شَغَف حُبچ

الجزء 6

شَغَف حُبچ
البارت 6
همسات الليل(ام آيه)

رواسي.... شبيك فهد تحجي ويايه برود...شنو تگولي ضايج من ورايه...خاف لان شفت احمد اجه بالموعد مالتنه...
فهد....لا طبعا مو على هاي...لان ادري جيته صارت  صدفه..
لعد على شنووو؟؟
على لبسج رواسي...تراكسوت وشعر گدام ابن عمج ...طبعا يحطج باله ...
رواسي...اني هذا لبسي دائما احب اكون مرتبه ، البس لنفسي...مو لابسه علمود احد...

فهد....شفتها انطعجت...وبديت اخف عليها، لان هي تربات بغداد وهذا شي عادي ،مو مثل بناتنا يلبسون الحجاب گدام ولد العم...

فهد....حبيبتي انتي جوهرتي الي وبس ، وماحب احد يملي عينه منج بس اني...
وانتي وردتي الي وحدي وبس اني اشمچ...
لازم تعذريني ،اغار عليج مو بيدي والله...

هو اني من شفتج هيج متحملت ،ورغم حاجيتج بالباب برود، بس والله گزگزت عليج..واتمنيت احضنج...
رواسي...ضحكت على سوالفه...
استحي شويه ....
صدقه لهالضحكه...اموت عليها وعلى صاحبتها...
يمه يمه انت بلوه وداهيه...شكم وحده گتلها هالحجي قبلي...
ههههههه...وروحه لابويه اني موبياع كلام، وانتي اول وحده احجي وياها هيج...
بس حجيك مو مال اول مره ، عبالك متعود،لان مو خجلان...
اكو واحد يخجل من روحه، لج انتي عشعشتي بالگلب وبالدماغ...حتى اني صافن على روحي...
مافد يوم عجبتني وحده وتعلقت بيها لهالدرجه...
والله عندي بگرايبنه اشكال والوان البنات ، وهنه يتوددن الي ...
وبالخط شوف عينج الثلاثي المرح الوره، شلون مرغلن روحهن ....واني ولا يمهم..

رواسي...شگد مغرور انت ...
لج بابا مو مغرور ....
شمعنه اني اختاريتني...
سحرتيني...وجذبني هدؤج...تتصرفين بعفويه مو تصنعين مثل بنات هالوكت...

شمدريك يجوز امثل عليك...
لاحبيبتي ...البنيه مثل الكتاب باينه من عنوانها...
تدرين من گلي خالد ديدور خط الج، اتفاجئت عنده اخت ،صارلنا 7سنين اصدقاء اني ويا.
وياما طبيت وطلعت من بيتكم ، ومايوم عرفت عنده اخت...
رواسي....انغريت بحجيه ...
رواسي...فهد تره مااگدر اطول..... عمار ينام يمي بالغرفه يعني شويه واسده وماأگدر اخابرك بالليل...
فهد.....عادي حتى لو دقيقه باليوم بس اسمع صوتج هذا يكفيني....
صدگ شيريد احمد ابن عمچ اجه عليكم...
جاب شغله لبابا ...
دائما يجيكم وحده....
لا يجي ويه اهله....وباجر گال راح يجون علينه...

فهد....اشتعلت الغيره وصعدت الحماوه عندي، بس بعدني بالبدايه وياها ماريد تصير عدها رده فعل مني،،،وتبطل تگلي بعد اي شي....سويت نفسي ممهتم ...
بس چذب اني راح اموت من الغيره، لان احمد خوش شاب حلو وميتعيب...
فهد....اي حبيبتي عادي ،اني عندي ثقه بحبيبتي محد يملي عينها بس اني...
رواسي...اوف منك ومن سوالفك...يله حباب ، كافي اليوم...حاسه بروحي بايگه بوگه..ود اخون ثقه بابا وخالد...
يله حبيبتي ...تصبحين على خير ياعسل....
تصبح على خير...
گوليلي حبيبي حتى اسده...
تصبح على خير حبيبي..
اوف شلون طالعه تخبل من هالحلگ ...شوفيني بأاحلامج ...
ان شاءالله...يله كافي داسمع صوت باي ..
بايات ياعمري اوووف...