#قصه_زهره_و_حارث
للكاتبه فردوس عبد اللطيف
الجزء 6
حارث رجع بالطريق يسوق لكن دموعه تنزل وايده ترجف ميشوف كدامه مثل الاعمى خايف على زهره شراح يصير بيهه وبسببه بدل ما يريحهه خلاهه بموقف محرج لازم اتصرف واخطبها بعد ماكو داعى للتأخير راد يدعمله واحد يمشي بالبايسكل وشحط السيارة وانشمر عالرصيف
بقى كاعد بالسيارة ولزم الستيرن بقى يبجى لحد ما خلصت دموعه وهدأت اعصابه
اهدأ حارث...لازم تسيطر على اعصابك لو ساحكه للولد الحمد لله خلى افكر بحل للمشكله
وصل لبيتهم بس منهار تماما ميكدر ينطق كلمه حلكه يابس
دخل الحمام اخذ دوش لحد ما ارتاح
هلو يوم
يمه هاى اشبي وجهك منو ضربك
لا يوم محد السيارة شويه لفت وانضربت بوجهى
الحمد لله على سلامتك
يوم اريدج ترحين تخطبيلى
يمه منو سعيده الحظ
خلى نروح يم ابوى واحجى مرة وحده مابي اسولف مرتين
يمه جنك تعبان واكو شي مدوخك
هسه دمشى وخلى يسولنه جاى
هلو يابه اشلونك
هلى بيك هاى اشبي وجهك
ماكو شئ
ابو حارث ابنك يريد يخطب
ماشاء الله غير تكمل عسكريتك ابنى
على اساس اكمل واخطب بس اليوم صار شئ مو بالحسبان
كنت جاى اوصل زهره لبيتهم واخوهه شافنه
وتعارك وياي وهسه البنيه الله يعلم بحالهه
ما اكلك ليش طلعت ويه بنت العالم لان شئ صار وانتهى بس بنت منو
يابه ابوهه ضابط كبير بالدفاع ومن اهل الموصل اى وعشيرتهم معروفه كلهم بالدوله
اى ومن كل عقلك يوافقون عليك اولا
احنا شيعه وهما سنه
ثانيا ابوهه وعشيرتهه كلهم مسؤلين واحنا ناس بسطاء على كد حالنه
اعرف هذا كله بس انى احبهه وهى تحبنى وهذه الامور ماتوكف عقبه بوجه حبنه
ابنى انى ماعندى مانع اروح اخطبهه بس الجواب مبين بس راح تفشلنه
ان شاء الله ما نفشل
زين خلى اول شي نسوان تروح تخطب واذا يوافقون نروح زلم
خلى امك وخالتك يروحون العصر
بوس ابو من راسه وكله اشكرك يابه ادعيلي
اخذهم بالسياره العصر وراحو لبيت زهره كان البيت متوتر زهره محبوسه بغرفتهه لا اكل ولا شرب بس تبجى
دخلو ام حارث وخالته
تفضلو عينى والله احنا جايين خطابه لبتكم زهره
وينهه زهوره ممكن نشوفهه
العفو منو حضرتكم ومنو ابنكم بس زهره مريضه نايمه بالفراش
بصراحه ابنى الى شافه اخوهه وياها
ها انطينى اسم عاءلتكم واحجى ويه ابوهه ويصير خير
طلعت ام حارث بس ما متفاءله مبين مراح يوافقون
حارث ينتظرهم بره صعدو طمنيني يوم
ابنى سوينه الى علينه وخليهه على الله
شفتى زهره
لا يكولون مريضه
اوووو ف ضرب ايده بالستيرن ودخن جكارة
بقى ينفخ طول الطريق
شيجيب باجر واروح على ايمان تشوف الخبر
جتى ام زهره
زهره اكلج هو حارث مو الى جان ماخذكم خط
اهله جوى يخطبوج
صدك وكفت على حيلهه يوم فدوه صيري وياي
