ماصبرش بزاف ونزل بقا كيدوي معايا وقال بلي بغاني هاد الليلة ركبت معاه داني لدارو قضا غرضو والصباح لاح ليا 800 درهم تعجبت وقالي بلي الى بقيت معاه هاكا غيبرعني مزيان خرجت من عندو تالفا معنديش فين نمشي شديت اوطيل دوزت فيه النهار وفالليل رجعت لبلاصتي نتسنا واحد اخر يخوي فيا وسخ وناخد منو وسخ اخر ماحسيتش براسي حتا نزلت عليا واحد التصرفيقة دخت ماجيت نتلفت حتا تعاودات اخرى وكنسمع وحدة كتقول ليا بلي خديت ليها كليان ديالها و بغات نعطيها فلوس وهدداتني باش نخوي السيكتور ديالها انا بالصدمة بقيت غير كنشوف ماحيت نبرد الطرشة ماحيت نفهم اش وقع وبلا شعوور طحت نبكي فالارض وندب زهري فهاد الدنيا قربو مني شي بنات كيواسيو فيا داوني معاهم لدار حكيت ليهم قصتي بقيت فيهم بزاف وخا معندهمش شرف ولكن قلبهم رحيم اكثر من اي وحدة اخرى حيت جربو قساوة الزمان مهم خلاوني نتشارك معهم فالكرا سكينة 23 سنة و حسناء 20سنة ضريفات بزااف وحتا هما لعب بهم القدر وخلاهم يكونو طواليط للرجال كما كيقولو لي .بقيت معاهم وكل ليلة كنخرجو نصيدو وكنجيبو بين 3000 حتا 7000 درهم للوحدة فالليلة كنخلصو الكرا والما والضو .... وكيشيطو لينا فلوس كنخبيوهم كل وحدة فينا كتحلم شي نهار دير مشروع ديالها وتزوج ودير ولاد ولكن للاسف كتبقى مجرد احلام , حتا الناس كيشوفونا كيبقاو يسبو فينا والبراهش الصغار كيتلاهاو بينا كنتفكر واحد المرة كنا واقفين كيف عادتنا حتا دازو جوج بنات دايرين حجاب ياحصرا غير وصلو حدانا غطاو نيفهم وبداو كيديرو نظرات احتقار انا ماصبرتش وكنت غنضربهم ولكن سكينة شداتني وقالتلي (" غير خليها لو ماكوناشي حنايا كنتي غاتجبر كل ليلة كيغتصبها واحد خاصهم يشكرونا حيت كنلبيو رغبات الرجال باش ميتعداوشي عليهم ") هاد الكلام بقا محفور فعقلي... ,
