#زهره-وحارث

الجزء 4

#قصه_زهره_و_حارث
للكاتبه فردوس عبد اللطيف
الجزء   4
مرت ساعات الليل كل واحد منهم يفكر بالثانى طار النوم من عيونهم
الاحساس بالحب يكون جميل ويدخل السعاده والبهجه لقلب المحب كان شعور جميل وممتع واحلى شئ يتاملون ان يلتقون كل يوم الصبح وخصوصا حارث بأيده يوديهه ويرجعهه يعنى محافظ عليهه كان يغار عليهه من الهوى الطاير
لكن بنفس الوقت زهره انسانه هادئه ومحافظه على نفسهه
كعدت الصبح بس كانت سعيده ومحتارة شتلبس اليوم مختلف عن كل يوم لازم اهتم بمظهرى اكثر لان اكو انسان احبه ولازم يشوفنى باحلى صورة
بدلت اكثر مرة هذا حلو لاالبس التنورة الطويله بالنسبه للمكياج ما تحتاج لانهه جميله وبشرتهه حلوة مجرد رتوش خفيفه تضيف لجمالهه
طلعت كان حارث بالسيارة
يمه كلبي يخفق اشلون اليوم يختلف عن كل يوم
حارث ..ديالى عاد مو كلبي انكطع وينج يابعد عمرى
صباح الخير
صباح الورد والفل والياسمين يا احلى زهره بحياتى
من خجلهه متكدر تجاوب...صعدت بالسيارة وحارث حالته حاله ميعرف يباوع عالطريق لو على زهورة بالمرايه والاغانى الى يخليهه كلهه حب وغرام
احلى لحظات بحياة الانسان تبقى بالذاكرة ماتنسي ونظرات المحبين تكون بلسم للجروح
شرطت عليه ان بالكليه محد يعرف لان تريد تحافظ على كلام ابوهه  لذلك احترم رغبتهه وكان يحاول يكون بعيد بس عينه عليهه لذلك كانت العلاقه سريه وعدد محدود من الزملاء بس يعرفون
وبالليل تتصل هى بي ويبقون يسولفون ساعه مرات يسرقهم الوقت ويطولون اكثر
رجعت من الدوام لكت اخوهه مروان جاى
هلو مروان اشلونك شخبارك
الحمد لله بخير انت سولفيلي احجيلي اشلونج بالكليه مدبرتهه
طبعا مدبرتهه اختك شطورة
شوكت تتخرج ونخطبلك
خليهه سكته جاى يجوهه خطابه وترفضهم اريد افاتح ابوى حتى يخطبلياها
يالى خلى نفرح
ذاك اليوم التهت زهره ويه اخوهه وصعب تسحب التلفون لغرفتهه وتتكلم ويه حارث
وبقى ينتظر لحد مانام والتلفون يمه
صار بالوحده بالليل الكل نامو راحت اخذت التلفون وداتحجى ويه حارث دخل اخوهه مروان..
زهره ويه منو دا تحجين
راسا سدته ها لا صديقتى جاى اسالهه عالدوام باجر
طبعا كرجل شرقى ميتحمل ان اخته عدهه علاقه او اى شئ بس مراد يتهور وماعنده دليل مجرد شافهه تتكلم بالتلفون لكن بقت بباله
كعدو الصبح
مروان......زهرة شوكت محاضراتج اليوم
ها عندى ب8 وب 10 و2
ها ووين تكظين اوقات الفراغ
نكظى بالكليه وين نروح مرتبطين بخط
هم تطلعين من الدوام لسوك او شي
لا لا ما اطلع
صعدت بالسيارة
صباح الخير
صباح الانوار  ..البارحه قلقت عليج لكفج اخوج
اى بس كتله صديقتى بس اعتقد ما صدكنى
بعد ما اتصل بيك لحد مايروح مروان
هو كلم بابا حتى يخطبله بنت خالتى
واعتقد حانسافر للموصل نخطبهه وهم اختى اسماء على وجه ولاده نريد نروح نشوفهه
اووووو يعنى ما اشوفج شكد
هى كلهه اسبوعين العطله 
