#قصه_زهره_و_حارث
للكاتبه فردوس عبد اللطيف
الجزء 8
بعد ماوافق ابو مروان عالخطوبه فرض بعض الشروط القاسيه على حارث
اولا بنتى تسكن بيت لوحدهه
اذا حصلت تعيين ممكن تتعين
تجى تبات يم اهلهه خميس والجمعه العصر ترجع لبيتهه
مهر غايب1 كيلو ذهب
اما الحاضر حسب امكانيه حارث وافق حارث على كل شروط ابوها وكانت فرحته ماتنوصف..
اما زهره تغير حزنهه الى ابتسامه وفرح بعد ماضعفت وصار وزنهه 40 رجعت لصحتهه وهى اصلا تحب الاكل واخذت بالعرض حتى ملابسهه صارت ضيقه عليهه
حددو الخميس حفله مهر
راحت للصالون وكانت اجمل عروسه لبست 3 فساتين واحد اجمل من الثانى صحيح هى جميله ومتحتاج مكياج لكن حارث انبهر من شافهه وكان يتمنى الاستعجال بالزواج لكن اكو بعض الامور تاخر زواجهم وهو ترتيب السكن وتاثيثه
بقو مخطوبين 6 اشهر لحد ما كملو شراء الحاجات الضروريه
لان زهره ماتريد تضايق حبيب عمرهه بامور ممكن بعدين تشتريهم
حددو موعد الزواج بعد عيد الفطر سنه 1996
قبل الزواج اجه مروان
زهره تعالى
نعم مروان....زهره انت مقبله على حياه جديده وصحيح انت هادئه وماتحبين مشاكل لكن حارث واهله...متعرفين طبعهم تقاليدهم حاولى تكسبيهم وديري بالج ياثر على حياتكم موضوع الطائفيه عيشو حياتكم وثبتو للعالم لافرق بين سنى وشيعي كلنا مسلمين وانى اعتذرت من حارث عالضرب الى ضربته وهو كان متفهم لانى اخوج ولازم احافظ عليج وبوسهه واعتذر منهه
انت هم مروان سامحنى يمكن انى تصرفت خطأ بس صدكنى كانت اول مره اطلع بيهه ويه حارث
وماخنت ثقتكم صدكنى حتى بالكليه محد يعرف بعلاقتنه
مبرووووووك حبيبتى وربي يسعدج
ابو مروان هم كلم بنته ووصاها لان كان خايف عليهه لان يتوقع تصير مشاكل طائفيه بنتى مهما يصير بينكم بيت ابوج مفتوح بس انت عاقله واكيد راح تحافضين على بيتج بوس بنته ونزلت دموعهه وبوست راسه وتذكرت الايام الصعبه الى مرت بيهه لكن بعد العسر يسرا
تحدد يوم الخميس الزواج كان بالنسبه للعروسين احلى واسعد يوم بحياتهم لكن الام كانت مهمومه اليوم بنتهه تنتقل لبيت الزوجيه وبعد تجيهم ضيفه صحيح الام تتمنى يوم زواج بنتهه لكن فراكهه صعب
من اجت الزفه راحت زهره على امهه تودعهه بقو متحاضنين ويبجون ماما سامحيني اريدج راضيه عنى
حبيبتى كلبي وربي راضى عليج وديري بالج على نفسج
وسلمت على حارث وبوس راس عمته ووصته على زهوره
عمه زهرة بعيونى وبكلبي انت وصيهه على
ابتسمت ام زهره
يالى حبي اليوم يومنه بس انت شطالعه تخبلين كل القهر والضيم الى شفته بحبج اطلعه اليوم
خجلت زهره
كمل العرس وزفوهم لبيتهم الجديد
بدو مرحله جديده بحياتهم ...
بس حبهم كان اقوى من كل الصعاب والظروف الى مرو بيهه
زهره معقوله الحلم تحقق
معقوله انت زوجتى اليوم واثنينه بيت واحد
مرت على ايام افكر بالانتحار كلت اذا تتزوجين غيرى الا انتحر
تدرى حارث ما كنت اتخيل نفسي اعيش مع رجل غيرك يمكن كان متت مئه فكره خطرت ببالى
حبيبتى خلى ننسى الى راح ونعتبره ماضي ودرس يخلينه نقوى علاقتنه وحبنا ياحبي الاول والاخير
بعد 10 اشهر ولدت زهره ثمرة حبهم بنت جميله كالقمر سمتهه نور كانت جميله تشبه امها الكل فرح بنور اهل حارث واهل زهره
استمرت حياتهم كلهه سعاده بعدين اجاها ولد سمته حسن وراه اجاها ولد وسمته يوسف
استمرت حياتهم كلهه سعاده وفرح مرت سنين
وصارت الحرب وسقوط بغداد وزهره وحارث حالهم حال العراقيين الباقين...
كانت نور متفوقه بالدراسه الاولى بالمدرسه هادئه مثل امهه جميله مطيعه والاولاد حركين ويتعاركون على طول سكنهم كان بمنطقه سنيه بما ان حارث شيعي كعد الصبح ...تفاجئ بظرف بي طلقتين انصدم عمره ماكان يفكر بطائفيه مع ان زوجته من غير مذهب عمرهم ما تناقشو ولا اختلفو بهالموضوع
اخذ زوجته واطفاله وراح لبيت ابو مروان
بقو محتارين شيسوون وين يرحون وين يسكنون
صارله كم سنه بهالمنطقه واجاله تهديد
لازم يتخذ قرار مصيري
للحكايه بقيه f
أنت تقرأ
#زهره-وحارث
Romantizmفتاة سنيه تحب زميلها الشيعي بالجامعه ويتزوجون بعد معاناة ومعارضه لكن يتعرضون لحادث مؤلم
