سرقتها من عالمها

الجزء السابع

يمكن انو اعترافي كان غلط من جهه ولكن كان لازم اتكلم لان جنت احس اكو حجارة ونايمه على كلبي
شسوي حجيت بعد وشعرت براحه وهذا يكفي
المهم انو ظلت فترة السالفه سكته حتى اني ابتعدت وبديت
ماااروح ولو جنت مسيطر على نفسي بصعوبه بس
ماادري جنت احس انو لازم كل فترة ابتعد حتى افكر بهداوه
لان كلما داحس نفسي داقترب خطوة اكوشي ديجذبني ويرجعني لنقطه البدايه
بس بعدمرور فترة عرفت انو ديمه راجعه لزوجها وهم طالعه زعلانه والمسأله واصله للانفصال هالمرة
طبعا هذا الكلام من ابن خالته سمر فاروق اني بديت اتقرب منه واطلع ويا مرات حتى بس اعرف اخبارهمً
لان فاروق علاقته كلش قويه بزوج ديمه
فااني كانت غايتي اعرف اخبار ديمه من فاروق
واخر الي  عرفته هذا  موضوع الانفصال
وصدك صار ونفصلت عنه وعلى اساس بسبب انو هو
يضربها هوايه وهي كامت متتحمل وكالت بعدمااريدة
وهي حاليا يم اخوها هي واطفالها هذا اخرشي عرفته
وهسه هاي فرصتي انو اتقرب منها
يمكن اني مداصرف بطريقه جديدة بس من يكون
كلبنه ينبض لشخص وهذا الشخص مهما كانت ظروفه انت ميهمك لان تحس الحياة راح تتوقف  عليه اني كنت اعيش هذا الشعور ماكان يهمني شي غير انو اوصل لديمه بااي طريقه كانت المهم انو تكون الي ماااعرف اذا كانت انانيه مني
بس هذا  الي طلع بيدي وفعلا بديت افكر بطرق حتى اوصللها وتقريبا مابعد اربع اشهر على انفصالها عن زوجها
شفتها طالعه تتمشه ولحكتها وهي شافتني
وظلت تباوع عليه من بعيد ولمن وصلت قريب من يم بيتهم كتلها ممكن احجي وياج لان هي كانت تمشي واني امشي وراها كالت لاموممكن وروح عد لسويلي مشكله
.....اترجاج خلي اتصل بيج واحجي وياج
بس مرة وحدة اوعدج بس افهمج اني شنو غايتي
راح اخلي الكارت الي بي رقمي  يم باب البيت اخذي
واني انتضرج واذا مخابرتي اني راح يوميه اجي
هنا بابتكم من الصبح لليل
وانتي بعد بكيفج
ومشيت اسرع منها وشمرت الكارت باب البيت وتمشيت  رحت على سيارتي وشفتها دخلت واني هم ركبت السيارة
ورحت للشركه جان عندي شغل بس بالي يمها وكل
شويه اباوع على التلفون
وبالليل ساعه بالعشرة دك التلفون رقم غريب
التلفون يدك وكلبي يدك وياة عبالك اول مرة احجي ويابنيه
مثل المراهق حسيت روحي غابت
وكلت
.....الوووو ديمه
......مرحبا
....مراحب شلونج ديمه الحمدلله خابرتي خفت لامتخابرين
.....اني خابرت لسبب واحد انو اريد اعرف انت
ليش سوي هيج ويايه وشنو الي تريدة مني
وعلمود بعد لتجي يم بيت اخويه لان راح اصيرلي مشكله
وشي ثاني عيب العالم يكومون يحجون عليه وعلى
اخلاقي واني هذا الشي ماااقبله
....ماعاش الي يحجي عليج واني موجود تخسى والله
.....شتريد
....اول شي اسمي جود واني اعرف عمرج واعرف اسمج وحتى اسامي
اطفالج وزوجج وشغله واعرف انتي نفصلتي 
عن زوجج صار اربع اشهر
....والمطلوب شنو
.....اني راح اتكلم واتمنى تسمعيني للاخير
....تفضل
....اول شي اني مرة شفتج جنتي بالحفله مال فاروق صديق زوجج واول ماااجتي  عيني عليج  تخبلت حسيتج
ملاك شفت جمالج المختلف ماادري شنو الي جذبني الج
اوالي شدني وخلاني اوصل لهاي المرحله بس
الي عرفته انو انتي حركتي شي بكلبي
بعدهاي الحفله مرت فترة وشفتج بالمحكمه انتي وزوجج
السابق وصار عندي فضول انو ألحكم وفعلا لحكتكم وندليت البيت
وبعدها كنت امرمن يم باب بيتج على امل اشوفج بس
مجنتي اطلعين ابد لحد مااجتي
الفكرة بالي و الي هي خابرت صديقي ضابط ودخلت لبيتكم
ورديت بعدت وكمت ماااريد اسوي مشكله بس موبيدي
ورديت ورجعت عليج وظليت بيوم ااريد ويوم  ماااريد
لحديوم المستشفى ومن شفتج بهذاك المنظر الي من اذكرى
اختنك وكلبي يوجعني
وتذكرين حجيت وياج بوقته وبعدين
عرفت بيج زعلانه وبيت اخوج وهم جنت انتظرج بس اطلعين
حتى اشوفج واحجي وياج وهسه وصلت لحد هاي المرحله انو داحجي وياج بالتلفون
.....اي وشنو يعني معناتها انواني سويت شي غلط
...لاابد موهذا الي اقصده
الي اقصده انو اني حياتي اصبحت الج وبيج
اني اعرف الي سويته غلط وماالمفروض اسوي بس
موبيدي كلما اريد ابتعد ارجع لنقطه البدايه
اصعب شعور لمن تحبين انسان وتحسين الي بينكم
من بعد مثل السما والكاع وانسان تعرفين بي
يجي ليل وينام  يم شخص اخر وانسان حتى ميعرف
بالمشاعر الي تعانين منها اني كنت احس بكل هذا الشعور جنت احس داريد اموت بس روحي مترضى تطلع
جنت احس الوجع بس مابيدي اشتكي لان وجعي يخصني وحدي ولان بس اني احسه
وعذاب الضمير والانسانه الي ظلمتها من يوم الي شفتج
ويمكن عذابي اتجاهج  مااعرف مجموعه من المشاعر
الي كل شعور ياخذ جزء من فكري وكلبي وروحي