سرقتها من عالمها

الجزء الثامن

مافقدت الامل نهائيا بالعكس استمريت الحك ديمه مثل خيالها
وين متروح اشوفني  حاوطتها كمت احسها مرة عن
مرة من تشوفني من بعيد احس ملامحها تبتسم
وبديت ادزلها رسايل ومكانت جاوبني بس استمريت وكان
الامل موجود
اني ماكنت انظر لديمه انو هي انسانه رخيصه
وسهله او انو اني اكدر اتسلى بيها لاابد بالعكس
كنت انظر الها بااحترام وتقدير
وبعد فترة من اصراري وملاحقتي لديمه
اتصلت عليه  وكالتلي
.....وتالي شلون وين مااروح اشوفك ترة زوجته اخويه
انتبهت عليك الله يخليك بطل لسويلي مصيبه
....اوكي بس بشرط خلي نكون اصدقاء وبعدين....
..اول شي افتهمت قصدك بعدين
ثاني شي ماكو شي اسمى صداقه بين المراة والرجل
بالذات احنا الشرقين لان لاتقاليدنا ولادينه يسمح
بهذا الشي لذالك شرطك مرفوض
....زين اجي اخطبج ونزوج
.....انت دتشاقه او ماخذ الموضوع بااستهزاء
تعرف هيج مواضيع مو مال تستهزء بيه
.....لاوالله مداشاقه  رايدج على سنه الله
ورسوله وشكو بيها قابل حرام هسه بس اسمع
كلمه اي من عندج باجر اجي اخطبج
....انت مستوعب انو اني مطلقه وام لااطفال اثنين
ومستحيل اتخلى عنهم ولاعندي ام واب حتى يتكفلون بتربيتهم ولاكلبي ينطيني انطيهم لاابوهمً
وحتى لوعندي  ام واب هم ماانطيهم اني مااكدر
اتخيل نفسي عايشه بدونهم والشي الثاني
انت ولد بعدك مامزوج واني عكسك تمام مراح
يعارضون اهلك مراح اصيرلك مشاكل مراح ينتقدوك
كل هذا مافكرت بي معقوله انت متهور بهذا الشكل

.....ضحكت لاوالله مومتهور ولا شايل هم احد يوافق لولا
لان هاي حياتي واني الي اقررها اني هوايه
دفعت ثمن من عمري حتى اقدم لغيري الحياة
الي يريده اجه وقتي اعيش شويه لنفسي
وماعندي مشكله يكونون جهالج عايشين ويانه مدام هذا
الشي بي راحتج
....اي عادي هاي اول يومين بعدين. تبدى المشاكل
.....يعني  قابل نكعد نتعارك علمود الجهال وشي ثاني
اني اغلب وقتي بالشغل فانتي مسؤله عنهم
وصدكيني راح اعيشهم احسن حياة

.....انت عندك نوع من الخبال ماادري انت فكرت
بهاي الخطوة من دسويه لوهاي لعبه والله ماادري
اني اخاف من اكلك تعال متجي
بس تعرف شنو راح اكتشف هذاك الوقت  انك كذاب ومن راح اصير السالفه صدك متجي
....اوكي جربيني وشوفي شنو الي راح اسوي
.....ماادري انت منين طلعتلي  اني مناقصه
دوخت راس وانت جاي تلعب بحياتي
....صدكيني مدالعب اني احبج
......ضحكتني من شوكت تحبني
.....من زمان من اول مااجتي عيني عليج
والحب بيد الله موبيدنه
.....اني اخر مرة راح اتكلم وياك كافي فدوة ترة دوختني ودخلتني بدوامه 
.....واني لااول مرة راح اسوي شي لنفسي
باي ديمه
باي جود
كنت كل مرة احجي ويا ديمه احس نفسي داخذ جرعه
من مخدر وبعد ساعه اوساعتين يخلص مفعوله
وارجع ادور جرعه بس اكبر ومفعولها يكون اقوى
هذا الحب يبدي بعض الاحيان من غلطه وينتهي اما
بغلطه اوبتصرف يتسم بالشجاعه
بس لازم اتكلم وياسمر وانهي مرحله كان لازم تنتهي
من زمان من حياتي كان لازم مااظل استمر بعاي التمثليه
الي كنو ضحياها احنا اني وسمر
خابرت سمر وكتلها اريد اطلع وياج لان اريد اتكلم وياج بموضوع
وفعلا اتفقنا وطلعنه سوة ورحنه وكفنه على المي يمكن جنت خايف من ردت فعلها ردت اودية لمكان
مابي احد بس اني وياها
وهذا الي صار اول مانزلنه من السيارة
وكعدنه على المصطبه وكنت متردد جدا وهي
كانت تنظر الي بااهتمام كانت منتظرة انو اتكلم

