#زهره-وحارث

الجزء 7

حبايبي عذرونى تاخرت النت كان مقطوع
#قصه_زهره_و_حارث
للكاتبه فردوس عبد اللطيف
جزء 7
كملت زهره السنه لكن بحذر وحرمت على حارث  يكلمهه او يحاول يشوفهه لانهه انطت كلمه لاخوهه لكن حارث كره نفسه وكره حياته من يجى اجازه يمر عالكليه ويباوع على زهره من بعيد بس يمتع نظره بشوفتهه ...
نجحت وتخرجت بعد ابوها اخذهم للموصل بقو فتره شهر هم اجه ابن عمهه وابوهه انطاهم موافقه واتفقو يوم الخميس خطوبه ويلبسون حلقات
تفاجئت زهره اشلون ابوى يوافق بدون مياخذ راى شنو انى ماعندى رائ
تأذت لكن مروان كلهه بس تعترضين احجى لابوى على كلشي وتعرفين شيسوي بيج
صحيح هى رافضه لكن بداخلهه سكتت طلبت تروح لبيت اختها اسماء
اسماء انت اختى لحكينى شسوى راح يزوجونى لشخص ما احبه
شنو قصدك زهره انت تحبين شخص
خلى احجيلج بس اريدج تساعدينى
اشلون
اول شي اريد اخابر لبغداد من تلفون بيتكم
خابري حبيبتى اشو ترجفين كانج مريضه
ياريتنى مريضه اموت واخلص من قهرى
ليش زهوره
خلى اخابر
الوو ....حارث موجود
لحظه...حارث تلفون
منو...صوت بنيه
ركض عالتفون
الووووو
هلو حارث الحكنى
ولج كلبي راح يوكف عمرى زهوره وين غبتي عنى....اشبيج
حارث حايزوجونى لابن عمى
اذا سووهه الا انتحر ولا اشوفج تصيرين لغيرى
لو اقتله
حارث دا احجى صدك
قابل دا اتشاقا
تدرين فكرت اخطفج وحضرت خطه بس اعرف اهلى ياكلوهه
حارث الخميس خطوبتى والزواج بعد شهر
لج زهره خلى فى بالج ماتصيرين لغيرى لو ارتكب جريمه
بقى يلطم ويبجى من كل كلبه...وسد التلفون لان بعد ميكدر يحجى
حجت زهره لاختهه كل قصتهم
اسماء....هسه انت تعرفين وضعنه الا تحبين شيعي
ليش منو مفكر بهالموضوع اولا هو شاف اسمى زهره عباله شيعيه
وانى شفت اسمه حارث عبالى سنى ومحجينه بهالموضوع ابد الا من اهلى عرفو لقبه بابا كال ..شيعه زين وشنو ذنبنه احنا نحب بعض
اسماء اريدج تساعدينى
راح احاول زهوره بس ما اوعدج ترهم ترى ابن عمج صارله 4 سنين ينتظر مو بسهوله نكله عوفهه
ما اريده
رجعت زهره لبيتهم وكظتهه بجى لا تاكل ولا تشرب ضعف جسمهه بقت ساكته متحجى ويه احد
صار الخميس يوم الخطوبه والعربس واهله محضرين النيشان والذهب
اهل زهره هم تحضرو الا زهره كانت تنتظر معجزه من السماء تنقذهه
راحت للصالون وسولهه تسريحه ولبسوها فستان احمر وكعدت ودموعه تنزل بدون ما تتكلم
دخل العريس واشتغلت الهلاهل...لما كعد بجانبهه باوعت عليه راسا وكعت عالارض اغمى عليهم
اشتغل الصريخ والكل تفاجئ الا اهلهه يعرفون السبب جابولهه طبيب
انشلت اطرافها ايديهه ورجليهه ما تتحرك بس دموع
شخصهه الطبيب ...صدمه قويه
انطاها مهدئ وطلب منهم تراجع طبيب نفسي لان حالتهه ازمه نفسيه
العريس بدأ يفهم ان زهره ما تفيده مبين من وضعها
طلب من اسماء يكلمهه على انفراد
اسماء انى كنت شاكك ان زهره ما موافقه على والان صار يقين ارجوج فهمينى ما اريد اصير نذل واعوفهه بهالازمه لكن اذا هى رافضتنى وماعدهه جرأة تتكلم راح اعتذر من عمى واكوله انى ارفضها واوفر عليهه الالم
