سرقتها من عالمها

الجزء الخامس

اتقربت منها كتلها دكدرين تحجين مجاوبتني بس
شنو  خطيه ماادري بيش ضاربها هالمسكينه
شمسوي بشكلها الله لايوفقه
وطلعت من الغرفه كلت زحمه احد يشوفني ميكلولي
انت منو طلعت وكفت على صفحه وجان اشوف
فد ولد شاب وبنيه وياهم طفل اجوي ومخبوصين وديسئلون
على وحدة زوجها ضاربها ودلوهم وجوي دخلو للغرفه
مستعجلين وفات الولد وبعدين طلع من الغرفه
وجان عصبي وجهه صاير احمر اني شكيت انو واحد من اخوتها  وفعلا بعد شويه اجوي اهل زوجها
وصارت مشكله وهوسه بنص المستشفى والاخ يكول
والله الااخلي بالسجن يعفن وهاي طلعت كل مرة
يضربها وهي تسكت ويصيح الاخ يكول حتى الجهال
منريدهم اخذوهم وصارت هوسه وبعدين فضت كل
هذا واني واكف اباوع والضابط صديقي جان ماموجود المهم
انو اني ظليت للصبح بالمستشفى وتعبت
بس كلبي منطاني اروح وجنت بس اريد اصير
فرصه حتى ادخل
بس اشوفها واروح قبل مااحد يشوفني
وفعلا شفت ماكو احد وهي بلااصل كانت وياها
بس مرة جبيرة وشفتها طلعت من الغرفه
واني بسرعه دخلت
شفتها كاعدة وشعرها طويل مفتوح اول  مشافتني وجان اجر الربطه وخلتها على شعرها...كتلها...
.....صباح الخير
.....صباح الخيرات
......شلونج اليوم ديمه
.....زينه الحمدلله بس العفو انت دكتور
.....ضحكت كتلها يعني هيج شي
.....يعني شلون
......المهم انتي اليوم احسن مو
.....اي اكيد احسن
.....اني من جنت احجي واسمع صوتها كمت احس نفسي مثل سعف النخل ارجف وكلبي ينفض
متخيلت انو اني واكف داحجي ويا هاي البنيه
الي همت بيها وتخايلتها هوايه
مصدكت واكف كدامها وداحجي وياها ولو جان
الظرف  مومناسب بس سبحان الله
كلشي الاسبب يمكن الله راد اكون اني سبب
بحيات هاي البنيه
شفتها تباوع عليه بااستغراب وكانت تريد دكول شي
بس مترددة .....كتلها.....
.....تريدين شي
....لااشكرك بس الصراحه اني مااعرفك واول مرة
اشوفك فمستغربه انك بالمستشفى ومهتم
بالسؤال عني
.....ابتسمت كتلها اي حقج بس ترة اني اعرفج
واني من البارحه بالمستشفى وهسه حبيت اطمئن
عليج يله اروح
....مين تعرفني حضرتك
وليش انت باقي بالمستشفى من البارحه لليوم
.....بعدين تعرفين اني منو بس اريد اكلج شي
واروح 
قبل مااكمل كلامي جان دكلي
....اخي اني اصورتك بالبدايه ضابط بالشرطه
اوطبيبيب بس بس اظاهر ياااخي  انت متعرف اني امراة مزوجه وعندي اطفال رجاءا اطلع من الغرفه قبل مااحد يشوفك لان محلوة بحقي
....مزوجه ليش هم حاسبه هذا رجال شلون تخلي هيج يسوي بيج وليش متحملته لهذا الانسان
وليش ساكته
عالعموم اني حبيت اشوفج قبل مااروح ماعندج غير العافيه
...الله يعافيك واشكر اهتمامك اخي
مع السلامه
مع السلامه
وطلعت من الغرفه وجنت عصبي وصراحه شعرت بغيرة
من كالتلي اني امراة مزوجه عبالك مكيفه عدها هيج
رجال حقير
وصراحه عجبتني اخلاقها جدا بس ضوجتني من كالتلي
اخي
بس هي حقها متعرفني المهم طلعت من المستشفى ورحت للبيت جنت ميت من التعب بس يادوب سبحت ونمت
وحتى من التعب مافكرت بشي وحسيت المغرب وجنت
نايم مدة طويله شفت الساعه وشفت التلفون جان
هوايه بيه مكالمات لم يرد عليها من سمر
اصلاسمر ولااجايه على بالي هم التهيت
بديمه ونسيتها وذكرت ديمه وكمزت من فراشي
وكلت هسه اني شمدريني وين راحت لبيت اهلها لو
بيت زوجها شلون راح عن بالي
لازم جنت اعرف وين هي
كمت لبست ملابسي وطلعت بسرعه  ورحت لبيتهم جان اظلم
ومبين مابي احد
وبعدين مريت  من يم بيت اهلها ماشفت احد وذكرت
زوجها كلت خلي اشوفه بعدة متوقف لوطلع
خابرت على صديقي كتله
اكلك الولد الي ضرب زوجته بعدة لوطلعو
.....والله ماادري بس اكلك استاذ جود
شنو مشكلتك ويا هذوله العائله كلي واني احلها الك
....صفنت واجتي براسي فكرة بس شريرة شويه
بعدين كتله لا مااعندي شي وياهم بس اريد اسئل
طلع لوبعدة شوف وردلي خبر....كلي...
..اي بعيني تدلل
وبعد شويه جتني رساله كلي اي طالع قبل شويه
تخبلت خفت خاف ياذيها
كلت احسن شي ابدي افكر بشي يخليني اتقرب من
ديمه لان هذا موخوش انسان  وميحبها اظاهر وميستحقها
يتبع
#الكاتبه #روجمان