سرقتها من عالمها

الجزء الحادي عشر والاخيرررر

وبعد مدة بديت احس بتعب وبديت مااكدر اكل وجنت

ادوخ
وبدة وزني يقل بديت اضعف
اليوم الصبح اول ماكعدت ودخلت اريد اسبح
كمت اتقيء دم 
ماادري شنو الي صار بيه بس من اول ماشفت الدم
عرفت انو اني بيه شي بس خفت اروح لدكتور وخفت
من انو يكلي شي يصدمني وحاولت اقنع نفسي انو لان اني ضايج ومقهور وتعبان من الشغل
يعني هذا بسبب الجهد الي دابذله وبسبب عدم الراحه
وبدة وضعي يزيد بديت احس بااختناق
اليوم بالليل حسيت واني مختنوك كمت
.....اريد هوى ياالله ساعدني
واجر النفس بكوة وبعدها  رجعلي النفس بس احسه
صاير قليل
واهلي انتبهو عليه وقررت اروح لدكتور
ورحت اني واخويه
وبعد معناناة طويله من الفحوصات والناظور
وغيرها طلعت النتائج
الدكتور كان يرفض يكول هو شاك بشنو لحد متطلع الفحوصات واليوم طلعت النتائج مال فحص ورحت اني واخويه
.....السلام وعليكم دكتور
...وعليكم السلام تفضلوو
.....اخذ نتاىج التحاليل وظل يباوع وتلبك وجه
تغير
اني بهاي الحظه كلبي حسيته وكف
....كتله ها دكتور شنو
...كال اني مراح احجي شي اريدك تسوي فلان شي
نتأكد
....اترجاك دكتور شنو الموضوع ترة مالي قابليه اروح واجي
وانت السالفه اظاهر تعرفه
سكت وكلي انت ظهر عندك ورم بالمعدة وللاسف انت متاخر كلش والمرض متقدم عندك وهو كان بالبدايه بالمعدة
ولكن عابر جدار المعدة يعني ماادري شكلك
....مكدرت احجي حسيت نفسي اخرسيت
واخويه كام بسرعه وحضني والغرفه كامت تفتر بيه وحسيت الغرفه اظلمت
وبعد ماحسيت برجلي اذا شيلني لولا حسيت شعور
الانسان الاطرش والاخرس والمشلول
سمعتهم يحجون بس ماعرفت شيكلون
وكمت بدون اي كلمه طلعت من غرفه الدكتور ورحت
وكفت باب العيادة وشفت اخويه تاخر كعدت على الرصيف
وجان العالم يمرون من يمي واني اباوع عليهم
مثل المخبل
وبعد مايقارب ال١٥دقيقه اجه اخويه وكمشني من يدي وصعدني للسيارة واباوع عليه يبجي ويمسح بقيصه دموعه
وكعدني ليكدام وجر يدي وباسة
مااكدرت اجاوبه او احجي او اكول شي بس اباوع
بعيوني  ياالله على الشعور الي حسيته فجأء
انو الانسان يعرف انو هو راح يموت بااي لحظه
وهو كان مستعد اله مثل الي ديجو ضيوف ولازم يستقبلهم
اني هم لازم انتظر الموت يجيني
المهم انو اول ماوصلت للبيت ماحجيت كلشي
دخلت لغرفتي وجنت نايم على السرير بس فاتح عيني واباوع ليفوك وتجي كدامي صور
مرت بحياتي
وجنت اسمع صوت اهلي وبجيهم وحجيهم
ونمت وحسيت امي تمسد على راسي وتبجي ماكدرت احجي بس مجرد ظليت كاعد اباوع
دموعها شلون تنزل من عينها وعلى خدها وتوكع بحضنها
وبعدين متحملت كمت ابجي واشهك
اني مااذكر بجيت من صار عمري ١٢سنه ولحد الان
مابجيت على شي بس فجأة حسيت بالكسر بالمرض بالضغف
اني ابجي وامي حاضنتني
ومناك اجه ابويه يبجي وخواتي واخويه كاعد بالكاع منظهرهم
كسر كلبي اكثر من وجعي على مرضي بس
الالم الي يشعرون بي وجعني
....كتلهم الحمدلله على كل حال هذا امر الله
الله كاتبلي هيج واني مااعترض على حكم الله
والدتي كاتلي مو بكيفك باجر نحجز ونسافر نروح لااي مكان تتعالج برة يودوك اخوك وابوك ومااكو اي نقاش
مجاوبتة لان كانت دتبجي بس اني ماعندي امل
من زمان كان يراودني هذا الاحساس
انو راح تصير صدمه توقف حياتي كلها وفعلا هذا الي
صار المهم انو سافرت وهم سويت فحوصات
ونفس الشي كلي الدكتور انو المشكله انو المرض متقدم عندك وانت مامهتم لنفسك والمشكله انواكدر اشيل المعدة
بس المرض منتشر بيك يعني احنا نكدر نبدي ناخذ الجرعات
...كتله....
...دكتور سؤال واحد اني اذا اخذت الجرعات وسويت العمليه وشلت معدتي اعيش عادي
لو هو منتشر وبعد ماكو شي يوكفه جاوبني بصراحه رجاءا
....اكو شي اسمى  امل بس المشكله
انو هو منتشر واذا اجاوبك بعيد عن المشاعر لا
مراح يفيد الااذا تصير معجزة
.....معجزة ويايه مستحيل اذن يادكتور
اني مااخذ العلاج ومااسوي العمليه وراح انتظر يومي
وشكد حاولو اهلي ماقبلت كتلهم الله يخليكم لتعذبوني
بلادويه وبلعمليات والجرعات وشعري يوكع وماكو فائدة
