فكرت اني ندير عملية باش نرجع غشاء بكرة كما كان مشيت عند الطبيب طلب مني فلوس كتيرة 5000 درهم حيت هو خدام غير قانوني وانا ماعندي حتا ريال من بعد اقتارح عليا باش ينعس معايا ويدير ليا تخفيض 1000 درهم من حقو يطلبها حيت انا رخيصة فنظرو ياحسرة طبيب خاصو يكون امين فخدمتو ولكن كيبان لا امان فدنيا , خرجت من عندو محطمة وكل الامل طفا شكون هادا لي يتزوج وحدة تاريخها كحل وحتا الى لقيتو غتبقى عندو نظرة خايبة عليا وغيبقا يعايرني بها طول حياتي , بقيت كندور فالزنقة حتا تلاقيت بواحد المرأة قبلت تخدمني معاها كدير الميناج فالقهاوي والريسطورات وسكناتني معها مؤقتا شحال من مرة فكرت نرجع لعند ماما ونخدم معاها ولكن كنعل الشيطان وكنقول ياربي انا سلمت ليك امري ومابقات تهمني تاحاجة تعدبت وتمحنت وتكرفصت ماعرفتش القدر اش مخبي ليا مازال . هادي هي قصتي مشاكل ومعاناة وآلام معرفتش اشنو مخبيا ليا ليام من هنا الفوق ولكن باينة غتكون كحلة 15 سنة من حياتي دازت كولها عذاب من كارثة لكارثة كل ليلة كنحط راسي على المخدة الا وكنبدا نتمنا نعيش حياة عادية دعيو معايا يفرجها الله عليا دعيو معايا فصلاتكم انا ختكم دعيو معايا يمكن الله يسمع منكم.
الــنــهــايــة
