سرقتها من عالمها

الجزء التاسع

اني انصدمت من نفسي بسبب سمر والألم الي اسببت
بي اله ولكن كنت أواسي نفسي باانو هذا الشي افضل
حتى كلشي يكعد بمكانه الصحيح  حتى ليكون هناك
الم مستمر
اني اتكلمت ويااهلي وكتلهم عن هوايه امورمخبيه عنهم
وكتلهم ايضا انو اني راح ارتبط باانسانه منفصله
عن زوجها وعدها اطفال كان هذا الشي صادم بالنسبه الهم
وحاولو يخلوني اتراجع عن قراراي
وكان كلامهم انو
.....ابني انت ليش تزوج وحدة مطلقه انت تكدر
تزوج الي تعجبك اني مااقبل
....ليش شنو شبيه المطلقه
....مابيها شي بس ياابني هاي عدها اطفال اثنين
تكدر تتقبلهم وتحبهم
...اي اكيد مدام احب امهم ومتفاهمين فراح احبهم
....اني ماراضيه وابوك هم
....هاي حياتي كافي تخلوني ضحيه الكم اني تعبت
اني شتغلت اني نذليت اني كلشي تحملت لخاطركم
كلشي سويت الكم وماكنت افكر بنفسي
دشوفون صعبه اذا ازوج انسانه اني اريدها
المفروض تكيفون لان اني دسوي الشي الي يرضيني
كافي عد رحموني اني تعبت من كلشي
اني راح ازوجها رضيتو او لا
بعد ماخلصت كلامي طلعت من البيت ومارجعت
وجان عندي شغل  وكان لازم اسافر وسافرت
ولمن وجعت والدتي كالت اني اروح اخطبة الك
وفعلا صار الي اريدة
بعد ماوالدتي راحت هي واختي وخطبو ديمه وكالولهماهل ديمه
فد كم يوم ونردلكم خبر
وجنت ظال على اعصابي وماكنت اريد اتصل على ديمه حتى لااضغط عليها واجه الرد باانو هما موافقين
ماصدكت روحي جنت فرحان بشكل موطبيعي
وحسيت ملكت جزء من الدنيا
بس فجأء اجاني شعور غريب وحسيت كلبي نخمط
حسيت انو فرحتي متكمل ابد
ولكن تعوذت من الشيطان وخابرت ديمه وتكلمنه
وبدينه نرتب لحياتنه اشترينه ذهب وطلعت اشتريت وياها ملابس والتهيت عن الدنيا كلها علمود ديمه
وحتى اطفالها حبيتهم من حبي الها بس بهاي الفترة
كمت احس بتعب وجان دورات يصير عندي وجع بمعدتي
ودورات احس مالي قابليه يس ماكنت مهتم لان
جنت فرحان بطلعتي ودخلتي ويا ديمه
وجنه اثنينه مثل المراهقين 
بس فرحتنه ماكملت
لمن عرفت سمر بخطوبتي
راحت لبيت ديمه وكلتله انو جود عافني لمن تعرف عليج
يعني انتي اجيتي خربتي حياتي
والشي الثاني انو زوج ديمه السابق يريد الاطفال
وطلب منها انو تفسخ خطوبتها وترجعله
هاي الامرين الي كسر فرحتنه ولكن كلام سمر
كان جدا مااثر على ديمه ولمن تلاكينه كلتلي
...اني متوقعتك هيج يعني عفتها علمودي يعني
اكيد راح تعوفني علمود اي وحدة تعجبك
اني انخدعت بيك انت سرقتني من حياتي

....هسه صرت سرقتج اني حبيتج واني ماسويت
شي اني جنت خاطب وماجنت احبها ولهذا السبب
عفتها
لو لان زوجج يريد يرجعج حنيتي
...زين جود مدام هيجي صار الكلام خلص
احنا مانتوالم
ومن بعد هذا الكلام ظليت مايقارب الشهر لاحاجي
ويا ديمه ولاشايفه يس احس نفسي تعبان وتعبي جسدي ونفسي
وبخلال هاي الايام حسيت ديمه مرض وانتشر بيه
وحياتي بدونها بلاطعم
وبعد ماكابرت كابرت متحملت ورحت عليها ودكيت بابهم وطلعلي اخوها ... وكلي تفضل وتكلمنه شويه وبعدين
صاح ديمه.  ،،،،،وتكلمت وكتلها..

قبل كلشي اسمعيني زين ديمه
...انتي الي مالتي اني جان المفروض ميجي
واحد غيري يلمسج
اني بدونج اموت باليوم الف موته ليش دتعذبيني
ليش. تستغلين حبي
كافي توجعين كلبي بنظراتج وبتصرفاتج كافي تعانديني
اني كلشي مستعد اقدملج

...انت تعرف زوجي السابق اجه وراد نرجع
واني حايرة هسه ومداعرف شااقرر لان داحس
هذوله اطفالي راح يبقون بين نارين وانت هوايه اثرت على قراري من يوم الي شفتك بالمستشفى

.........ها حنيتي اله اشتاقيتله ولج شلون جنتي تنامين بحضنه
شلون جنتي  دكولين ماااحبه وهسه تريدين تركضين
اله معقوله اني هالكد غبي شنو يعني

جنتي تلعبين عليه تلعبين بمشاعري شنو الي جنتي اسوي
ويني اني من حياتج جاوبيني لظلين ساكته
وعيونج بيها لمعت حنيه بس مواليه فهميني
اني شنو بالنسبه الج واني مستعدهالمرة
اطلع من حياتج بس  دكوليلي اني شنو بالنسبه الج

....انت الدنيا الحلوة الي شفتها الاحساس
الي ماعشته الضوة الي نور دربي لمعت عيوني الك
بس اني حايرة اني مااريد اخرب
حياة اطفالي  اني احبك والله بس

...سكتي جذابه انتي تلعبين بالكلوب الدليل زوجج
الي يتوسل بيج  انتي وحدة ماعندج احساس متشعرين
اني اسف لنفسي موالج لان حبيتج وجنت صادق وياج واجيت خطبتج
شفت دموعها تنزل وتباوع عليه بحزن
.... مااصدكج هاي دموعج جذب مثلج  مااريدج
راح اطلعج من كلبي والله لااادوس على كلبي
اذا دك الج
ومشيت بسرعه وسمعتها تصيح بااسمي وصوتها يوجعني
بس مالاتافيت مشيت وطلعت من الببت وصلت لحد سيارتي وظليت واكف
جان عندي الم بداخلي لايحتمل اريدها اني بدونها احس بالعجز معقوله اني هالكد صرت ضعيف وياها
معقوله هي سحرتني
شنو يعني لعنه وحلت عليه شنو اني لعبه بيدها يوم تريدني ويوم تريد ترجع لهذاك الحقير شنو الي دسوي
وليش هيج اسوي وين تريد توصل هاي الانسانه
بهاي تصرفاتها
وظليت فترة عايش بألم لايحتمل
شعور انو انت انسان ضعيف وعاجز بسبب شخص ما
شعور حقير اكثر من ماهو مؤلم
بس الحياة ظالمه بشكل موطبيعي
كلما تنطينه شي حلو تاخذ منه شي يكون احله يحول
حياتنه من صورة جميله متفنن بيه رسام الى
صورة بمنتهى البشاعه
ولكن نرجع
ونكول رب العالمين يقسم للبشر ارزاقهم واعمارهم
وقسمتهم وكلشي يجي يوم وينتهي
يتبع.....
#الكاتبه #روجمان