....سمر اني اريد احجي وياج بموضوع كلش
مهم
....اي حبيبي داسمعك
....سكتت وغمضت عيني شويه وبعدين
كتلها اني مااكدر ازوجج لان زواجنا راح يكون فاشل
ومراح ينجح
....انت شنو الي دتحجي
....سمر اني مااحبج وانتي تعرفين بهذا الشي
.....كامت وكفت وكامت تحجي بصوت عالي
شعرف اعرف انك صارلك كم شهر تلعب بيه
وتقشمرني شنو الي اعرفه
كلي فهمني اني شنو اني حبيتك والله احبك
والله اني بدونك اموت ولك اني مااكدر ،،،،ماااكدر ،،،
ماااكدر،،،،،،،، الله يخليك ماااكدر بدونك
اني حبيتك من انت جنت ولد صغير وجنت اجي
ويا بابا لبيتكم جنت اشوفك وجان كلبي يفز
ويركضلك
تخيا انت من يجي انسان يكرس حياته لشخص واحد
يعتبر انو الكرة الارضيه تتوقف على شخص واحد
واني حياتي متوقفه عليك
بكلشي رضيت
وياك بااسلوبك الجاف وبتعاملك الخشن ويايه
وبعدم اهتمامك بااهمالك الي
بس
جنت متأمله على شي واحد انو يكون اكو
شي بداخلك اتجاهي. اي شي
حتى لوشويه
....سمر اني اسفه والله
....اسكت اني عمري كله مراح اسامحك ولااريد
اشوفك بعد
الله لا.....وجان تسكت
ماااكدر ادعي عليك بس انت قتلت احله شي بيه
قتلت احساسي بالحب انت اخذت الروح
الي بيه والي صارت ملكك من يوم الي شفتك
وهسه راح تطلع من حياتي بس راح تبقيني
بلا روح
وعافتني ومشت وركضت وراها
....سمر اسمعيني اني اسف صدكيني اني اعزج
واقدرج بس
....كافي
....خلي اوصلج للبيت
....مااريد وشيل يدك من عليه
واشرت لتاكسي وصعدت بي وراح التاكسي
رحت كعدت وظليت اباوع
جان المي اظلم ويادوب اكو كم ضوة عبالك نقاط صغيرة ملونه وريحه الهوى وصوت المي لمن يجي الهوى ويحركه
واصوات بعيدة جان منظر يستحق يرسم واكون اني جزء
من الرسمه
اذا رسمني الرسام لازم يحس بيه ويحس بحاجتي لهاي العتمه
صحيح حققت شي بس اوجعت انسانه بقوة
سمر انسانه قويه بس اليوم
كانت بمنتهى الضعف ذكرتني بنفسي وعرفت
انو هي تحبني من صدك وتحبني بكل مشاعرها
وظل صدى صوتها من كانت دكلي مااكدر
....مااكدر...مااكدر بدونك
كان الصوت يون بااذاني
ويحسسني بضعف
شعوري يشبه شعور
الانسان المقيد الي يحاول يتحرر من قيودة ولكن
كلما تحرر من قيد يكون هناك قيد جديد
اني دائما اخاف من الحياة لان عمرها منصفتني
دائما الشي يجي يوصل ليمي وبعدين يروح
ودائما كنت افكر بلكل يله افكر بنفسي
كافي اني اريد الكه نفسي اريد اعيش لنفسي
شكوبيها اذا شويه صرت اناني شنو يعني
اشو الكل انانين
اني هم خلي اصير اناني وخلي شويه اعيش
لان دائما عندي احساس بااني راح انصدم
في يوم ما صدمه تخليني افقد الشعور بالحياة
يتبع ....
#الكاتبه #روجمان