شَغَف حُبچ

الجزء 8

شَغَف حُبچ
البارت 8
همسات الليل(ام آيه)

فهد...رجعت والقهر والحسره كاتلتني واحس صدري راح ينفجر من العذاب...
مشغل اغنيه وجتي على الجرح....
معذبين(اثنينا معذبين،لشوكت نخفي هالمشاعر والحنين....معذبين....حتى من اشواگنا ذاب الحجر،شنو ذنب عيونه تعاشر سهر،،وحتى لو صدفه تلمنى نبقى عين تحاجي عين....معذبين..اه معذبين اثنينا معذبين)

امشي وسارح بعالم الحزن والقهر.... واشرتلي دوريه...
اطبگ ...اطبگ ....انزل..
فهد...نعم اتفضل اخويه...
شعندگ بهالليل طالع....مو تعرف الوضع مخربط..
اسف بس اختي هبط سكرها و وديتها للمستشفى وهسه راجع للبيت...
سلامتها....يله توكل بالله ...
رحم الله والديك..

سرى...الله سترنه يافهد ...چان رحنا بيها...
فهد....اني اسمع وساكت وگلبي مذبوح...

رواسي...اوف ياربي ليلي كله گضيته ابچي...ليش ياربي شنو ذنبنا مو مرتاحين ودنتعذب اثنينا....
نام عمار...ودگيت على فهد....فتح الخط...
حبيبي فهد...
اوووف ...بتنهيده ...ليش حتعوفيني رواسي..
احجي وابجي...والله مو بيدي غصب عني ..لو تدري النار الي بصدري شكبرها ...اني راح اموت والله العظيم...
اسم الله عليج...مااتخيل حياتي بدونج والله ...
فهد لخاطري انتوا هم طلعوا لتبقون ،والله خايفه عليك...الوضع صار يخوف ومن سيء الى اسوء..
فهد.....اني مااگدر اطلع ، منگدر نعوف اختي وماعدنه اصلا احد نروحله...
اذا نطلع لازم نروح ونعتمد على نفسنه...وماأكدر على الايجارات والبهذله...
اوف يافهد والله راح اموت ...اني راح اروح وياهم بس روحي تبقى يمك...
انتي روحي بالسلامه ويه اهلج وان شاءالله ترتاحون...واني خليني بضيمي واشكي همي لليلي..
ولو الليل دموعه قاسيه وساعاته طويله والصبر قاتل...
اوووف كافي راح تموتني والله بحجيك هذا...
يله حبيبتي نامي وراج طريق ...ابقى انتظر اتصالج .
مع الف سلامه...
الله يسلمك حبيبي ويجمعني بيك يااغلى من عيوني وروحي والله...

رواسي...سديت التلفون...وچنت محتاجه قرب من ربي ...
رحت توضيت وصليت ركعتين لله ودعيت...
ياربي اني مسكينه ومالي غيرك يارب انت شاهد على حبنا الطاهر...ياربي رايدته منك ...تحفظه وتجمعني بي ولاتحرمني منه....)

فهد....بقيت اتگلب بفراشي واذن الفجر ...
وگالتلي رواسي وره الصلاه يطلعون...صليت وشكيت همي لربي..
حاس روحي دتنشلع من مكانها...ياربي صبرني على فراكها واحفظلياها من كل شر....

رواسي....اتحظرنا واجوي بيت عمي غالب وبيت عمي الصغير مثنى هم بسيارتهم.....واخذنا الظروريات ... ومشينا وطلعنه مدينتي وعفت بيها اغلى مااملك حب حياتي ..
باوعت اخر نظره عليها ونزلت دمعتي ...اوف ياربي شلون راح اتحمل واصبر على فراگه..

فهد شخص نادر وجوده بهذا الزمن ومو بالسهوله احد يگدر يحصل عليه...وحتى اني احسد نفسي لان هو حبيبي...