شَغَف حُبچ

الجزء 3

شَغَف حُبچ
البارت3
همسات الليل(ام آيه)

رواسي....راحوا بيت عمي..
وحجت ويايه ماما..
ها رواسي شنو رأيج بالموضوع مال احمد...
رواسي...طبعا لا ...اني مافكر بالزواج اريد اكمل دراستي...
ادري ثوله احنه هم نريدج تكملين...يعني مو هسه نقصد بعدين..
احمد خوش شاب مال وجمال و وظيفه...يعني ميتفوت يابنتي...
كملي سادس وبعدين خطوبه ...وراها اتفقي انتي ويا على الزواج..
مااعرف ماما...لتخربطين عقلي...خليني مركزه على دروسي..
عوفي كلشي لوكته ..والله كريم..
الله كريم......

وره يومين ...
خالد....ماما اليوم راح اجيب اصدقائي نريد نشوي سمج بالحديقه...
اي براحتك...يعني راح تخبصنه انت وربعك...
لا لا منسوي هوسه...هو بس اني وعمار وفهد..
رواسي...من سمعت اسم فهد گلبي گام يدگ سريع...ماعرف شلون صار احساسي...

رواسي...اجه خالد بالليل واحنه بالمطبخ اني وماما...
خالد....مااسمع صوتكم..... عيب الولد بالحديقه..
ام خالد...مو بارده عليكم گاعدين بره..
لا ماما مو بارده....الجو حلو...
رواسي حظرينه الزلايط وسوي قوري چاي حتى نخدره على الفحم...

فهد.....رحت لبيت خالد وتمنيت اشوف رواسي لو اسمع صوتها...خربطت كُل كياني ....وبديت اشتاقلها والظاهر وگعت بحبها ...

رواسي....صار عندي فضول ورغبه اريد اشوف فهد...
من شباك المطبخ ماأگدر اباوع ...امي تحس عليه...
رحت من شباك الصاله صاير على الحديقه...وختلت وره البرده حالي حال الحراميه...عين على الحديقه وعين على باب الصاله لحد يفوت وانلگف....
واخيراا شفته...
شگد شكله جذاب لابس بنطلون بيج وبلوز زيتوني وجسمه حلو ....
من شفته گلبي دگ سريع وحسيت عيوني مشبعت منه .....خاتله مثل الحراميه وصاحتني ماما ورحت اركض..
متگوليلي وين انهزمتي...
رحت للحمام مااعرف شنو طب بعيوني...
يله كملي..اخوج راح يجي ياخذ الغراض..
دتحجي ماما وچان يطب خالد....
خالد....روحي رواسي فتحي باب الكليدور...راح نفوت جوه ...شكلها راح تمطر...همزين الما كملنا الشوي..
اي...اي... رايحه...
رواسي...فاتوا جوه واسمع صوته وضحكته ...طبعا شخصيته كلش حلوه ومحبوب...
خلصت العطله وشفته بس مره وحده ...وبده الدوام...
رواسي...اگلك خالد...خابر على ابو الخط مالتي وگله يمرولي باجر...
خالد ....اي هسه اخابره...
خالد...هلو فهد مشتاقين
الداع اشوق ...
مروا باجر على اختي ...
ان شاءالله سبعه ونص نمرلها..
تصبح على خير

فهد...شيجيب باجر واصبر شلون...ممصدگ راح اشوفها...بس اني ماريد انجرف بمشاعري زايد الا اشوف هواها وين يميل...

كعدت الصبح...وبدلت وتعطرت...
سرى...احم احم شنو هاي عيني...نيالها ..
ولج سدي حلگج والتهي بدروسج ...احسن لج...

رواسي...گعدت نشيطه كلش وبدلت واتأنقت...وطلعت اركض انتظر الخط...
اجه فهد وگلبي گام يدگ سريع ،عرفت نفسي وگعت بشباك حبه...