شَغَف حُبچ
البارت 9
همسات الليل(ام آيه)
رواسي....مرت الايام واني داومت ويه بنات خالي اعتبروني نازحه.....منطوني نقل... وامتحنت نص السنه ونجحت والحمدلله....
خلصت العطله وبده دوام الكورس الثاني...
الحمدلله رتبوا وضعهم...
وخوالي شافوا شغل لخالد وياهم...
وبابا هم يطلع دائما ويا خالي الجبير عنده معرض سيارات...
گمنا نسمع بالاخبار ...الوضع ساء اكثر...والانبار گامت تسقط مدينه وره مدينه...
والمحافظات بدت تسقط بالتدريج...
واني متخبله على فهد وروحي تريد تطلع....وبعدني ضامه الخبر مالت خطوبتي لاحمد عنه....گلبي مينطيني اوجعه وأذي...
ويوميه اخابره اشبع بجي من ورا.....بس اريده يطلع من منطقتهم...
رواسي....فهد بس گلي لخاطر الله انت احد موصيك تعذبني...
ليش اسم الله حبيبتي...يمه يمه بنيتي ليش تبجين...
لك والله راح اموت اعصابي منهاره ...انت اذا يصير بيك شي اموت وراك....
اسم الله عليج...هلگد تحبيني...
ليش انت عندك شك بحبي الك..
لا والله .....اشك بااصبعي الي من لحمي ودمي وماشك بحبج الي...
كافي فهد كلامك دمرني...ليش هالعذاب ياربي...
شمعنه عليه اجيت...لو مشايفتك جان هسه اني عايشه مرتاحه لاضيم ولاقهر...
يعني حبي الج ضيم وقهر ...اشكرج قهرتيني والله..
لا والله مو هذا القصد...
بابا انت صرت نفسي الي يصعد وينزل ومتعذبه لان بعيد عني... والله مرات أگول راح اگول لاهلي واجيك والقرآن...
يمه بعد روحي حبيبه گلبي...هانت وعيونج...هانت...
فهد...گدامك اقل من اسبوع...ترتب وضعك وتجي...
والله اذا متجي ...انساني...وتحلم تسمع صوتي بعد....
اكو واحد ينسه روحى ياروح فهد...
دروح يله عابتلك...قشمرني بكلامك ابو لسان...
سديت التلفون واجتني ماما ...
ها رواسي...
هلو ماما...
رواسي مرت عمج غالب....خابرتني ويريدونه نروح لبغداد الاربعاء حتى الخميس تگطعون مهر انتي واحمد...
شلون...شلون...احجي وابجي...ماما ليش مو وعدتيني تساعديني...اني بنتج لتصيرين انتي والزمن عليه ...اني مااتخيل نفسي غير يم فهد...
وج بنتي سكتي وستري علينا...لتجي ريم وتسمعنا...
يوم والله نار بصدري ...ومتطفيها الا شوفه فهد...يوم اني اموت الف موته ...اذا اخذت احمد...مااكدر ..
صعب صعب كلش....
يعني اعيش ويا واخونه ...لان فهد باافكاري وبگلبي وعقلي معشعش وميطلع..
ماما حلمت البس البدله وانزف لفهد مو لااحمد...
يوم حبنا بريء ومايوم تجاوز حدوده ويايه...
شگد ما اوصفه لهالانسان قليل...والله ماكو منه لابقصه ولابروايه...
ام خالد....ابجي على بنتي ...شنو بيدي عليج يابنتي والله عيب من ابوج وعمامج...وصعبه...
واني مو صعبه عليه من تذبوني ومتفكرون بيه...
يابنتي وين ذابيج ....قابل ناطيج فصليه يا بنيتي انتي وعيوني...
شو احمد شاب كامل مكمل ...حتى بنات خالج من شافوا انعجبن بي...
بس اني ميعجبني ...اني گلبي عد فهد مو يمه...
يابنتي...والله حب فهد نزوه عابره...
وهسه من تزوجين وبالعشره تحبين احمد ...وتگولين هذا حب مراهقه...
لا ماما مااقبل تگولين على حب فهد الي حب مراهقه....حقج متعرفين منو وشنو فهد...
فهد الانسان والگلب الحنين وكلشي الي...
طلعت امي ...بقيت ابجي على حظي...اوف يدنيا شلعبتي بي وشوكت راح ارتاح....
أنت تقرأ
شَغَف حُبچ
Roman d'amourالقصه حقيقيه... تتحدث عن حب نقي قل وجوده في دنيا الوحوش... تفاصيل القصه راح تعرفوها اثناء المتابعه
