#زهره-وحارث

الجزء 5

#قصه_زهره_و_حارث
للكاتبه فردوس عبد اللطيف
الجزء   5
بعد مانجحو زهرة وحارث ومرت العطله الصيفيه عليهم فراك والم لكن من تشوف فرصه تتصل بحارث اكو تواصل بينهم لكن بحذر بعض الاحيان تراجع الكليه ولكن الهدف تشوف حارث
تزوج مروان وتعين بوزارة الدفاع ضابط
وجاب زوجته يم اهله ومرت سنتين وتخرج حارث من الجامعه قبلهه بسنه وصارت زهره بالرابع وابن عمهه باقي ينتظر على امل تقبل تتزوجه...
حارث التحق بالخدمه العسكريه بعد ميكدر يشوف زهره الا من ينزل بالاجازة صارت شوفتهه حسرة عليه حتى التلفون هم صعب  ...
اجاها بالاجازة للكليه
صباح الخير زهورة اشلونج حياتى
احمر وجهه من الخجل ردت بصوت واطى
صباح النور
هاى شصاير بيك مزين كرعه وصاير اسمر
بعد تدريب عسكرى وبالشمس اشلون يصير لونى
اشتاقيتلج زهورة  اريد اتقدملج واخطبج
لا عفيه خلى اكمل شكل لاهلى ابن عمى بعده ينتظرنى متامل اتخرج هسه لويتزوج اخلص من العذر
اشلون زهره لازم نلتقى ميصير هيج محروم منج
اخاف اخوى مروان واحمد ابوى شكلهم
طيب ضربي المحاظرة
فدوة اخاف احد يشوفنى
لج والله ما مصبرنى بالعسكريه الا تفكيري بيج
خلى نطلع طلعه زغيرة
هسه مو بالكليه دا احجى وياك
فدوه عمرى
اجازتى 7 ايام يوميه اجى للكليه حتى اشوفج
زين باجر تخلص محاضراتى ب 11 ومحاضرة 2 راح اعوفهه نطلع سويه
هذا الحجى الى يريح الكلب يابعد الكلب
تكشخت زهره ولبست احلى ما عدهه وكانت اسعد انسانه
حارث طبعا كان يحسب الساعات لهذا اللقاء
اجاها للكليه من الساعه 10 وينتظر حتى تطلع وياه
وينج ياعمرى يالى
طلعت وياه بالسيارة وخايفه لا يشوفهه احد بقو يفترون بالسيارة
حارث فدوة اخاف يشوفنى احد
عمرى انى مستعد اجى اخطبج من باجر بس وافقى
لا فدوة لا تستعجل خلى اكمل وتالى الله كريم
تعالى حبي هذه الكافتريا نكعد نسولف ومحد يمنه
يالى حارث لخاطرك ولخاطر الكرعه راح اجازف
بقو تقريبا ساعه يسولفلهه عالعسكريه والتدريب وعلى مفوض جاسم متزوج نسوان 2 ويحجيلهم نكات وعلى نسوانه الكبيرة تسمى جويسم وبنت عمه ويكلهم جنهه اخوى
والثانيه زغيرة وتدلعه جسومى ويحبهه يموت عليهه ومرات يتعاركن ومن يدخل بنصهن يحصله كفخه
خلص الوقت بسرعه بدون مايحسون
وجاى يرجعهه للبيت
ويه جيت اخوها مروان وشافهه نزلت من السيارة
نزل مروان وصاح على حارث....انزل لك
ولزمهه من شعرهه ودفعهه للبيت وكلهه دخلى جوه حسابج بالبيت
نزل حارث بس شاف عيونه شرار
العفو لاتفهم غلط
انى باجر اجيب اهلى يخطبوهه
ولك انت منو حتى تتجرأ تخطب اختى
ضربه بوكس بوجهه
بس حارث حاول يلزم ايديه...اخويه انت فاهم غلط صدكنى اكدر ارد ضربتك بس احترمك وحاسب حساب باجر
ولك لو رجال ترد عالاقل بس جبان ولى منا وبعد اذا اشوفك راح اقتلك
صعد سيارته حارث ومقهور خايف على زهره
زهره ركضت لغرفتهه وقفلت الباب عليهه
اجاها مروان وعاط بصوت عالى زهره وينج
دك باب غرفتهه
لج فتحى الباب لا اكسرة
جتى امه ماما شكو برضاى عليك لاتصيح فهمنى شكو
لج فتحى الباب احسنلج لا اخابر ابوى واخلى يجيلج يربيج
عرفت مروان ارحم من ابوها
فتحت الباب وعيونهه حمر من البجى
دخل الغرفه وشبعهه ضرب وامه تتوسل بي وجهه كله اثار ضرب زوركهه
بعد تواسيل امه عافهه بعد ما وصلت حاله الاغماء فقدت وعيها
ضلت امهه تصرخ بنتى ماتت راحت من ايدي
مروان.....مابيهه شي حطيلهه عطر قزرقط تصحى
صبت عليهه ماى وكعدت بس شبعانه ضرب
راحت ام  زهره على مروان
ماما فهمنى شنو الموضوع
بنتج بعد ممنوع تروح للكليه
يمه فدوه فهمنى
يوم ما اريد زوجتى تعرف
بنتج وصلهه واحد
لطمت على خدهه يمه صدك تحجى
اى يوم وانى ضربته
يوم الى تريده يصير
بس فدوه لا تكل لابوك
اعرف يوم اذا ابوى عرف راح يشمرهه لابن عمى ويطيح حظهه
بس الولد كلى يريد يخطبها افتهمى منهه منو هذا
انى هنته وضربته بس مجاوبنى
بس فهميهه خاينه الثقه دوام للكليه ماكو
ميخالف يوم الى تريده يصير
للحكايه بقيه   f