بينما حنا جالسين صونا تلفون ديال سكينة جاوبت كانت القرشية لي اتصلت بها , هاد القرشية واحد المراة فيها 12 راجل عندها نفود فالبوليس ويدها طويلة معروفة فطنجة خدمتها قوادة يعني كتاخد فلوس من بنات (قحاب) باش ضبر ليهم فكليان شابع فلوس مهم طلبات من سوكا باش تمشي عندها وطلبات منا نمشيو معاها مهم جات طوموبيل كحلة و فخمة من نوع لي كيستعملوه مهندسين صافي وصلنا ملي شافتني القرشية عجبتها وقالت بلي موجدة شي حفلة كبيرة لراس العام غيكونو فيها رجال اعمال من الخليج والمغرب العربي ... وسولاتنا واش نبغيو نكونو فالبلاصة وافقت سوكا بصراحة هاد القرشية نفود ديالها كبير بزاف و كلمتها مسموعة وكيقولو كتاجر حتا فالمخدرات مهم صيفطاتني لواحد الصالة كاينة تحت الدار باش نتعلم الرقص الشرقي والغجري داكشي لي كان دوزنا شي اسبوع تعلمت و وجدونا مزيان لا من ناحية اللباس ولا التعامل ولا الكلام ... اول مرة نشوف صحاباتي فرحانات بحال هاكا ملي سولتهم قالو بلي ديك الليلة هي لي غتبدل حياتهم وغتخليهم يعيشو بحال جميع البنات حيت غايحاولو يضبرو على شي راجل للزواج ويكون فلوووس انا ماديتش عليهم وبديت كنفكر عام داز تغيرات حياتي بزاف عشت فيه ايام سوداء وها عام اخر جاي علم الله اش مخبي بديت كنحاول نرسم احلام نحققها ف 2016 ولكن خيالي مابقاش قادر يصنع احلام كلما كنغمض عيني كنشوف غير المعاناة , وصلات الحفلة فصباح جاو مورانا بطوموبيل كتهبل زوينة و بيضة لونها كيخطف العين ماعمري كنت نحلم نركب فيها داونا لدار القرشية لبسونا دارو لينا ماكياج وقادونا اما القرشية عطيناها 5 د المليون للوحدة تذكرة ديال الحفلة
