سمعت التقرقيب، وبديت نحل عينيا بتثاقل وراسي ضارني ماقدرتش نهزو من فوق المخذة، لقيت مراد كايرون فالماريو وحوايجو حالتهم بالتراب من اللور ومبقعين، تفكرت البارح وأنا نتهز من بلاصتي ..
أنا : مراد
سمعني وضار عندي شافيا، لقاني شادة فراسي وعينيا مقلوبين، حالاهم غير بزز، حط كلشي من يديه وجا جلس حدايا فالسرير ..
مراد : صباح الخير، مالكي؟
أنا : راسي كايعطيني الصداع بزاف، يمكن من السهير ديال البارح
مراد : اه، رجعي نعسي بينما جبت ليك كينة اوك
بغا ينوض وأنا نشد ليه فيديه رجعتو لبلاصتو ..
أنا : فين بتي؟ خليتيني كانتسنا فيك حتى الفجر وغفيت
مراد : اا ا لا غير بقيت مع الدراري صحابي مقصرين وصافي
أنا : اهاه نتا جلس قصر مع صحابك وخليني أنا هنا عقلي غايخرج 😡
مراد : قلت ليك ماتسناينيش ماشي دري صغير تخافي عليا 😑
أنا : اييه نستاهل
مراد : فرحة ماتصدعيش ليا راسي مع هاد الصباح الله يرضي عليك، خليني مزيان
أنا : وعلاش كاتغوت عليا؟
مراد : فررحة 😠 راه مانسيتش البارح
أنا : وأنا شنو ذنبي؟
مراد : ماتفاوتيش من حدا الواليدة، علاش طلعتي نتي وديك البرهوشة الفوق علاااااش؟ وفاش لقيتو الظلام نزلو فحالكم
أنا : حيت عييت داكشي علاش قلت ليهم نرجعو فحالنا وقالت ليا خدوج باقا الغرامة 😢
مراد (كايمسح على وجهو) : ففففف اوك اوك
ضور وجهو للجهة الاخرى وأنا حدرت راسي والدموع فعينيا، شفت يديه اللي بقيت شاداها وبان ليا الدم خرجت عينيا وهزيتها كانقلب فيها، وهو يضور شافيا وحيدها بزربة وناض ..
أنا : مراد منين جاك الدم؟ 😮
مراد : والو غير ذبحت فروج وعمرت وماغسلتهمش مزيان
أنا : ذبحتيه 😨
مراد : وي
أنا : شنو جامع فداك الصاك؟
مراد : حوايجي، غانمشي اليوم فالعشية
غير سمعتو قال غايمشي ونقزت من بلاصتي عندو وأنا باقا لابسة دوبياس باش نعست
أنا : اويلي على اليوم، نتا قلتي حتى للسيمانة الجاية
مراد : اتاصلو بيا دوك الناس وبغاوني نبدا الخدمة من غدا، واليوم يالاه نلقا فين نجلس
أنا : ديني معاك 😢
مراد : ففف 😡 فرحة راه دوينا قبل أولا؟ ودابا علاقتك بمالين الدار تقادات يعني ماكاين لاش تخافي معاهم
أنا : ولكن
مراد : فرحة فهميني عافاك، هادشي كانديرو على قبلنا وبغيتك تصبري معايا واخا؟
أنا : صافي واخا 😔
بقا كايطلعني ويهبطني بنظرات فشكل وأنا كانشوف فيه باستغراب
أنا : مالك كاتشوف فيا هاكا؟
مراد : هانا غانجاوبك تسناي
بدا كايحيد فالشوميز ديالو وجاي جيهتي وأنا راجعة باللور حتى جلست فوق السرير، رماها فالارض وحاصرني بيديه وعينيه فعينيا وبدا كايقرب مني عاد طلعات معايا أنا ولكن كان فات الفوت 😢 فطر بيا أنا اللولة ...
دازت ساعتاين ولا كثر ماحبس حتى سمع الدقان فباب البيت ..
فوزية : فرحة فرحة واش فقتي؟
ناض عليا مخنزر وكايسوط تقلب على ظهرو وجر عليه الغطا وأنا شادة الضحكة غير بزز 😂 لبست دوبياس ديالي ومشيت للماريو جبدت بيجامة فالازرق مفتوح لبستها وحليت الباب بلا مانهز الريدو حيت الناموسية جات قريبة وهو متكي عريان مابغيتش ختو تشوفو هاكاك ..
فرحة : صباح الخير فوزية
فوزية : صباح النور، فيقتك؟
فرحة : لا فقت قبيلة اختي غير راسي وجعني شوية
فوزية : حتى رابحة وخدوج صبحو مدكدكين، مامولفينش السهير
فرحة : حتى أنا، يالاه نقادو الفطور
فوزية : لا قاديت كلشي، جيت نعيط ليك نيت باش تفطري نتي وخويا
فرحة : اه مراد ناعس حيت يالاه دخل
فوزية : اوا صافي خليه تاوكان واجي نتي
ابتاسمت ليها وسبقاتني، ضرت شفت فمراد لقيتو مكسل ومفرق رجليه ويديه دايرهم ورا راسو وكايضحك ويغمزني، خنزرت فيه وسيفط ليا بوسة فالهوا ومشيت كانجري تابعة فوزية والضحكة ففمي كي الحمقة، لقيتها حاطة الفطور، فطرنا مجموعين ونادية هي وولادها قربلو الدنيا بغواتهم حتى من اتاي خواوه فالفراش وخالتي مسكينة كاتغدد ونادية عاجبها الحال وغير ما زايدة فيه، سالينا وضرنا بالدار جمعناها أنا وفوزية وخدوج ورابحة مشاو للكوري وخالتي رجعات نعسات ترتاح ونادية شادة مرايا وجالسة فقاع الدار كاتنتف فموسطاجها بالنتاف ودموعها نازلين 😂 ومرة مرة يبان ليها واحد من ولادها وتبدا تدعي فيه وتخلط معاه قبيلة باه ضد فينا حنا اللي كانسمعو، داز النهار روتيني ومراد مافاق حتى للعصر كلا ودوش ولبس حوايجو باش يمشي وأنا قلبي تزير عليا وشداتني البكية ..
أنت تقرأ
المراهقة الفاتنة
Storie d'amoreقصة فتاة مراهقة ومراهقتها توقعها فمشاكل كثيرة ومغامرات خطيرة رومانسية درامية من الواقع زواج اجباري يتحول لقصة حب رائعة
