#قصه_زهره_و_حارث
للكاتبه فردوس عبد اللطيف
الجزء 9
اهل زهره كان وجودهم ببغداد خطر على حياتهم ميطلعون من بيتهم مروان وابو مروان
اتخذ قرار يرجعون للموصل بيتهم موجود واصلا ماعدهم شغل ببغداد صحيح تعودو على الحياة ببغداد ومرتاحين لكن خطورة الوضع يجبرهم يرجعون لبيتهم وولايتهم
بس بعد ترتيب بعض الامور
حارث ميكدر يطلع ويدخل براحته كونه شيعى ومنطقه اليرموك بيهه سيطرات وهميه تقتل عالهويه (منطقه اليرموك اربع شوارع)ساكنين بيهه اهل زهره
اضطر ياخذهم لاهله بزيونه بقو متبهذلين بغرفه وحده اولادهم كبرو غير شغله تقريبا توقف
حارث....
حبيبتى زهره شدكولين لو نسافر لعمان ونخلص من هالوضع ترى تعبت
حروثى منين نعيش
عندى سيارتين ابيعهن وراح أأجر الورشه يجينه مصرف ونقدم على اليو ان
والله شكلك صحيح احنا متبهذلين بس لازم نتصرف بس كلبي مقبوض خايفه
اذا نبقى خاف يصير بينه شي واذا نسافر هم تصير بينه مصيبه
اذا يلكفوك المليشيات بطريق عمان ويكتلوك
معوده اسمى حارث وياي عائله خلى عينج بعين الله
ربج يفرجهه
الله يستر
زين خلى ناخذ الاطفال للجوازات ونسويلهم جوازات اخذو الاطفال وراحو يسوون الجوازات واشتغل رمى ومواجهه وركض يختلون بين البيوت ورجعو للبيت يرجفون هدومهم كلهه تراب لما وصلو لبيتهم
الله يخليك حارث عوف موضوع السفر هسه لو واحد من عدنه جته تايهه
لاتخافين راح اشوف جماعه يسووهه بفلوس
عفيه حروثي اليوم شفنه الموت بعيونه
حصلو شخص يسويلهم جوازاتهم بس يبصمون
مر اسبوع عليهم وتعرفون ذيج الايام السوده قتل وجثث بالشوارع الكل خايف الى يطلع ميعرف يرجع لو ينقتل بدون اى ذنب
زهره راحت لبيتهه فرغته من الاثاث واخذت حاجياتهم وقسم خلتهه يم عيالهه بذاك الوقت محد يشترى اغراض
شكد تعبو بترتيب البيت وشراء الاثاث تعب السنين كلهه يعوفوهه من اجل ثقافه دخيله على مجتمعنا فرقت ابناء الوطن الى طوائف مختلفه لكن من ننظر للموضوع نظرة صحيحه نشوفه مجرد سبب لقتل ابناء بلدنه
جمعوا فلوسهم وحضروا شنطهم نور طلبت من امهه تروح لبيت جدهه ابو مروان تودعهم
اى ماما لازم نروح نسلم عليهم
اجوى زهره واطفالهه لبيت ابو مروان
بقت يمهم نهار كامل لكن نور تحضن الجد ابو مروان وكانهه اخر مرة وبيبي ام مروان بوستها وتشمشم بيهه طلعت ودموعهه بعيونهه
ودعو الاهل بدموع العين
وبعد يومين تحدد موعد السفر
ذهب حارث لشركه النقليات واستأجر سيارة واتفقو الانطلاق ساعه 4 الفجر
اجاهم السايق وودعو اهل حارث وانطلقو
سيطرات طول الطريق طلعو من بغداد وصلو تقريبا حدود الرمادى
كانت سيطره متحركه وجوهم ملثمه مسلحين سيارات 4 حديثه
وكف السايق وكان خايف يرجف فتح الجامه
من وين جايين
من بغداد
جوازاتكم
قدمو الجوازات
قرو الاسماء
وسالوهم كم سوال
كان الوضع طبيعى
تفضل حبيبي انطلق
فرحو خلصو من السيطرة
وكانهم عافوهم لكن الحقيقه
قرو لقب حارث احد العشائر الشيعيه
لكن المفاجأة
ورة كم متر
الرمى والطلق من كل الجهات السيارة اندارت وانقلبت السيارة كانت تمشي سريعه والرصاص جعلها كالمنخل من كا الجهات
زهره فقدت الوعى
السايق توفى
بقو بالشارع لحد ما تم تبليغ احد السيطرات الحكوميه وتم نقل العائله
للمستشفى وتم تبليغ اهل زهره
للحكايه بقيه f
أنت تقرأ
#زهره-وحارث
Romanceفتاة سنيه تحب زميلها الشيعي بالجامعه ويتزوجون بعد معاناة ومعارضه لكن يتعرضون لحادث مؤلم
