سرقتها من عالمها

الجزء الثالث

اول مادخلت شفتها واكفه وشايله طفل وكانت مدنكه
راسها  ظليت صافن عليها
وفزيت على صوت الضابط الي كان ديتكلم
ويازوجها طبعا كان البيت جدا تعبان وصغير
والحياطين جانت وسخه والضوه جان خافت حسيته
سجن اكثر من ماهو بيت وزوجها جان انسان
لايطاق كان صوته ينرفز وحركاته وطريقته كلامه ادل
على انو انسان مومثقف كلت الله يساعدها شلون متحملته
وبديت افتر بالبيت وجذب نظري صوره مال عرسها كانت على الحايط تقربت من الصورة وباوعت عليها وسرحت بخيالي
وعيت على نفسي ورجعت للمكان الي متواجدين  بي وهو كان المطبخ او يقال عنه المطبخ
فحبيت اني استفسر بنفسي
.....كلت لزوجها اريد هوياتكم كلكم
....كلي لحظه وراح وحان يرجع وبيدة الهويات اخذتهن
اول هوايه كانت مالته
مكتوب اسمه ماجد وعمرة ٢٨سنه
والهويه الثانيه كانت مالتها وقريت اسمها وفرحت لان
عرفت اسمها واخيرا وكان اسمها
(ديمه) ياالله شلون اسم حلو مثلها وعمرها ٢٥سنه
وباوعت هويات الاطفال البنيه كان اسمها رزان والولد اسمى عبدالله
رفعت عيني باوعت عليها وبعدين كلت للضابط بصوت ناصي خلي نطلع  وطلعنه
بس حسيت كلبي بقه يم هاي البنيه الي كلبت
حياتي رأساعلى عقب
وكلت لنفسي يكدر الانسان انو بلحظه وحدة يشعر بحب لشخص ما
لحظه وحدة يحس بمجموعه من الاحاسيس المختلفه
معقوله يكدر الانسان يحب شخص موملائم
ويجي  الحب لابوقته ولابمكانه  معقوله مشاعرنا هلكد
ضعيفه ومجرد نشوف انسان بعيد كل البعد عنه نحبه
شنوً هالمشاعر الي راح تاذينه وتجرحنه ومنكدر نسيطر
عليها
ولمن طلعت وشكرت الضابط على وكفته ويايه وصعدت سيارتي وظليت كاعد حتى ماكدرت اشغل السيارة
بقيت افكر باانو الي سويته يوم صح
وشنو الغايه منه شنو الهدف شراح استفاد
من كل هذا هي انسانه مزوجه وعدها اطفال
وحياة راح اجي اخرب حياتها علمود غريزة بداخلي
او لان اني شفتها حلوة اجي اهدم حياة كامله
اني ماالمفروض اصرف هيج لان هاي مواخلاقي
ولهنا كافي بعد شبعت فضولي وشفتها وعرفت
عمرها واسمها بعد خلي اعوف هاي السالفه

وسقت سيارتي وبالطريق خابرت على سمر
كتلها اني راح اجي يمج شويه لان ضايج
مصدكت نفسها كالت منتضرتك
صراحه جنت كلش ضايج من تصرفي ومن هذا
الموضوع الي صارله كم يوم شاغل تفكيري

وصلت لبيت سمر ودكيت الجرس وبسرعه طلعتلي
سمر جانت لابسه بنطرون وبدي بلا ردان بيت سمر
كانو من العوائل المتحررة واني ماكنت اعلق ابدا على ملابس سمر برغم انو اني اضوج من هيج نوع من
الملابس وهاي اول مرة انتبه انو ملابس سمر
متعجبني ولازم احذرها انو بعد متلبس هيج
واني مااسمحلها تطلع بهيج ملابس

المهم انو دخلت جوة وكعدت وبسرعه اجتي سمر
كعدت يمي ولزكت بيه      كالتلي
.....ماصدكت من خابرت انت بلاا ماااخابرك اني واطلب
منك تجي  متجي ابدا
جود اني داشتاقلك كلش وانت دائما مشغول
ومااشوفك كلش قليل حباب خصصلي وقت الي

