المراهقة الفاتنة

البارت 15

مشانقين وخالتي بيناتهم كاتفك فيهم ..
أنا : خوياااا
ضار عندي شافني معكزة على الباب وطلق من زهير وجا شد فيا ..
يحيى : علاش نضتي من بلاصتك؟
أنا : سمعت غواتكم ونضت، خويا عافاك ماقادراش على الصداع والمشاكل 😢 باراكا عليا عييت اهئ اهئ
عنقني وبقا كايطبطب عليا ..
خالتي : فرحة بنتي كيف بقيتي 😢
أنا : شوية اخالتي الحمد لله، بغيت نمشي من هنا ريحة السبيطار خنقاتني
خالتي : واخا ابنتي، زهير هاهو غايدينا
يحيى : فين غايديكم ا لالة؟ ختي غاتمشي معايا
خالتي : فين؟
يحيى : لدارهم، غاترجع منين جات 😡 حتى يجي داك ولدكم وغانتفاهمو
زهير : غاطلق البنت حسن ليك 😡 يحساب لك سايبة ولا
خالتي : سمع اولدي، فرحة أمانة عندي وماغانخليك تديها لحتى بلاصة حتى يرجع راجلها وضبر معاه
يحيى : أمانة عندك هه لا لا باينة غير منين حافظتو عليها 😡 ونتا ديها فراسك سمعتي، ختي غانديها هي غانديها واللي فجهدك ديرو ويلا بغيتي المخزن يفرق بيناتنا مرحباااا 😠 ونيت نعرفو هاد البنت كيفاش طاحت وهاد آثار الضرب منين جاوها، ودابا اختارو 😡
أنا غير كانشوف فيهم وساكتة، الجهد ديال الكلام ماعنديش، جا الطبيب خرج ليا شي دوايات وأكد عليا نشوف أخصائي، حاوطني خويا بيديه وخرجني كانتمشى بشوية عليا وخالتي والبنات وزهير ورايا كايشوفو فيا بحزن، والبنات كايبكيو، أثرو فيا بزاف، حدرت راسي ومشيت مع يحيى بلا مانودعهم، ركبنا فاللوطو وتحرك، هزيت عيني فالمرايا وبانو ليا واقفين باب السبيطار ومتبعين اللوطو، ضرني قلبي وخاصة فاش تفكرت مراد وشنو ممكن يدير فيهم يلا رجع ومالقانيش، وهوما مافوتو فيا غير الخير، دمعو عينيا وماحسيتش براسي وأنا كانغوت على خويا يوقف ..
أنا : يحيى وقف اهئ وقااااااف 😢
يحيى : مالكي؟ كاضرك شي حاجة؟
أنا : اه .. كايضرني قلبي اخويا 😢 رجعني عندهم
يحيى : وااااش حمااقيتي 😡 علاش باغا ترجعي عندهم؟
أنا : بغيت 😢 هوما عائلتي وبغيت نبقا معاهم اخويا 😢 بغيت نتسنا راجلي حتى يرجع
يحيى : راجلك هه نسيتي كيفاش تزوج بيك وعلاش؟ ياكما نفكرك
أنا : مانسيتش 😢 نتوما اللي نسيتوني .. نتوما اللي تخليتو عليا، نتوما اللي رميتوني وهو شدني وحضني عندو، وعائلتو تعاملات معايا احسن من عائلتي الحقيقية، وفرو ليا كاع اللي نحتاج، ونتوما شنو درتو؟ فأول غلطة لحتوني
حليت الباب ونزلت، وتبعني هو شدني من يدي ..
يحيى : فرحة 😡 ديري عقلك اختي
أنا : دابا دايراه ماشي بحال قبل ماكان عندي عقل وماكانت عندي شخصية ولكن مع مراد بنيتها، ياك شفتيني؟ صافي دابا سير رجع عندهم
يحيى : فرحة شوفي خاصني نقوليك شي حاجة مهمة، وغاتغيري رأيك
أنا : مابغيت نسمع منك وااالو صافي باراكا
نترت يديا ورجعت عندهم بشوية عليا، شافوني وفرحو وجاو كايجريو عندي ..
رابحة : كنت متأكدة ماغاتقدريش تمشي
أنا : بلاصتي معاكم نتوما 😢 ومع راجلي
خالتي : الله يرضي عليك ابنتي، زدتي كبرتي فعينيا، زهير جيب الطموبيل مرات خوك باقا عيانة ماخاصهاش توقف بزاف
زهير : واخا ا مي
جاب زهير اللوطو وطلعنا فيها كاملين ويحيى كايشوفينا، شدينا الطريق للدار وأنا ساهية كانفكر حتى فيقني صوت زهير ..
زهير : كانتاصل بمراد ماكايجاوبش
أنا : خويا زهير عافاك ماتقوليه والو حتى وكان يرجع، ماتشطنوش
زهير : ولكن اختي خاصو يعرف، باراكا غير خبينا عليه نهار العقرب حيت طلبتينا نتي ولكن دابا القضية فيها عائلتك
أنا : ماتخافش، خليه حتى يرجع وأنا غانعاود ليه كلشي
زهير : اللي بان ليك اختي
سكتنا وخالتي شادة ليا يدي وكاتبوس ليا فكتفي وكادعي معايا ..
زهير : خوك تابعنا من اللور
أنا (تنهدت) : خليه، راسو قاصح ونيت يلا وصلنا نهضر معاه
وصلنا للدار ونزلت شادين فيا البنات، لقينا نادية فالباب وشوفاتها فشكل، زدت شكيت باللي هي اللي ورا طيحتي، خنزرت فيها ودخلت وهي مبلقة عينيها وكاتسولهم عليا، خداوني نيشان لبيتي، تكيت ففراشي ومشاو يجيبو ليا ماناكل بقات حدايا غير خالتي مافرقاتنيش حتى دخل خويا يحيى وناضت هي خرجات وخلاتني معاه بوحدنا ..
أنا : يحيى هضرت معاك
يحيى : ولكن أنا مازال ماهضرت ونتي خاصك تسمعيني، فرحة هاد الزواج صفقة، سمعتي صفقة بين داك اللي كاتقولي عليه راجلك وبين سي جلال، وغايسالي هادشي فاش راجلك يرجعو ليه أراضيه اللي على قبلهم وافق يتزوج بيك
أنا : 😨 ..