حبايبي اليوم اكمل قصه زهره وحارث بارت 3
#قصه_زهرة_و_حارث
للكاتبه فردوس عبد اللطيف
الجزء 3
مرت الايام وحارث لايكدر يفاتح زهرة بحبه حتى لا بخسرهه لان اذا فاتحهه واعترضت اكيد تعوف الخط عالاقل جاى يشوفهه يوميه وعينه عليهه ويوصلهه يوميه بسيارته بقى يراقب عمر خاف يسرق منه زهرة لكن الى يشوفه صحيح عمر يلاحه زهورة بس هى مو يمهه الموضوع مبين عليهه ماتبادله نفس الشعور
حارث... احسن حل خلى اتكلم مع صديقتهه ايمان تجيس نبضهه
هلو ايمان اشلونج
هلو
عندى طلب يمج
تفضل حارث اشبيك مرتبك
حارث حالته حاله وجهه يتصبب عرق ويدخن سيجارة وميعرف اشلون يبدي
امونه انى بصراحه معجب بزهره ومو معجب احبهه واخاف اكلمهه بالموضوع وترفض وتالى اخسرهه
اشلون ممكن تساعدينى
شكلك حارث زهرة ماتتكلم بمواضيع حب وغرام لان تعرف ابوهه متعصب ويخافون منه
بس مع هذا راح اكلمهه
زين انت بالاول كلميهه على اساس شخص اخر
بعدين انطيهه اسمى
ميخالف ...ولو المهمه صعبه بس انت تستاهل
فدوة امونه اذا وافقت الكم عزيمه على حسابي بمطعم الساعه
الله صاير تصرف
انت بس جيبيلي جواب وتدللين
يوم الثانى
ايمان....هلو زهرة اشلونج شخبارج
هلو الحمد لله
زهرة اكو شخص معجب بيج ويحبج ويخاف يكلمج بالموضوع
منو هذا
واحد ويانه بالكليه
اهوووو هم عمر
لا مو عمر واحد ثانى
دكولى منو
يخاف يخسرج
عرفته
منو
حارث
هاااا لعد مسويه نفسج فقيرة ومدنكه ثارى بيج بله
عمى على كيفج
حسيت من نظراته واهتمامه بي
من يكلمنى يرتبك
ها طلعتى مو فقيرة
هسه شكله للولد
زين ليش ما هو حجه وياي
لج مستحى ويخاف يخسرج وتعوفين الخط
يالى حبي كوليلي جوابج ترى مواعدنه بعزيمه بمطعم الساعه كل الكروب
ههههه والله ما اعرف شكول
هو خوش ولد وانى بصراحه احس انه قريب لقلبي واهتمامه بي حسسنى بحنيته وطيبه كلبه كلما احتاج استنساخ يركض يستنسخلى مرات يجيبلي ملازم احسه مهتم بي اكثر من اى وحده
نحن هنا....اروح ابشرة
اوكفي....بعدنى خلينى افكر
يوووو لا تتاخرين نريد العزيمه
ميخالف فد اسبوع واجاوبج
مر الاسبوع على حارث كانه سنه بس يباوع لزهره بالمرايه ويشوفهه تخجل وتدنك
اوووف شوكت تحنين على ....طول الطريق يخلى بمسجل السيارة اغانى حب وغرام
ها زهره ترى الولد على اعصابه دجاوبي
تحبي لو لا
تدرين انى هم تعلقت بي
كلووووووش ربحنه العزيمه خلى اروح ابشرة
اوكفى لج استحى
دتعالى... يالى حروثي شوكت تودينه لمطعم الساعه
طفر من مكانه امونه فدوه لاتلعبين باعصابي احجيلي الصدك شكالت
اول شي العزيمه واحجيلك بالتفصيل
وانى شيصبرنى اليوم اوديكم واغديكم
يالى خطيه راح احجيلك
اليوم بالليل ساعه 1 انتظر منهه تلفون راح تتصل....طبعا بوقتهه تلفونات كانت ارضيه
اخذهم حارث وغداهم بالمطعم وزهره وياهم ونظراته كانت كلهه شوق ولهفه ويداريهه ويجيبلهه الاكل وهى خجلانه ومتحجى
كملو بالطلعه كلهه اليوم بالوحده انتظر تلفونج
ابتسمت زهره وسكتت
ذاك اليوم كان اسعد يوم بحياة زهره وحارث بقى كبال التلفون من الساعه 12 بالليل وكلسع يجيك ومخلي يمه
زهره اخذت التلفون لغرفتهه بهدوء
رن التلفون على حارث كان منزل صوت الجرس حتى اهله ميحسون بالصوت
شال التلفون
الو.....
زهره ساكته تخجل تحجى
رجع حارث
حبي احجى دا انتظر وينج ياعمرى
الو بخجل وصوت واطئ
حياتى زوزو اشلونج مشتاقلج احسب الوكت حتى يجى الصبح واشوفج واشوف طلتج البهيه
والله حارث هاى اول مرة اتكلم مع ولد وما اعرف احجى
فدوة لصوتج خليج على طبيعتج هو ليش حبيتج
لان انت انسانه رقيقه وهادئه ابقي مثل ما انت
احبج مثل ما انت
بقو يسولفون ساعتين
لحد ما كلتله كافى ورانه دوام مع السلامه
مع السلامه زهورتى يا احلى زهورة
للحكايه بقيه f
أنت تقرأ
#زهره-وحارث
Romanceفتاة سنيه تحب زميلها الشيعي بالجامعه ويتزوجون بعد معاناة ومعارضه لكن يتعرضون لحادث مؤلم