خلوني انتظر يومي
ورجعت لبغداد واول ماوصلت للمطار دك التلفون شفت
رقم ديمه جاوبتها بلهفه كلتلي اريد اشوفك كتلها هسه اجيج وبعد اصرار مني يله عافوني والدي اروح
يس كنت مشتاقلها وبهاي الحظه نسيت كلشي ورحتلها
اول مشافتني كلتلي
........ليش ماكلتلي ليش ماكلت انت مريض ليش حرام عليك
........باوعتلها اني هيج هيج ميت ديمه
اني من يوم الي شفتج اني  ميت 
والله ماردت شي بس ردت احضنج ونام  والله بس ردت كلمه
وحدة منج فدوة لتنسيني ظلي ذكريني
اني ماالحك اجيب طفل يشيل اسمي ويكفي يظل اسمي
بكلبج
فدوة ظلي ذكريني
وسامحيني وبريني الذمه اني ماجنت اريد اخذج
من حياتج بس اني حبيتج اكثر من كلشي بحياتي
.....:كافي حرام عليك الله يخليك ابوس يدك
لتعوفني اني اسفه والله مااعوفك  ماازعلك بعد
بس ابقى لتروح بس خليني اتنفس
اني احبك
......وشفت ديمه كعدت بالكاع وتبجي بحركه وبصوت
عالي واني ادموعي تنزل واحس كلبي ينزف دم
مااعرف اذا لازم أواسب نفسي لو أواسيها
دنكت على ديمه ومسحت دموعها
كتلها اني بيج ميت وبدونج هم ميت فدوة
لتبجين ترة اني كلبي مامتحمل
ترة كلبي خلصان واة بيه وجع وبيه صرخه من الألم
لواصرخها اصحي الميتين فدوة كافي
......اختك كلتلي متقبل تتعالج
ليش متقبل تتعالج
....لان ميفيد اني حاس انو يومي قرب ماكو داعي
اخلي شعري يوكع واضعف واصير انسان لاحول ولاقوة
خليني اموت بدون مااظل اتوجع خليني اموت بشجاعه
....شجاعه وين الشجاعه بالموضوع انت دتنتحر
.....لا ياكلبي يكفي انتي كدامي  اني جنت اريدج ليله وحدة
وكلت خلي اموت بعدين مومشكله ورب العالمين استجابلي
وراح اموت  تعرفين شكد جنت اكول ياربي اني داتوجع موتني وريحني
بس ماجنت اريد اموت بهذا المرض ياريت لو مستشهد
وجان  اكو هوايه شغلات جان بنفسي اسوية بس مااصور الحك
الوكت كام يسابقني وزمني خلص
اني احجي وديمه تبجي اخ ياوجع كلبي
....ليش دسوي هيج ابوس يدك روح تعالج اني وياك
مااعوفك والله.
والله بعد ماااعوفك الله يخليك لخاطري
لخاطر كل الناس الي بحبوك
.....كتلها لا ميفيد بعد بس ادعيلي الله يرحمني وذكريني
فدوة لدكطعين ذكري والله احبج
وكمشتها وشبكتها قوي  وشميت بيها ريحه جنه شميت بيها  السعادة الي مانلته وحياة خربتها وعفتها شفت حزني وجعي وفرحي
وهي تبجي
......كتلها احبج احبج احبج
  لتبجين اذا الله كتبلي ادخل لجنه ان شاءالله
تكونين مرتي هناك علااقل هناك مااحارب حتى اوصلج
ومحد ياذينه ومحد يوجعنه ومحد يجرحنه هناك
راح نظل  يم رب كريم
كون الله يرحمني
ونداريت ومشيت شويه وبعدها التافيت وشفت ديمه
واكف بمكانها وبعدها تبجي
وتصيح بااسمي اشرتلها وكتلها رجعي لحياتج
اني اسف
.........كالتلي اخذ ريحتك وروح  اذا راح تعوفني وتروح اخذ روحي
مااكدر بدونك اني
.....سامحيني نتلاكه عند رب كريم   عند رب العرش العظيم اجتي ركض عليه
واني كلبي يدك ودموعي غوشت عيني
......خليني ابقى يمك 
....لادبمه رجعي لحياتج
....انت حياتي انت دنيتي اني اذا انت متت اموت وراك
اني اتنفسك من حبيتك اني شفت بيك كلشي
شفتك ابني وابويه وامي واخويه وحبيبي  جاي هسه
تريد تعوفني الله يخليك بقيني يمك لتخليني اموت يوم ورة يوم بدونك وسامحني جود عذبتك
......انتي راح تموتين من انتي يمي وتشوفيني اتألم
روحي ديمه فدوة لعمرج
ومشت عالسريع واني  اتعثربخطواتي لان دموعي مغركه عيوني ومداباوع
وصعدت تكسي  ورحت للبيت
واول مادخلت باوعت على كل مكان بالبيت وشفت امي
كاعدة وجه مورم من البجي ودك على وجه باوعت
شلون ضاربه على خدودة
وشادة راسها
وتحجي وكااانما تهذي باوعت عليها  وهي تحجي وتبجي اتقربت منها وكعدت على الكاع وهي جانت كاعدة على الكرسي
اول مااجيت خليت راسي بحضنها
....كلتلي كوم سبعي كوم اسدي ابني سندي
ولك انت متموت لعد منو يدفني ولك منو يشيل تابوتي
منو يحفر كبري منو يوديني للمغيسل كوم انت متموت
كوم فدوة لطولك كوم ولك ابني ولك ابن كلبي انت متموت
ليش تريد تموت وتعوفني هم كلبك ينطيك تعوف امك يولي