنا.... مگلچ شنو اسمه...
رواسي...خفت اگُلها فهد، خاف ميعجبها.....لا مگال...
رواسي...رحت اركض للغرفه حايره بالتلفون وين اضمه..
وحاسه بروحي مثل الواحد بايگله بوگه...
شلون ورطه هذا يريدني احجي ويا بالليل ، وعمار ينام يمي،،اوف شورطت روحي بسالفه التلفون...
سويت العشى وتعشينا...
وگاعدين كلنا بالهول ...ساعه 11 كمت ...
رواسي...تصبحون على خير..
ابو خالد...بعد وكت باباتي..
رواسي...بابا راسي ديوجعني...انقهرت لان حاسه بروحي دخون ثقة اهلي...
عمار....رواسي انطيني التلفون
رواسي...عزه ،فزيت....ها ياتلفون...
تلفونج شبيج، اريد العب بي...
اي روح اخذه بالمطبخ على الميز...
عفتهم ورحت طفيت اضويه الغرفه وفتت جوه الغطه...ودگيت..
فهد....رجعت من يم رواسي حيل مغثوث ..وعشى متعشيت ، عفتهم وطبيت لغرفتي..
متمدد بفراشي ودگت رواسي...واني خازنها(شَغَف) يعني اعلى درجات الحب معناها...
رواسي...بصوت ناصي...هلوو فهد
فهد...هلووو ...شلونج
الحمدلله ،شكو شبيك ،مفرحت من سمعت صوتي...
والله ضيعتيها لفرحتي من وراج..
شكو، ليش شنو سويت اني...

اوقات ممتعه
الكاتبه
همسات الليل(ام آيه)