سمعني وضار عندي بزربة وعقد غوباشتو كثر ..
مراد : غانعاودو نفس الفيلم؟
أنا : ماشي شغلي، أنا بغيت نمشي نشوف ماما ومن حقي
مراد : ماغاتمشيش لديك الدار حاليا ا فرحة وسدينا
أنا : كيفاش سدينا؟ واش غاتمنعني نشوف ماما؟
مراد : مابغيتش نمنعك، ولكن تسناي نرتب شي أمور
أنا : اشمن أمور هاا؟ الأراضي ياك
مراد : 😨
أنا : مالك تصدمتي؟ يحساب ليك يلا خبيتي عليا نتا راه ماغانعرفش
مراد : شنو كاتقولي
أنا : نتا اللي غاتقووول 😡 دابا وليت أنا صفقة بينك وبين سي جلال، تربيني مقابل يرجعو ليك أراضيك دوي 😡 ها أراضيك رجعووو ليييك شنو باقي كاتسنا؟ يالاه رجعني ليهم يالاااه، طلقني ورميني ليهم كيف رماوني هوما
مراد : فرحة
أنا : فرحة فرحة فرحة كرهتووووني فسميتي 😡 اشمن فرحة شفت من نهار تزاديت
مراد : غاتسكتي لا 😠
أنا : ماغانسكتش سمعتي واللي فجهدك ديرو 😡 علاش ماعاودتي ليا والو هااا؟ ولا خفتي نضيع عليك الاتفاق
مراد : اشمن اتفاق ولا خرااا 😠 من اللول قلت ليك الزواج من تخطيط باك
أنا : وحتى نتا كاتحمل معاه المسؤولية، بلا ماترمي عليه كلشي وتخرج راسك
مراد : حتى أنا داخل معاه ولكن من بعد تراجعت على هادشي حيت بصح وليت كانبغيك
أنا : كون كنتي كاتبغيني كنتي غاتصارحني ماشي تخليني فدار غفلون وتلعب ورايا 😡
مراد : مالعبتش وراك 😠 خبيت عليك لمصلاحتنا بجوج، كنت كانحاول معاك تأقلمي مع هاد الجو وتولفيني وكون صارحتك غاتزيدي تكرهيني وغاتبغي ترجعي لعندهم 😡
أنا : ودابا فاش عرفت ماخايفش نرجع عندهم؟
مراد : ماتقدريش 😡 ولا نقوليك أنا اللي ماغانخليكش 😡 نتي دابا مرااااتي ماشي غير فالاوراق وحاملة من الفوق يعني غاتبقاي معايا بغيتي ولا كرهتي
أنا : بزز
مراد : اه بزز
ناري ولد الحرام ضرب ليا كلشي فالزيرو 😮 وكايخرج فعينيه من الفوق بحال يلا ماداير حتى حاجة ..
مراد : شكون قاليك هادشي؟
أنا : خويا
مراد : خوك! وفين شفتي هاد خوك بالسلامة
أنا : جا عندي وفنفس النهار اللي طحت فيه وهو اللي داني للسبيطار وكان بغا يرجعني معاه ولكن أنا اللي مابغيتش، تسنيت حتى تجي نتا ونتفاهمو
مراد : يرجعك معاه هه سايبة ولا؟ ولكن مزيان فاش فكرتي بعقلك وشديتي الأرض أما كون طاوعتيه ومشيتي معاه كانت غاتكون ليا معاك هضراا خراا لانتي لا هو 😉
أنا : باز ليك اسيدي باااز، دايرها قد راسك وزايدها بتخراج العينين
مراد : مالي شنو داير كاع بالسلامة؟ أي واحد بلاصتي كان غايوافق باك ولكن أنا بعدا تراجعت من بعد وكملت معاك عادي وفاش باك اتاصل بيا باش يعلمني باللي الاتفاق وصل لنهايتو وقفت ضدو وقلت ليه ينسا كلشي وينساك حتى نتي
أنا : هو اللي اتاصل بيك ديك الليلة
مراد : اه هو، ودابا هانتي عرفتي كلشي يالاه سدي على الموضوع .. ففففففف مايمكنش نجي شي نهار ونلقى كلشي هو هاداك ونفرح ضرووووري نلقا الصداع والروينة وتنكد عليا 😠
أنا : حيت نتا اللي كاتقلب على المشاكل 😡 المهم غدا غايرجع عندي خويا باش يديني
هز واحد القرعة ديال الريحة قدامو وضربها مع الحيط حتى تشتتات ..
مراد : فرحااااااا 😠 ماتخرجيش ديلمي على طوووعي، واش هضرتي أنا ولات زايدة ناقصة عندك ولا كيفاش هااا
أنا : اهئ 😢 وا بغيت نمشي عند ماما، هي ناعسة فالسبيطار وخاصني نمشي نشوفها وغاااااانمشي اهئ اهئ الطبيب قاليا مانتعصبش ويلا انفاعلت غانتعرض للاجهاض ونتا كاتعصب فيا اهئ اهئ بغيتي تقتلني ياااااك دوي يالاااه زيد عصبني زيييد .. اااااي ا ماما كرشي (كانتبوحط)
بدا كايدوز يدو على راسو وكايتنفس باش يتهدن وأنا كانشوف فيه غير بنص عين وكانتوجع بلعاني ..
مراد (كايمسح على راسو) : صافي صافي فففف اوك تهدني دابا واخا، فين دواك؟
أنا : هاهو 😢
جا عندي جبد الدوا وعطاه ليا وحليا قرعة الما شربني، جلس حدايا وبدا كايدوز يديه على راسي ..
مراد : شوية دابا؟
حركت ليه راسي بالايجاب
مراد : دابا شديتيني من اليد اللي كاتوجعني ياك .. اوك صافي ففف غدا غانمشي معاك تشوفي ماماك ولكن حدنا السبيطار ونرجعو
أنا : اهئ اهئ وااالاااا غانبقا معاها
مراد : ماطلعيش ليا فوق راسي 😡
بقيت كانضور فعينيا وكانفكر حتى طاحت عليا فكرة 😈 وأنا نسمح دموعي بظهر كفي ..
أنا : صافي نشوفها ونرجع
مراد : دابا مزيان، يالاه اجي عندي
طلع حدايا فوق السرير وجرني عندو عنقني وزير عليا، بقينا ساكتين ومع الدوا كاينعس ماعقلت على راسي ايمتا غفيت وهو بقا حال عينيه وساهي فالخوا كايفكر، طل عليا لقاني نعست وقاد ليا راسي فوق المخذة وناض خرج، مشا عندهم للدار الاخرى لقا خالتي والبنات جالسين وسط الدار وديرين يديهم على حناكهم ..
مراد : مي، زهير مارجعش؟
خالتي : لا اوليدي، منين خرج قبيلة مابقا رجع، وليدي مسيكين دازت عليه
مراد : اممم صافي أنا خارج دابا نشوفو، خدوج مرة مرة طلي على فرحة لاتخصها شي حاجة، راه خليتها ناعسة
خدوج : واخا اخويا ..
أنت تقرأ
المراهقة الفاتنة
Storie d'amoreقصة فتاة مراهقة ومراهقتها توقعها فمشاكل كثيرة ومغامرات خطيرة رومانسية درامية من الواقع زواج اجباري يتحول لقصة حب رائعة
