مقدرتش تتحمل العيشة فالمركز وهربت لشارع بقيت نهار كامل وانا كندور حتا وصلت لواحد البلاصة خاوية طريق كاملة وانا كنفكر كنت ساهية معرفتش منين دزت ولا شكون تلاقيت شوية بانت ليا طوموبيل كبيرة ديال الخضرة بغيت نسول مولاها وبدا كيطلع ويهبط فيا وانا كنت لابسة غير واحد الجلابة مجرتلة وحيت انا عندي الزهر فهاد الدنيا لي ماكفتهاش المعاناة لي دوزت صدق هو من كليان ديال ماما وبقا عاقل عليا هبط من طوموبيل ودخلني لور بزز سكتها وسد البيبان بدا كيغتاصب فيا وانا كنغوت ونترجا فيه ونبكي , علااااااااش ا ربي علااااااااش !!!!!! ملي سالا لاح ليا 300 درهم ورماني فزنقة بقيت مدة وانا فالارض كنبكي من بعد نضت وهزيت دوك الفلوس قلت فراسي هاداك رزقي وتعدبت عليه اولا يمكن كنت محتاجة ليهم مشيت سناك تغديت وشريت شي حوايج من جوطيا ولبستهم قلت مع راسي صافي حياتي ضاعت مابقا عندي مانخسر فليل هبطت لجيهة الكورنيش تما كانو بيران بزاااف وقفت وانا حشمانة كنتسنا شي حيوان غلباتو الغريزة ديالو ناخد منو فلوس, تما كانو بزاف بنات بين 15 و 40 سنة كل وحدة وتمنها من 30 درهم تا ل1000 درهم حتا هوما علم الله اش داز عليهم راه الظروف القاسية هي لي كتخلي البنت تتخذ من شرفها مشروع , مابغيتش نوقف معاهم بعدت شوية لواحد القنت بوحدي وماتسنيتش وقت طويل حتا وقف واحد الرجل بطوموبيل باينة غاليا و لابس كلاس غمز ليا وانا نحني راسي حشمانة ويمكن كارهة هاد الحياة
