8
معرفتش كفاش رجل كيستمتع باغتصاب امراة عادية فكيفاش ختو !!! هاد الناس واش معندهومش مشاعر !!!!! فين غانمشي دابا !!!! وشكون غيحميني دابا من خويا ومن الدنيا !!!! ولد الجيران !!! واش غيحميني ولا حتا هو كيتسنا الفرصة ديالو وكيقول مع راسو الى خوها وداز عليها علاش مانجربش انا ? ديك الليلة دوزتها باكية وانا كنضرب ماحاملاش راسي حسيت بجسدي معفن مابقيتش حاملاه وخا مولفة الجنس و لكن من خوووووك !!! ماتقبلتهااش . خرجت وبقيت كندور فزناقي بحال شي هبيلة فكرت فبابا ولكن حتا هو غيكون همو كافيه واصلا هو فمستشفى منقدرش نبقا معاك وبصدفة وانا راكبة فطوبيس كنتنقل من بلاصة لبلاصة شفت واحد السيد شاد جريدة وفالاعلانات ظهرت ليا جمعية لحماية النساء العنف وبلا مانتردد خديت العنوان ومشيت عاودت ليهم لي جرا و قبلو يخليوني نجلس عندهم تما كانو بزاف ديال النساء ها لي مضروبة ها لي مهرسة ها لي كترضع ولدها تفكرت الخيرية وشداتني البكية من جديد , فالمركز كانت حالتنا خايبة بزاف كنشقاو كل نهار والمشاكل وحتا من الماكلة كانت قليلة وبيت واحد كنعسو فيه ب 8 بينا و ماكنوش كيتهلاو فينا حين حنا كنمتلو ليهم مجرد عدد او رقم كيقدموه للدولة باش تزيدهم الدعم المالي ويبانو بلي معاونينا وهوما كاياخذو النص فالفلوس ويقسموه بيناتهم وخا هادشي كامل كنت مضطرة نبقا تما هاربة من ماما لي كتقلب عليا باش نرجع نخدم حيت كندخل ليها فلوس كثيرة و من خويا لي اغتصبني مرة ومغيترددش باش يعاودها مرة اخرى الى لقا الفرصة هاربة من عيون الرجال لي مكيخليو حتا بنت تنعم بحياتها حيت كلهم باغينها وليمة لغريزتهم الجائعة ياكلو منها وقت ما بغاو , زمان صعيب وانا معنديش فيه بلاصة.
