شَغَف حُبچ

الجزء4

شَغَف حُبچ
البارت 4
همسات الليل(ام آيه)

فهد....رواسي عافت جنطتها على الكشن...وراحت تصيح صديقتها..
شفت قلمها طالع لونه بنفسجي ...سحبته واخذته عجبني احتفظ بشي يخصها...

رواسي....رحت صحت أمنيه ...
وگعدت يم فهد...
ونور صعدت ورايه....انضربت على خشمها وضاجت وانفخت...
ذبينا البنات ...و وصلنا بيتنا...من دانزل ...حجه فهد ويايه.. .
فهد.....رواسي باجر هم تگعدين يمي الصبح...
رواسي...انداريت عليه ...باابتسامه . .لا طبعا..
فهد...اوف ياربي ..لاعبه بااعصابي... نزلت واخذت گلبي وياها...

رواسي...تونسنه اني وامنيه وتغدينه وقرينه شويه...واجه اخوها اخذها..
ثاني يوم مثل كل يوم...اتحظرت ودانتظر فهد...
صعدت وسلمت عليه ...وگعدت ليوره...ومشغل ملكه الاحساس اليسا...
شفت كارتونه بالصدر على الكشن...ابتسمت...
فهد....شفتها تباوع على الكشن ومبتسمه..
فهد....هاي فارغه ترى..بس تقصدت احطها هنا حتى لتصعد نور يمي وتضوجين...
رواسي...طبعا خجلت من گلي حتى لتضوجين...
لا عادي ليش اضوج...ابتسمت ودرت وجهي...

فهد....بگلبي...اموت على الثكيل...الي شالع گلبي...
وصلنا لبيت نور....
نور....صباح الخير ...هاي شنو الكارتونه فهد...
فهد ...الصوبه عاطله رايح اوديها اصلحها...
نور...ياصوبه ...يمعود..راح نطب بالخامس...شوفلك غير سالفه وسولفها...
فهد...شلون فشلت...ملگيت غير هالچذبه ...وين اكو صوبه بنهايه الرابع...
رواسي....متت عليه من الضحك بداخلي...هو يباوع بعيوني وخجلان...

رواسي....مرت الايام ويوم احلى من الي قبله.... وبدت الامتحانات...
واحنه على وضعنا نظرات عيون...وابتسامه وكلام ...هذه ملخص علاقتنه...

فهد....اليوم اخر يوم بالامتحانات...ولازم اخطي خطوه لان بعد مااگدر اشوف رواسي...

رواسي...بدلت وطلعت انتظر فهد واجه اخذني وحس بيه مقهوره وهو مو على بعضه...شگد تمنيت يخطي خطوه ....

رواسي.... وقبل لنوصل للمدرسه...نور وبسمه حجوا ويه فهد وگالوله...
هاي فلوس الخط فهد شكرا ...احنه مراح نرجع وياك ...راح نطلع من المدرسه نريد ننجمع بيت صديقتنا   وداعيه ..
فهد...اشوفكم بخير...
رواسي...دانزل وصاحني...

فهد....رواسي شوكت امرلج ...
رواسي....على نفس الوكت ساعه11
فهد....رواسي حاولي تطلعين بوقت لان عندي حجي وياج...
رواسي....متت خجل ...(هذه اللحظه تمنيتها صار اكثر من 5 اشهر)...
رواسي ....جاوبته بهمس ان شاءالله...
فهد....رواسي ساعه 10 امرلج...
رواسي...بس هزيت براسي.....فتت ممصدگه روحي ...شفت امنيه..

لج أمنيه لحگيلي گلبي راح يوكف ...
شكو شصاير يولي...
واخيرا فهد ....
شبي فهد...
فهد راح يحجي ويايه اليوم...
صدگ والله...
اي يولي گلبي راح يوگف وحيلي كله يرجف...
يله حبي بيها الخير...دفوتي للامتحان واهدئي شويه حتى تعرفين تجاوبين...