سرقتها من عالمها

الجزء السادس

اني هسه قلق على ديمه خاف هذا الحقير يرجع
يضربها مرة ثانيه خاف هالمرة يصير بيها شي
بس اني شنو الي اكدر اسوي هي زوجته
لو موزوجته ولومواخاف عليها من كلام الناس
جانت عرفت شلون اصرف وياه بس هسه
بصفتي منو
ياالله شنو الي ديصير ويايه اني ليش
هيجي داعذب نفسي بيدي شنو الي شفته منها
حتى هالكد اهتملها وليش هي هيج بالي ومدتفارك
خيالي واحس انو اني عندي استعداد لخاطرها كلشي
اسوي
اني دافكر وخابرني صديقي وكلي وينك تعال احنا بالمطعم تعال كتله اوكي اجاي
اول ماوصلت اجه الاكل وماكدرت اكل جنت دافكر
وكلي صديقي
....هاجود شبيك شوصارلك فترة موعلى بعضك شبيك
....لامابيه شي بس دافكر
....بيها
.....ظليت ساكت
......جان يتقرب عليه حتى لحد يسمع كلامنه
جود انت تعرف الي دسوي غلط وانت راح تتاذى
....بس اني موبيدي ماافكر بيها موبيدي اخليهامتجي على بالي
تعرف بيوم الي شفتها بالمستشفى وجانت نايمه وملامحها ادل على الوجع شحسيت
حسيت بالم يفوق كلشي يمكن لو مصوب بطلقه جان
متوجعت مثل شوفتي الها والمشكله العجز
الي احس بي
.....لك بابا غير تفهمني اشفت بيها موعندك خطيبه
تحبك وتموت عليك وحبابه وحلوة وبت عائله شتريد
بعداكثر رايح تركض ورة وحدة مزوجه وعدها جهال ومبينين
عائله كله مشاكل شلك بهذا وجع الراس
جود حبيبي اني صديقك ودانصحك لان اخاف عليك
واحبك ومااريدك تتألم 
انت بهذا الي دسوي تتخرب هوايه شغلات
....ماااكدر اني بديت اروح يم بيتهم بس امشي من يم بابهم حتى احس بالقرب وحتى  احس انواني عايش وياها واني اتنفس انفاسها واستنشق الهوى الي تستنشقه
....مااادري شااكلك انت مرن عليك هوايه نسوان
وجميلات ليش عود الاهاي
.....اني هم مااعرف عود ليش الاهاي
من اول ماشفتها بالحفله وهي دخلت براسي
وبعد مداكدر اطلعه مااادري شسوي
..... زين  اكلك جود زوجها شصار منه
.....طلعووو من التوقيف
....صدك والله لعد هسه يروح يصالحها ويرجعها
لان اظاهر مامشتكين عليه يعني معناته ميريدون
تصير مشكله 
....ماادري شنو الي بينهم بس اني خايف عليها
لايروح يسويلها فدشي
.....لابعد يخاف او خلي نكول حاليا العيون كله عليه ميكدر يسوي شي
...اي يجوز يله اني اروح
....جود دكعد وين رايح
.....والله كلش مزعوج وتعبان وضايج واريد
اروح ارتاح وانام عود نتلاكه
.....اوكي روح وشيصير وياك خابرني
اوكي
.....مع السلامه
طلعت رحت للبيت ونمت
واول مانمت 
(شفت ديمه شعرها مفتوح ولابسه فستان يخبل
واني مندار وهي  جتني حضنتني من ورة
نداريت وباوعتلها وبتسمت ...كتلها...
......هاحبيبتي اجيتي شو تاااخرتي
......اي جود حياتي اجيت مشتاقتلك
واني جنت فرحان وعيوني تضحك
.....كتلها يله تعاي نروح
.....وين نروح
......نروح لمكان وحدنا بس اني وياج
......ضحكت بخجل كالتلي اي اني هم اريد
احس انو اني وياك بالدنيا وحدنا ماكو احد غيرنه
اريد بس احس باانفاسك وبدفوً حضنك واحس بلمساتك
...احبج وحق الي خلق الخلق وعيوني مشوف غيرج
واريد هالليله متمر الاانتي ونايمه على صدري
.... بس جود
.....بس شنو اني اتخايل هاي الحظه من اول ماشفتج وهسه انتي
هيانج يمي وتقربت منها وكمشتها)
وحسيت احد يكمشني قوي ويصيحني
فتحت عيني شفته امي  كتلها استغفرالله ليش
ددكعديني
.......كوم ابوك تخربط
