سرقتها من عالمها

الجزء الثاني

دائما الحياة تفاجئنه بااشياء جديدة مثل
المفاجئه اليوم الي صارت عجيبه هاي الدنيا
من تريد تعيشنه مغامرة وتجبرنا نخوض تجارب
منريد نعيشه

.......الووووو استاذ احمد وينك اني
وصلت للمحكمه شو ماكو انت ها انتظرك اي اوكي
بس لطول ترة عندي شغل يله مع السلامه

كعدت على مقعد وشفت هذا الولد الي شفته بالحفله
جان ديحجي ويا واحد وبصفه بنيه بس جانت مندارة
ومجان اكو اطفال طبعا اول ماشفت
هذا الولد ماعرف شصار بيه وردت هاي
البنيه الي بصفه تندار حتى اشوفها
وجان تندار وشفتها هاي نفسها الي بالحفله
مااعرف شصار بيه ظليت الوب ماادري
التفكير عماني وشفت زوجها ديحجي وياواحد
يمكن محامي وبعدها كانو ديريدون يروحون اظاهر كملو شغلهم كلت بيني وبين نفسي ليش مااندل
بيتها شكو بيها قابل اني شراح اسويلة
بس مجرد اشوف وين ساكنه مابيها شي
قنعت نفسي بهذا الكلام وفعلا طلعت
تلفوني وخابرت المحامي و كتله اني صار عندي شغل ضروري
وطلعت من المحكمه خليه على باجر وسديت التلفون
وطلعت وراهم وركبت سيارتي وشفتهم صعدو تاكسي
واني كمت امشي وراهم لحد ماوصلو لبيت بس
اني وكفت بعيد بس شفت
ابو التاكسي بعدة واكف ورة شويه رجعت هاي البنيه
وياها الاطفال وصعدو بالتاكسي واني كنت
بعدني امشي وراهم وشفتهم وصلو لبيت ونزلو من التاكسي البيت كان صغير يعني شكله
مال ناس على كدهم وحتى هي كانت ملابسها
كلش تعبانه بعكس يوم الي شفتها بالحفله
كانت عبارة عن كتله من الانوثه وبرغم هذا هي
حلوة يمكن لو اقارنها بسمر
فسمر احلة بس هي بيها شي جذبني دوخني
لدرجه اني كنت مستغرب لتصرفي هذا
معقوله اكعد الأحق امراة متزوجه وعدها اطفال
اني كنت انتقد اصدقائي اوالاشخاص الي اعرفهم
من يكولون احنا عدنا علاقه باامراة متزوجه
معقوله اني هسه كمت الحك هاي البنيه

طبعا اندليت البيت ورحت لشغلي بس مكنت مركز
وبالي بغير مكان
ومن بعد مندليت البيت
كمت كل يوم افوت من يمه وظليت مايقارب الاسبوع اني
يوميه اروح ماااعرف ليش او شنو الي
يخليني اروح عبالك فدشي بداخلي
يحركني وكم مرة رحت كنت على امل انو اشوفة بس
ماشفتها
وظلت هاي البنيه بالي وكلت لنفسي خاف سمر جان عدها فرصه انو احبها هسه خسرت هاي الفرصه
المهم اني شغلت تفكيري وكلت لازم اشوف هاي البنيه
بااي ثمن وبهاي لحظات التفكير ودك تلفوني
وشفت اسم سمر كلت استغفرالله ربي هاي ابد
مووكتها
.....الوووو هلوسمر اني زين الحمدلله
لاامااكدر اطلع عندي شغل وهالفترة عذريني
راح اكون بعيد عنج اوكي وهسه راح اروح من يصير
عندي مجال اخابرج باي