تدرين زهورة يوم الى ما اشوفج بي احس ما عايش بذاك اليوم والى كان يصبرنى التلفون وهم راح انحرم منه
قطع حديثهم بصعود زملاءهم بالسيارة
بقى حارث ما مرتاح بس ميكدر يحجى وياها بالكليه
ساعه 12 اجه مروان للكليه يشوف اخته
راح شافهه بالكافتريا وياها صديقاتهه 2 بنات فقط
سلم وكعد تفاجئت زهرة من مجئ اخوهه معناها شك بيهه ولازم تتحذر
اجه حارث ويباوع شاف مروان بس ميعرفه اخوهه وميكدر يحجى تخبل
صديقاتها استاذنو وطلعو من الكافتريا
راسا حارث طلع وراهم
امونه منو هذا يم زهره
يمه الحب يمه
تغار عليهه من اخوهه
ها هذا مروان
اى
وشعجب جاى
شمدرينى بلكى يخطبنى
اوووو انت كلبج مرتاح وتتشاقين
صارت بالوحده استاذن مروان وطلع بس كلبه ممرتاح وحاسس زهورة عدهه شي
كملت الدوام وطلعو لكن بس نظرات ميكدرون يحجون ولاتكدر تتصل
بقو على هالحال لحد ماسافر مروان ورجعت تحجى بالتلفون الا حارث منتهيه اعصابه
سافرت زهرة للموصل والتقت باختهه وولدت ولد وفرحو باول حفيد
تقدم مروان لخطوبه بنت خالته وتمت الخطوبه
العيون كلهه على زهرة
تقدم لخطبتهه ابن عمهه
متمكن ماديا مهندس وعنده مكتب هندسي لكن زهره رفضت الكل استغربو من رفضهه لانه يعتبر عريس ما يتفوت
مروان....
زهره تعالى
تفضل اخوى العريس
ليش رفضتى ابن عمج باجر تتندمين
انى اريد اكمل
بس ماعنده مانع تكملين
لو عندج احد شوفى زهره راح اراقبج واذا لكفتج ترى ما ارحمج
ظلت ترجف وجهه صار احمر وخايفه
لا مروان ماعندى شي
ديري بالج وحسبي حساب ابوج واخوتج
وطلع من الغرفه
الا زهره بقت تبجي مابين الخوف وتأنيب الضمير ومابين كلبهه الى متعلق بحارث
بس قررت تقطع علاقتهه بحارث لخاطر اهلهه
رجعو لبغداد بس كلهه شوق ولهفه لشوفه حارث واشلون تنهى العلاقه لان اخوهه اذا يلكفهه اكيد يبطلهه من الكليه ويزوجوهه لابن عمهه
لان كلوله يجوز من تكمل كليتهه توافق
حارث....طول فترة غياب زهره وسفرهه ما اتصلت بي كان تعيس وقلق ويدخن اكثر من قبل كان بس يتمنى تتصل بي بس اكيد ما كدرت
اول ما رجعت لبغداد
صار موعد اتصالهم
الو حارث
يابعد عمرى وينج فدوة لهالصوت الى انحرمت منه وينج يابعد طوايفي وهلى
على كيفك...
حارث الله يخليك احنا لازم نقطع علاقتنا
شنو اشبيج زهورة
حارث فدوة...اخوى شاكك بي وابن عمى خطبنى ورفضته بس اهلى انطو امل بعد ما اتخرج وكال انتظر
وانى خايفه خليك بعيد احسن
وهو انى وين شايفج اشو عالتلفون وهم تردين تحرمينى منج
حارث احسن خلينه بعاد
فدوة ما اريد اضغط عليج بس من تشوفين فرصه اتصلي
احاول
مرت السنه الدراسيه ونجحو
وتخرج مروان وتزوج
وابن عم زهره يحاول يتقرب لزهرة لكن هى متنطى مجال
وبقى حارث محروم من شوفتهه طول فترة العطله
لحد ما بدأ دوام السنه
الثانيه
فهه
ابوهه كلهه تحضرى بس تتخرجين ندز على ابن عمج تلبسون حلقات خطوبه
زهره تخاف تحجى سكتت لحد ما تشوف حل
مره تفكر تنتحر ومره تفكر تهرب ومره دكول اتزوج غصب هاى تالى عمرى
للحكايه بقيه   f