صدك تحجين وكمت ركض ورحت لغرفته ابويه جان مغمى عليه لبست بسرعه وصحت على اخويه وشلنه والدي
ودناة للمستشفى و للصبح  ظلينه وبعدها اجه  الدكتور
وبعدالفحص والتحاليل
كال عنده انسداد بالشريان وهذه احتمال يؤدي الى الوفاه لازم يسوي قسطرة
اني خفت اسويله العمليه بالعراق كمت حجزت
وسفرته لبنان علمود اسويله عمليته
وفعلا سافرنا وظلينه فترة وبعدين سوة العمليه
وسويتله فحوصات بشكل كامل واتاكدت هو بخير
وبعد مابي شي يله رجعنه تقريبا بقيت شهر
وهذا الشهر بكد قلقي على والدي بكد مجان
بالي يم ديمه ومااعرف شنو الي صار
واول مارجعت لبغداد كمت افتر منا ومنا وماشفتها
وكلت احسن شي اخابر فاروق  اعرف منه شنو الموضوع
وشنو الي صار لان اكيد هو يعرف مدامه جان من
البدايه بالمشكله وياهم
شلت التلفون  وخابرت فاروق والي عرفته منا هي زعلانه
صارلها شهر ورجلها مسافر هو واهله
سديت التلفون وجان لازم احجي وياها
وبديت اراقب بيت اهلها ومرة شفتها طلعت تتمشه هي وبتها لصغيرة وظليت الحكها وجان اشوف واحد يذبلها حجي وهي مثل الخافت
كمت نزلت بسرعه ورحت على هذا الولد وردت اتعارك وياهً بس هو عافني وراح خاف
وهي كالتلي اشكرك اخي بعدين كلتلي هذا انت
شنو متقصدني انت
.....اي متقصدج شلونج ديمه
......كامت تمشي بسرعه ودكلي روح منا لسويلي مشكله
.....اني اريد احجي وياج
بس دقيقه
....لا ماااحجي وياك روح منا. الله يخليك راح اسويلي مصيبه ياالله روح
....ماااروح اذا متقبلين تحجين ويايه
....بابا عيب اني امراة مزوجه شنو دسوي هيج
،... اعرف كلشي عنج ديمه واعرف انتي هسه زعلانه من زوجج
.....واذا زعلانه وياة اكعداحجي وياك
....اني مداطلب انو سوين شي غلط لو حرام هي كلمتين
وبس
.....وكفت على صفحه كالتلي احجي شتريد
.....اني احبج
.....فتحت عينها كالت انت شدتحجي موعيب عليك
.....لاموعيب اني احبج واعرف زوجج موخوش انسان ومااذيج
....اوكف انت هم نفسك الي اجتني تفتيش مو للبيت وجيت للمستشفى هم
....اي اني
.....ليش دسوي كل هذا ومين تعرفني وين شفتني
.....اني شفتج بالحفله الي رحتيلها مال صديق زوجج
......قصدك فاروق
...اي هو
.....ومن يوم الي شفتج واني كلبي صار الج وحاولت بكل
طريقه انو اوصلج واحجي وياج بس ماجنت اكدر
اشوفج وخطرت ابالي اجيكم تفتيش
وبعدها صارت مال مستشفى واجيت للمستشفى
وهسه عرفت بيج بيت اخوج واجيت حتى احجي وياج
.....وشنو المطلوب
..... انتي راح تطلكين من زوجج لو لا
......وانت شعليك
.....هذا واحد ميستحقج اني تخبلت من شفته ضاربج
وهيج مسوي بوجهج
.....نزلت راسها وكاانما خجلت من كلامي
....اني سمعت كلامك بس راح ارد واكولها الك للمرة الالف اني مزوجه وعندي اطفال وتصرفك هذا عيب
.....وراح اكولها للمرة الالف اني احبج
....وشراح يصير اذا تحبني شنو يعني
.....يعني اذا انفصلتي عن زوجج اني ازوجج
واني عندي كلشي واكدر اوفرلج الي تريدي

ومااخليج لاتنذلين ولا اخليج تحتاجين لااحد
....روح منا ومااريد اشوفك بعد
....اسف
....على شنو
......اني مااكدر اروح ولااكدر اوعدج انو بعد مااشوفج او الحكج مااكدر
.....ليش
.....لان انتي صرتي كل حياتي صار كلشي بحياتي
يفتر يفتر ويرجع يتوقف عليج
....انت موطبيعي ومشت بسرعه من كدامي
......واني جنت فرحان لان كدرت اوصللة مشاعري بكل صراحه  وحسيت اكو فد هم من كلبي ونزاح
يتبع .....
#الكاتبه #روجمان