والله انت موغريب ابن عمنه ودمنه ولحمنه بس بصراحه زهره مرتبطه بشخص وتقدملهه بس بابا رفضه وفضلك عليه ارجوك يبقى الموضوع سر بينى وبينك تعرف العائله اذا سمعو شراك يتكلمون
اعرف واعتبرى الموضوع كانى ما سمعته وانى راح اتصرف
سحب نفسه وبعد ما اجاهم بقت زهره طريحه الفراش فتره شهر ماتتحرك بس شويه شويه حركتهه بدت ببطئ
ابن عمهه سافر وما اتصل بيهم...ابوهه ومروان افتهمو بدون ما يخبرهم ان هو رافضهه كل تصورهم ان تخلى عنهه بمرضهه
وصفولهم طبيب ببغداد صار لازم يرجعون لبيتهم فى بغداد
اما حارث تسرح من الخدمه العسكريه وصار يشتغل فتح ورشه تصليح سيارات ويشتغل بالمعارض يبيع ويشترى بالسيارات
ابو زهره عرف بنته انرفضت من ابن اخو وبعد محد من العائله راح يتقدملهه  بس بعده ما مقتنع بحارث
فد يوم بالليل بعد ماتحسنت صحتها اتصلت بحارث
الو
هو كان ينتظر تلفونهه كل يوم بدون ما يمل
لما رن التلفون رفع السماعه وسمع صوتها
ما مصدك زهوره معقوله ليش عايفتنى طول هالفتره
حروثى كنت مريضه
عمرى بي ولا بيج
حبيبي لوما مرضى مجان عافنى ابن عمى
فدوه اروح للمرض الى بعد العريس عنج
انى سمعت من امونه كل التفاصيل...بس احجيلي انت صدك مريضه لو سويتي هيج حتى يعوفج
حروثي هاى انت هيج تحجى
حبي الحب تضحيه وكلشي لازم نسوى من اجل حبنه
حبيبتى تعرفت على شخص يشتغل بالدوله وصلحتله سيارة بنته وحجيتله وطلع يعرف ابوج وكلى اكدر ااثر عليه وانطانى رقمه شدكولين
شتنتظر حروثي بلكى يأثر عليه
هلكد مشتاقتلى
اوووو عود هسه تدلل على
لج اموت عليج هو العمر بلياج ميسوى شي
اتصل حارث بالاستاذ واخذ منه موعد حتى يرحون يخطبوهه لزهره
اتفقو بعد يومين
مرت اليومين كانهه شهرين اجوى حارث والاستاذ وجابو وياهم كم شخص ورتب اعلى من ابو مروان
وكعدو وطلبو منه زهره لحارث
بالبدايه اعترض والله مخطوبه لابن عمهه
احنا من مذهب وهو من مذهب اخر
ابو مروان لا تتهرب من طلبنه اليوم احنا جايين ناخذ زهره لحارث واذا تفشلنه
علمود طائفيه ومذهبيه معناها على الدنيا السلام هاى عود انت المثقف تتكلم هيج شنو مذهب اخر كلنه مسلمين وليش توكف بطريق اسعاد اثنين
اليوم منطلع اذا مانقرى الفاتحه لخطوبه زهره لحارث
لالا انطونى مجال اسال ابن اخوى عالاقل
احنا كاعدين ممكن تتصل بي بالتلفون
معودين انى موافق لخاطر جيتكم بس لازم اشوف اخوى
اى ننتظر هسه اتصل
انحرج ...دخل محتار مروان اجه وراه ها يابه اشبيك
ما اعرف ابنى انى بموقف محرج خلى اتصل بعمك
اتصل باخوه وساله كله والله ابنى صرف نظر عن خطوبه بنتك
تفاجئ من موقف اخو وابنه
بعد ما عنده غير يوافق
سال زوجته كلهه سالى بنتج ذولى كلهم بالدوله ما اكدر اعترض شنو رايهه
موافقه ابو مروان بدون ما اسالهه   ها يعنى انتى تعرفين وانى اخر من يعلم
لا حشاك انت الاصل وكلمتك ماشيه علينه كلنه
دخل مبتسم وانطاهم موافقته...
حارث من فرحته نزلت دموعه وكام من مكانه وبوس ابو مروان وبوس الحاظرين كلهم
زهره فرحتهه ما تنوصف طارت من الفرح وظلت تطفر الحلم المستحيل صار حقيقه
للحكايه بقيه   f