كنت صافن واسمعها تحجي بس بالي مويمها.....كتلها...
......ان شاءالله احاول بس تعرفين اني عندي
شغل ومن البدايه كتلج اني شغلي مهم
وانتي كتيلي اني راح اقدر ظروف شغلك
.....بس مودائما مشغول لان اغلب الاوقات من اخابرك تكون طالع ويا اصدقائك اني هم من حقي
اطلع وياك
......ان شاءالله
....جود حبيبي اريد احجي وياك بموضوع
.....كولي شنو
......شوكت نزوج موطولنه صارلنه ٧سبع اشهر مخطوبين
وحتى ماعقدنا بالمحكمه بس عقدنا شيخ شوكت بعد
نزوج ونكون بيت وحدنا اني وياك
......الله كريم سمر عود نفكر بهذا الموضوع ونحجي
.....ليش احسك متريد نزوج شنو انت متحبني
......تعرفين  شي سمر اني صوجي اجيت
......جود شنو مشكلتك ليش هيج ويايه انت
ليش دائما احسك واكفلي على كلمه ومتتحمل مني شي
......اذا اني معاجبج عوفيني وخلص لتخلصين
كلبي ولتخلصين كلبج
.....هيجي اني يمك رخيصه بسرعه تتخلى عني
اني احس بيك جود بس اغالط نفسي
ياريت لوتكون ويايه صريح لان صار سبع اشهر
يوميه اكول باجر يتقرب مني اكثر ليش دتستغل
حبي الك
....انتي شدتحجين بشنو استغليت حبج انتي تعرفين
اني انسان عملي
....اي انسان عملي بس موماعندك احساس
انت تكوينه غريبه مرة اشوفك حنين واشوف بعيونك
نظرات الاعجاب واغلب المرات احسك انسان
ممهتم واني مفارقه وياك كلي شنو فلمك الله يخليك
خليني اندل دربي
.....ضوجتيني واني صوجي اني ضايج ومختنك
وروحي طالعه كلت اجي يمج بلكي يتحسن
مزاجي هدورة ضوجتيني بالزايد

وكمت وكفت داطلع وكمشت يدي سمر
وكالتلي
....جود حبيبي اني اسفه بس والله اني احبك
اني مااكدر اتخيل نفسي انو اعيش لواحب انسان غيرك
اني حياتي متوقفه عليك
....تصبحين على خير سمر ولتخابريني
لان راح اروح انام تعبان وضايج وحتى لصير
مشكله ااكبر
وطلعت من بيت سمر وجنت ضايج بشكل موطبيعي
اني بلاشي جنت مخنوك وصدري مليان والخنكه
كامشتني
وكلام سمر جان كله صحيح لهذا السبب كلش
ضجت وجتي كدامي صورت ديمه

وذكرت الحفله وكل الي صار وكلت لوادري
هيجي راح يصير بيه جانت مارحت لهاي الحفله
وجان ماسمعت كلام سمر جان المفروض  مثل كل مرة من اكللها
لا  مااروح بس شسوي الي صار صار بعد
وشغلت سيارتي وشغلت المسجل وجان تطلع هاي الاغنيه الي كلش ا احبها ماادري ليش حسيت انو اريد اسمعها
جانت دكول الاغنيه

(انا من كثر مااحبك رضيت بقسوة الاحوال رضيت
أني وانا جنبك وغيري هم يشاركني
ترى بعض الحكي والله حبيبي مقدر اقوله لأنك أغلى من روحي ورحي ماتبي غيرك
من كثر مااحبك رضيت بقسوة الاحوال رضيت وأنا جنبك
وغيري هم يشاركني
انا من يوم حبيتك وخليتك وسط هالبال قسم بالله
ماهمني غيرك
حبيبي اسمك الغالي ترة والله ماينشال حفرته
داخل عروقي وخليته وسط كلبي
حبيبي اسمك الغالي ترة ابد والله ماينشال اسمك
من بالي ومن كثر ماحبيتك رضيت وانا جنبك وغيري
هم يشاركني)

يتبع .....
#الكاتبه #روجمان