سرقتها من عالمها

الجزء الاول

المقدمه ـ انالست اناني انما انا عشقتها ذهبت بقلبي لها ونسيت ان اعود منها
نعم سرقتها من عالمها وزرعتها في عالمي اخذتها من حياتها وبيتها وادخلتها لحياتي
ولكني لم اقصد اذيتها ولم يكن بااستطاعتي ان اذهب عنها كنت مقيد بها ماذا سوف افعل غير هذالان لااستطيع سوى ان اخذها واجعلها تغفى بين احضاني لكي انظر لها وهي نائمه لان نظراتي لم تفارقها
نعم سرقتها من ذلك الاحمق الذي كان يؤلمها
واصبحت الان ملكي ونجمتي فهل يستطيع الليل ان يتخلى عن نجمته فااذن كيف لي ان اتخلى عنها

ندكت الباب

...كلت ادخل شفت سمر
...هلو سمر شلونج شو اليوم مشرفتنه شنو السبب
....هلو حبيبي اي اشتاقيتلك كلت اجي اشوفك قابل حرام
...لاموحرام بس استغربت انتي اليوم اجايه للشركه
...لاتستغرب بس جنت قريبه منا لان تعرف اليوم الحفله
مال ابن خالي واجيت اشتريت ملابس وشفت نفسي قريبه
كلت خلي امرلك
...اي اهلاوسهلا بيج اي خلصتي مشترياتج
...اي خلصت اكلك حبيبي انت اليوم تجي للحفله مو
....لامااجي تعرفين بيه ماااحب الحفلات والهوسه
.... صدك والله متجي حبيبي لخاطري تعال تعرف اني
احب اطلع وياك وانت دائما مشغول ترة اذا متجي من
صدك ازعل منك لان كل مرة تسوي هيج
....سكتت وبعدين كتلها اوكي اجي ساعه ييش الحفله
....حبيبي فدوة لكلبك الحفله ساعه بالخمسه العصر تبدي
مراح اروح ويااهلي انتظرك انت تجيني
....اوكي اني اجيج ونروح اني وياج سوى
.... اوكي انتظرك لعد حبي اني هسه راح اروح ونتلاكه العصر اوكي
.....اوكي نتلاكه باي
وتقربت عليه سمر وباستني وطلعت من المكتب
سمر تكون خطيبتي وهي ايضا بت صديق والدي
ومعرفتكم عن نفسي

(اني جود عمري٣١سنه خريج كليه علوم حاسبات
اني من الاشخاص الي يحبون يكافحون ويبنون حياة خاصه بيهم ولهذا السبب اسستلي عمل
اني من عائله وضعها المادي ضعيف جدا لحد ماصار عمري ١٧سنه وبديت اصير ولد شاب واكبر وبديت اعرف انواكو هوايه امور بالحياة مطلوبه ولازم تتوفر والدي بدة يكبر وتعب فقررت انو اني لازم اشتغل اني اكبر واحد بااخوتي عندي اخ اصغر مني وعندي خوات اثنين ايضا اصغر مني فااول عمل الي كنت عامل بمطعم
وبعدها بسنتين صرت شريك بعذا المطعم وبعدها بديت اشتغل بمعرض مال سيارات واشتغلت هوايه شغلات واجتي اوقات اتاذيت لان اكو اشخاص يتعاملون ويا الي اقل من عدهم بحقارة وهذا الي اني عشته صعب الانسان ينذل ولكن اني برغم كل هاي الظروف اشتغلت ودرست وبديت اساعد اهلي ويوم عن يوم وسنه عن سنه فتحتلي شركه مال مقاولات بعيدا عن مجال تخصصي وصار عندي مطعم وكان تحدي انو املك اول مطعم اشتغلت بي وفعلا بديت عامل بي بعدين شريك بعدين صاحب المطعم وايضا صار عندي اعمال مختلفه وصلت اليوم ٣١سنه كلشي تغير اهلي وحياتهم
اني تغيرت حتى شخصيتي صرت انسان مختلف ولهذا السبب بسبب التغيرات
الكثيرة الي صارت خطبت بت صديق والدي
مايربطني بيها حب مجرد انو راح يكون زواجنه
زواج تقليدي )

احداث القصه

خلصت شغلي بالشركه ورحت للبيت وارتاحيت شويه وبعدها حضرت نفسي ورحت لبيت سمر وطلعت سمر وركبت السيارة كانت جدا حلوة طالعه

كالتلي
.....هلو حبيبي والله خفت لامتجي لان اعرف من ميعجبك
تروح لمكان
.....لااني كتلج اروح تعرفيني ماارجع بحجايتي مستحيل
..اي فدوة لعمرك انت حجايتك وحده
.....اي اكيد ماارجع بحجايتي
وابتسمتلها وهي جانت تباوع على وجهي وصافنه وتضحك وتحس بفرح المشكله انو هي هوايه تحبني
بس اني ماااحس بشعور وياها يمكن تعجبني لان
هي حلوة يعني
مشاعري اتجاهه عاديه و دورات احس بتأنيب الضمير
من اشوف نفسي ماابادلها نفس المشاعر
وبنفس القوه
ورة شويه وصلنه للقاعه مال حفله ونزلنه من السيارة
اني وسمر وعدلت سترتي وسمر خلت يدها جوة يدي
وتمشينه ودخلنه للقاعه وسلمت على بعض الاشخاص
الي اعرفهم وكعدت وكعدت يمي سمر
وصراحه جنت اشعر بالضجر لان مااعرف احد بالحفله مجرد كم شخص وكلهم عجايز واني اضوج من الضوضاء
احب الاماكن الهادئه
واني كاعد وضايج وشفت فد بنيه دتمشي
ياالله شنو هالرقي بخطواتها ونازكه
وجمالها طبيعي بس مميز كانت محجبه ولابسه فستان طويل اسود وبي ردن ولابسه حجاب لونه بنفسجي
بس جمالها راقي وهادئ ظليت اباوع عليها مشت راح
كعدت يم امراة كبيرة بالعمر كلت يجوز هاي والدتها بعدها
اجتي سمر وظلت تحجي ويايه واني مامهتم لكلامها جنت
داباوع على هاي البنيه بس جان كل شويه اكو اطفال
اثنين يجون يمها ويرحون وجانت هي تعدل ملابسهم
لو تبوسهم كلت معقوله هذوله اطفالها ورة تقريبا ربع ساعه
شفتها كامت راحت لطاوله كاعد عليه ولد شاب وكمت تمشيت من يمهم بحجته داروح للحمام وشفت يدها جانت
لابسه حلقه واتضحت الصورة انو هذا زوجها وهذوله
الاثنين اطفالها ورغم هذا ظليت اباوع عليها لحد ماخلصت
الحفله وطلعنه وطول الطريق جنت صافن بهاي البنيه الي
شفتها مااعرف ليش كل شويه اتخايل شكلها كداميً
وتفكيري مشغول بيها
عد باوعت على سمر كلت اسئلها يجوز تعرفها بس صراحه ترددت وعيت لنفسي انو عيب
هاي البنيه مزوجه وعدها اطفال شلون افكرهيج
واني رجال خاطب ميصير يكون هيج تفكيري
بس احنا بشر ضعفنه مشاعرنا و هي الي تتحكم بينا في بعض الاحيان وهاي اول مرة هيجي تجذبني بنيه
المهم انو مرت فترة ونسى الموضوع
ولكن الحياة دائما تحملنا مفاجئات

يتبع....
#الكاتبه ـ روجمان