بنتى ما اعتقد ابوج يوافق
خلى اكلم مروان اول
حجت الام ويه مروان كلهه ذولى عشيرتهم شيعه والولد جندى عود يتخرج ويشتغل هاى بنتج تخبلت ابنى القرار بيد ابوك احنا لا نقدم ولا ناخر
صدك خلى يسمع بنته شجايبتله
اجه الاب بالليل
وين زهره....ها نايمه
ها شكو بوجهج كلام احجى
والله ابو مروان اليوم اجوى خطابه على زهره
اى منو
ولد اسمه حارث ابن فلان عشيره
كان وياها بالكليه وشايفهه
اى اشلون احنا سنه وهما شيعه اشلون يصير مترهم اختلاف بالمذهب
اول نقطه قبل ما اسأل عليه وعلى اهله مرفوض
جاوبيهم وكليلهم محجوزه لابن عمهه صارله 3 سنين ينتظر وشنكله ولد مرتب حالته الماديه جيده دا يبنى بيت نموذجى نعوف هذا وننطيهه لواحد توه متخرج ومن مذهب مختلف اشلون اهله يتقبلوهه
بكيفك ابو مروان فد يومين واخابرهم لان عيب باجر راسا
زهره....ماما طمنيني بابا شكال
رفض
ليش
انت تعرفين بي شيعي
يوم بالبدايه من عرفت اسمه عبالى سنى لكن بعدين افتهمت شيعى
بعد ما حبيته
لج سكتى لا يسمعوج ما كفتج كتله اخوج ابوج ترى ما يرحم
بقت دك وتلطم وتبجى اشلون ربي خلصنى من هالعيشه...احنا شنو ذنبنه نحب بعض شنو اختلاف مذهب كلنه ربنا واحد ونبينا واحد ليش يصير بينه هيج هاى عود مثقفين
بقت بالبيت منعوهه تداوم الصبح حارث راح للكليه
هلو امونه فدوه لحكينى
خير حارث اشبيكم
تعالى اوديج لبيت زهره واحجيلج بالطريق
راحت امونه وحجالهه
هذه الاحداث كلهه البارحه وانى ما اعرف
فدوه راح اوكفلج براس الشارع جيبيلي الخبر
دخلت امونه للبيت
زهره شصاير بيج منو ضاربج...حضنتهه زهره وظلت تبجى
اهدئي احجيلي
يعنى ابوج رفض يزوجج حارث
اى
ولج واكف براس الشارع شكوله دا ينتظر منى خبر
خطيه هذا يموت من القهر
لج انى اتمنى الموت ولا يزوجونى ابن عمى
الله كريم
طلعت امونه وجهه حزين
افتهم حارث من نظرتهه
ها رفضونى...زين زهره شنو وظعهه
احجيلي ليش ساكته
شحجيلك ابوهه رفضك لانك من غير مذهب
واحنا شنو ذنبنه انى مسلم وربي الله ونبي محمد شنو غير مذهب قابل غير دين...هاى عود مثقفين
خجل يبجى كدام امونه
يوم الثانى التحق بالعسكريه بس حزين ميعرف شيسوى
زهره اعتذرت من اخوهه وتوسلت بي يخليهه تكمل لان مابقى شي على تخرجهه وحلفتله ما تحجى ويه حارث
من اختفت اثار الظرب من وجهه كدرت تداوم لكن مروان عينه عليهه معاي
فهه
ابوهه كلهه تحضرى بس تتخرجين ندز على ابن عمج تلبسون حلقات خطوبه
زهره تخاف تحجى سكتت لحد ما تشوف حل
مره تفكر تنتحر ومره تفكر تهرب ومره دكول اتزوج غصب هاى تالى عمرى
للحكايه بقيه f
أنت تقرأ
#زهره-وحارث
Romansفتاة سنيه تحب زميلها الشيعي بالجامعه ويتزوجون بعد معاناة ومعارضه لكن يتعرضون لحادث مؤلم
