#زهره-وحارث

الجزء 10 والاخير

#قصه_زهره_و_حارث
للكاتبه فردوس عبد اللطيف
الجزء   10 والاخير
وصلو للمشفى زهره دخلت غيبوبه رجلهه مكسورة جبسوهه لكن بقت بغيبوبه الاولاد حسن   اصيب بالسكر اى اكل يدخل معدته يتقيا بالبدايه ماعرفو حالته الا بعد اجراء تحاليل ارتفاع السكر تم حرمانه من بعض الطعام
حارث ويوسف اصيبو ببعض الرضوض والجروح البسيطه تم معالجتهم
نور كانت حاضنه امها توفت بالحال السايق توفى
بقت زهره بغيبوبه مده 12 يوم كلما يسالون الطبيب يكلهم يبقى يم رحمه الله
بعد 12 يوم زهره فتحت عينهه بالليل شافت امهه وجسمهه كله يوجعها غير الالم برجلها الى انكسرت
ضلت تصرخ فزت امهه كانت نايمه
حبيبتى زهره الحمد لله على سلامتج بنتى
ماما وينهم ماتو وين ولدى وين نور وين حارث يمه ماتو ياريتنى متت وياهم يمه شكد صارلى نايمه وعائلتى جوة التراب
لج بنتى على كيفج اعصابج خلينى احجى
هسه ليل ولج كلهم زنين وبالبيت
اجه الدكتور وضربوهه ابره مهدئ ونامت
اتصلت امهه بحارث وابوهه فرحو بس ميكدرون يجوها لان حضر تجوال لازم ينتظرون للصبح بس شي يجيب الصبح طارت النومه من عيونهم مابين فرحتهم بصحوتهه ومابين شيكلولهه على وفاة نور
صار الصبح اجوى كلهم من فتحت عينهه وشافتهم كلهم بس نور ماكو
ولكم وينهه نور
لاتخافين بالبيت
بعدين تجى
الحمد لله على سلامتج
بوستهم وصدكت ان نور بعدهه عايشه
بقت بالمشفى 3 ايام وطلعت للبيت
دخلت ...نور نور ماما وينهه نور مو كلتى بالبيت
بنتى الله يعوضج بعدج صغيرة ممكن تحبلين وتجيبين
يمه شنو قصدج نور ماتت يمه لادكوليهه يمه نور جوة التراب وانى عايشه اشم الهوى
ظلت تلطم وتصرخ لحد ما اغمى عليهه
الكل بيجى ويه زهره على نور
حارث....كلبه مفطور لكن لازم يصبر زهره
حبيبتى لازم نحجز طيارة بعد مانبقى بالعراق
زهره...ما اسافر اشلون اروح وقطعه من كلبي مدفونه بتراب العراق اريد اروح اشم تراب كبرهه ولكم ماشبعت منهه
زهره كافى ارحمينى وارحمى نفسج
نور هسه طير من طيور الجنه باجر احجز
زهره تعرج تحتاج عمليه بس مايريد يسويهه بالعراق  يريد يستعجل بالسفر حتى يحافظ على عائلته
ودعو الاهل وغادرو الى عمان
استاجرو شقه واول خطوة قدمو على اليو ان
بعدين راجعو طبيب كسور لزهره
رجلهه مكسورة وتحتاج عمليه
تم تحديد موعد العمليه
واجريت عمليه زهره بوضع بلاتين برجلهه لكن وضعهه الصحى تعبان نفسيتهه تعبانه
بعد مرور سنه على وجودهم بعمان تم تهجيرهم الى امريكا  انديانا
حسن كان محروم من اى طعام وصحته بالنازل
من وصلو لامريكا كان شعورهم مابين الفرح والحزن مكان نور فارغ بس باقيه بكلوبهم
تمت معالجه زهره بامريكا واجريت لها اكثر من عمليه لرجلهه وتحسنت لان كانت تعرج وصعوبه بالمشي لكن الان احسن
زهره حملت وتمنت تنجب بنت لكن اجاها ولد واسمته علاء بقت تطول شعره وتتمنى البنت
حارث اشتغل وعنده اصدقاء كثيرين لانه انسان اجتماعى ويحب يخدم الناس
حسن تعالج من السكر وصار ياكل اى طعام بدون تقيد ووزنه زاد وصار سمين
رجعت حملت زهره عسى ولعل تنجب بنت لكن انجبت ولد
بقت محرومه من البنت وصار عدهه 4 ولد الاطفال منهم تطول شعرهم وتتمنى تجى وراهم بنت تعوضها عن نور لكن لحد الان ما صار عدهه بنت
زهره فى كل سنه بيوم ميلاد نور تعمل كيكه وتطفى الشموع وتتذكر نور ودكول كان اليوم عمر نور 17 سنه الله يرحمهه
هذه قصيده رثاء لابنتهه نور
ردي روحي
ولا تأذيها الجروح
صعبه اعوفج
وانتي من دمي
وروحي
فدوه لدموعج
شلال يجوي
ومن اثر ضحكاتج
بعده البيت يضوي
ردي روحي
يلخذيتي
كولشي مني
وكلشي منج
لو حجيتي
عسل يغوي
ولو بجيتي
يهلن دموعي
سواجي
ولو نسيتي
بنص كلبي
صلاتي
شلون اذا
انفاسج عني
بعدن
وشوفتج صارت
حلم
وزفتج بثوب
الابيض

ورفة جناحج
ظلم يا ربي
الروح من تعشك
وتاليها نتفرك
اشكركم احبابي واشكر تفاعلكم معى وادعو لزهره ان يرزقها رب العالمين ببنت تعوضهه عن نور
حبيت اسردلكم هذه القصه واوضح بان الحب والتفاهم بالعلاقه الزوجيه هو الاساس وتبا للطائفيه نحن جميعا ابناء وطن واحد ونعبد اله واحد
اشكر الشاعر محمد البياتى على هذه القصيده الجميله
ترقبونى بقصه جديده
انتهت
الكاتبه فردوس عبد اللطيف    f