ولمن سديت التلفون كلت خلي ارجع افكر شلون
راح اشوف هاي البنيه
وكلت خلي اروح بلكي اشوفها تطلع او اشوف احد
بالمنطقه اسئل عنها وصدك والله رحت وظليت رايح جاي
وجان اشوف سيارة بيضه عاليه وكفت بابهم وطلعت هي
واطفالها وركبت بالسيارة وجان زوجها ماكو
ولحكت هاي السيارة وجان اشوفهم راحو لنفس البيت
الي من لحكتهم بيوم المحكمه وكفو يمه واخذو الاطفال
اظاهر هذا بيت اهلها
والفضول زاد عندي شفت ابو محل براس الشارع مالهم
وكفت السيارة ونزلت بحجه انو داشتري شي
دخلت وكلت
......السلام عليكم
.....وعليكم السلام ابني تفضل
.....كتله اريد علبه مال جكاير واشرتله وانطاني
الجكاير
..... بله زحمه عليك عندي فدسؤال
....اي ابني تفضل
.....هذا البيت واشرت على البيت تعرفهم
....اي اعرفهم بيت ابو مصطفى هذوله خوش ناس
لويش تسئل
.....والله كالولي عدهم بنيه وخوش بنيه وردت اسئل
عنها اريد اخطبة
ضحك الرجال. كلي
.....لابويه ماعدهم بنيه هي وحدة ومزوجه صارلها كم
سنه وعدها اطفال
.....ها مزوجه ليش هذا بيت اهلهايعني
.....كلي لاهما الاب والام ميتين هما ولد اثنين وبنيه
هذا بيت ابنهم احمد يسمو ابومصطفى
.....ها اني اسفه اظاهر مفتهم غلط اني اشكرك جدا
...لاابني العفووو
....مع السلامه
.....مع السلامه
ومن طلعت كلت
يعني هي والدتها والدها ميتين وهذا اخوها الي اجه
اخذها
زين عرفت شي عنها
وصعدت سيارتي وهمين كلت لروحي اني
شلحيت وياهاي البنيه و السالفه كبرت كاعد
واسئل عنها شنو الموضوع اني شريد من
وحدة مزوجه وعدها اطفال والله اني مستغرب على
نفسي وعلى تصرفي
المهم انو بعد ماعرفت هلكم معلومه البسيطه عنها
ابتعدت فترة والتهيت بشغلي ولكن المشكله
انو فجأه حسيت انو صارت فد فجوة
بيني وبين سمر بديت كلش مااتقبلها وهذا الشعور
خلاني افكر انو اعوفها لان مااريد اكون زواج فاشل
ماادري شنو الي خله هذا الاحساس ينولد بيه
يجوز هاي البنيه الي شفتها او يجوز هذا الي
المفروض يصير لان هذا الشي الصح
ورغم كل تفكيري بقت سمر موضوع معلق وظل
تفكيري يم هاي البنيه والمشكله انو هي متطلع نهائيا
حتى كلت لنفسي لابد تطلع تسوك تروح دكتور
شنو موضوعة لهاي البنيه شنو هذا ساجنها
للعلم زوجها جان كلش محلو ومبين واحد نحس
وجانت ملابسه مبهذله ابد ممتوالم وياها مااعرف
شلون هيج وحدة مزوجه هيج انسان
وفجأه خطرت على راسي فكرة حتى اشوف هاي
البنيه وهي كانت انو اني عندي واحد من اصدقائي ضابط بالشرطه
واني أمون عليه ويريد بس يخدمني
خابرته وكتله اريد التقي بيك واتفقنا انو يجيني للشركه
وهو ماصدك خبر واجاني صراحه الفكرة جانت
شويه موطبيعيه بس مااعرف شبيه احس حياتي انكلبت
من يوم الي رحت لهاي الحفله وشفت هاي البنيه
المهم اجاني الضابط وسلمت عليه وكتله تفضل اكعد
وبعد السلام
...... كتله قاصدك بخدمه
......اي عيوني الك استاذ جود بس كلي شرايد
......اني اريد اروح ادخل لبيت على اساس تفتيش
بس اريد اكون اني وياك
....شنو احد منهم مضوجك بشي بس كلي
....لامحد مضوجني بس اني براسي موضوع
واريدك تدخل اساس تفتيش بس لااريد احد
يتعدى عليهم ولاابد وياريت انو لوندخل للبيت اني وياك
....اي اني بخدمتك شوكت تريد
......اليوم بالليل يعني فد بالعشرة
.....اي تدلل اني انتظر منك تلفون وراح اكون متحضر
.....راح اكون ممنون منك حبيبي الوردة
.....لااستاذ جود اني ماانسى وكفتك ويايه
اني بخدمتك بااي وقت

اتفقنا اني والضابط وكانت هاي فكرتي حتى اشوفها
اعرف انو اني مدافكر بشكل صحيح بس
ماادري هذا الي ديطلع بيدي
وايضا اختاريت الوقت الي يكون زوجها بالبيت وذلك
حتى نكدر ندخل وحتى لحد يحجي عليهم بالمنطقه
المهم الوقت جان يمشي بس بطيئ وصارت بالتسعه ونص واتصلت بالضابط ودليته البيت ورحت اني هم وجان وياة كم جندي
وسيارة عسكريه
دكينه الباب وسمعنه صوت واحد يكول منو وبعدين فتح الباب وكان هذا الصوت صوت زوجها
والضابط كله احنا اجاين تفتيش سوينه طريق
وكال لحظه ودخل وطلع وكال تفضلو واول مادخلت
يتبع ....
#الكاتبه ـ روجمان